Свет
(Видео) Авиомеханичар украл авион од аеродром па го урнал во море
Авиомеханичар украл авион на „Алјаска ерлајнс“ во кој немало патници и полетал од Меѓународниот аеродром во Сиетл, во државата Вашингтон. Набрзо потоа се урнал во близина на островот Кетрон.
Полициски официјални лица денеска објавија дека авиомеханичарот бил склон кон самоубиство и дека инцидентот нема никаква врска со тероризам. Авионот бил украден од 29-годишен човек кој, според аудио снимките, им кажал на контролорите за летање дека има многу луѓе кои се грижат за него, но дека е емоционално вознемирен.
Some dude stole a plane from #Seatac (Allegedly), did a loop-the-loop, ALMOST crashed into #ChambersBay, then crossed in front of our party, chased by fighter jets and subsequently crashed. Weird times. pic.twitter.com/Ra4LcIhwfU
— bmbdgty (@drbmbdgty) August 11, 2018
Нoвинската агенција АП соопшти дека тој се пошегувал прашувајќи дали авиокомпанијата ќе го вработи како пилот, ако успее да слета безбедно. Сепак, авионот се урнал во близина на островот Кетрон.
Apparently someone stole a plane from SeaTac? Saw two fighter jets fly overhead then smoke pic.twitter.com/w0bveGUJQH
— McKenna Brown (@mckenna_brown) August 11, 2018
Официјални лица изјавија дека вработен во компанијата летал без дозвола и дека авионот се урнал во морето. Инцидентот се случи минатата ноќ, а станува збор за авион Q400 кој може да има и до 78 места.
На социјалните мрежи беше објавено видео на кое може да се види како авионот кружи над аеродромот, објави Би-Би-Си. Прелиминарната истрага покажува дека несреќата се случила бидејќи механичарот извел акробација, а не бил доволно обучен за летање, објави локалната полиција на Твитер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Девојка се извлече без гребнатинка од страшна сообраќајна несреќа во Италија: „Ја спасија куферите, беше полн багажникот“
Во судирот, кој се случи во Ливорно кога германски државјанин удри во наплатна рампа, три лица загинаа, а неколку се повредени. Меѓу нив има и девојка, чиј живот, според зборовите на нејзиниот татко, го спасиле куферите во возилото.
Во сообраќајна несреќа што се случи на 2 јуни на автопат во Италија, во близина на Ливорно, загинаа три лица, а неколку се повредени.
Тешко повредените се уште се во болница, а таткото и мајката со ќерката од Австрија велат дека „ги спасило чудо“.
Таткото за италијанскиот весник Тирено вели дека се спасени само благодарение на насобраниот багаж.
„Чудо е што ќерка ми нема гребнатинка и покрај скршеното задно стакло“, рекол таткото.
„Застанав во редот на патарина, платив, почнав да возам, одеднаш нешто силно не удри. Ќерка ми беше на задното седиште, стаклата се искршија, но беше неповредена благодарение на полна багажникот и куферите“, објасни тој.
Многу тешка сообраќајна несреќа се случила кога 61-годишен маж, државјанин на Германија, наеднаш „полудел“ и свртел десно, насилно удирајќи во патарина во областа Ливорно.
Тој и неговата сопруга настрадале на лице место. Покрај нив, загина уште едно лице кое управувало автомобил Хонда.
Меѓу повредените има и две деца на една и шестгодишна возраст.
Регион
(Видео) Проговори осомничениот за смртта на 2-годишната Данка, вели дека е невин
Срѓан Јанковиќ негира дека ја убил Данка Илиќ.
„Денеска, 04.06.2024 година, во просториите на Вишото јавно обвинителство во Заечар беше сослушан осомничениот Срѓан Јанковиќ, кој целосно го негираше извршувањето на кривичното дело“, се вели во соопштението на Вишото јавно обвинителство Заечар.
Девојчето Данка Илиќ беше убиено на 26 март годинава. Јанковиќ беше уапсен на 4 април 2024 година под сомнение дека ја убил Данка заедно со неговиот колега Дејан Драгијевиќ.
Иако по апсењето се чинеше дека случајот брзо ќе се разреши, истрагата заглави во ќорсокак. Телото на девојчето до денес не е пронајдено. Како што објави порталот Нова.рс пред дваесетина дена, на ниту еден од предметите запленети во истрагата за исчезнувањето на двегодишната Данка Илиќ од Србија не се пронајдени биолошки траги од неа.
Српскиот портал напиша дека биле прегледани над 400 траги пронајдени во службеното возило за кои постои сомневање дека ги користеле Дејан Драгојевиќ и Срѓан Јанковиќ кога наводно го удриле девојчето.
„Од внатрешноста на службениот автомобил во Бор се отстранети повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ, ниту во самиот автомобил, ниту на надворешните делови на возилото“, објави Нова.рс, на 10 мај, информација добиена од Вишото јавно обвинителство.
Свет
Вакцината против рак на кожата го намали ризикот од смртност – лекарите задоволни од резултатите
Првата персонализирана мРНК-вакцина против рак на кожата во светот го преполови ризикот од смрт на пациенти или враќање на болеста.
Резултатите на Светскиот фонд за истражување на ракот за 2020 година покажуваат дека меланомот погодува повеќе од 150.000 луѓе годишно во светот. Сепак, првата персонализирана мРНК-вакцина против рак на кожата во светот го намали за половина ризикот од смрт на пациенти или болеста да се врати.
Пациентите што ја примиле вакцината, по отстранувањето на меланомот во стадиум 3 или 4, имале 49 отсто помал ризик од смрт или враќање на болеста по три години, покажуваат податоците презентирани на најголемата светска конференција за рак.
Примарниот истражувач на студијата, онкологот Џорџина Лонг, рече дека просечниот ризик од повторување по операцијата за групата пациенти со напреднат карцином е 50 проценти.
„Охрабрени сме од последните резултати. Овие наоди ја зајакнуваат нашата посветеност за унапредување на овој иновативен третман“, рече Кајл Холен, шеф на развој, терапија и онкологија во „Модерна“.
Позната како mRNA-4157 (V940), вакцината е специјално направена за секој пациент и му кажува на телото да ги убие сите преостанати клетки на ракот и да го спречи враќањето на болеста.
За време на операцијата на пациентот се отстранува примерок од тумор, по што следува секвенционирање на ДНК и употреба на вештачка интелигенција.
Професорот Чарлс Свантон, главен за истражување на ракот во Велика Британија, рече дека резултатите од испитувањето за меланом биле исклучително импресивни.
Илјадници пациенти во Англија бргу се вклучени во испитувањата на персонализирана вакцина против ракот во револуционерна, прва во светот, шема за „договори“ за спасување животи на NHS, пренесува „Кликс.ба“.