Европа
Ќе се гласа доверба на Тереза Меј
![](https://makfax.com.mk/wp-content/uploads/2018/09/Tereza-Mej-1.jpeg)
Британскaтa премиерка, Тереза Mej, денеска ќе се соочи со гласање за доверба, објави Би-би-си.
Како што пренесува Би-би-си, членовите на нејзината конзервативна партија ќе гласаат помеѓу 19 и 21 часот. Би-би-си пишува дека гласањето за доверба доаѓа откако беа собрани 48 писма од пратеници.
Меј стана британски премиер токму на „славата” на брегзит, односно британското повлекување од ЕУ, но парадоксално, токму затоа ќе се гласа и за доверба, пишуваат медиумите во Британија.
UK Prime Minister Theresa May will face a vote of no confidence in her leadership later on Wednesday https://t.co/wzta1v9ScU
— BBC Breaking News (@BBCBreaking) December 12, 2018
Меј успеа да постигне договор со лидерите на ЕУ за повлекување на земјата од европското семејство, но поголемиот дел од претставниците во британскиот парламент не се согласуваат со постигнатиот договор.
Договорот во парламентот требаше да се гласа вчера, но премиерката го откажа гласањето. В четврток и в петок лидерите на земјите членки ќе се состанат во Брисел на редовниот декемвриски самит, на кој, иако не беше планирано, повторно ќе доминираат прашањата поврзани со брегзит, откако премиерката Тереза Меј го одложи гласањето на постигнатиот договор за брегзит со ЕУ во британскиот парламент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Русија соопшти дека соборила 36 дронови испратени од Украина
![](https://makfax.com.mk/wp-content/uploads/2024/04/shahed-136-dron00002-830x0.jpg)
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
![](https://makfax.com.mk/wp-content/uploads/2024/06/isceznata.jpg)
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.
Европа
Пет лица загинаа во напад со беспилотно летало во руската област Курск, меѓу нив и деца
![](https://makfax.com.mk/wp-content/uploads/2017/09/jak-130-rusko-solsko-letalo-2.jpg)
Пет лица загинаа во напад со беспилотно летало во руската област Курск во близина на границата со Украина, објави регионалниот гувернер Алексеј Смирнов на Телеграм.
„Меѓу жртвите има и две деца. Удрена е куќа во селото Городиште во Рилската околија. Двајца други членови на семејството, од кое се жртвите, се во тешка состојба“, додаде Смирнов.
Претходно руското Министерство за одбрана соопшти дека се уништени шест украински беспилотни летала над неколку руски региони, вклучувајќи ги Тверската, Белгородската и Брјанската област, како и над Крим.
Сообраќајот по Кримскиот мост бил во прекин околу еден час рано утринава и сега вкупно околу 600 автомобили се собрани од двете страни на мостот