Американскиот претседател Џо Бајден изјави денеска дека ураганот Јан на Флорида предизвикал штета, која веројатно е меѓу најголемите во историјата и нареди да се преземат сите можни активности за да се спасат човечки животи.

„Штетата предизвикана од ураганот се утврдува“, изјави Бајден пред новинарите, пренесе „Ројтерс“.

Ураганот денеска продолжи кон Јужна Каролина откога вчера ја погоди Флорида кога загинаа 19 лица, а бил проследен со обилни дождови, кои предизвикаа катастрофални поплави и прекин на електричната енергија во американската сојузна држава.

The end of the Pawleys Island pier has collapsed & is floating south. pic.twitter.com/ajJsWeXWfN

— Pawleys Island PD (@PawleysIslandPD) September 30, 2022

На денешиот говор на Владимир Путин реагира и Борис Џонсон, поранешниот премиер на Велика Британија. Тој го опиша говорот на Путин, кој претходно денеска најави формална анексија на четири украински територии, како измама и срам.

„Владимире Путин, твојот говор е измама и срам. Светот никогаш не смее да ги прифати твоите лажни референдуми или твојот суров и незаконски обид за колонизација на Украина. Ние стоиме со народот на Украина и ќе го поддржуваме без двоумење додека нивната земја не биде целосно слободна“, напиша Џонсон на „Твитер“.

Vladimir Putin your speech is a fraud and a disgrace. The world must never accept your sham referendums or your cruel and illegal attempt to colonise Ukraine. We stand with the people of Ukraine and will support them without flinching until their country is whole and free.

— Boris Johnson (@BorisJohnson) September 30, 2022

Портпаролката на руското Министерство за надворешни работи, Марија Захарова, ја коментира изјавата на генералниот секретар на ОН, Антонио Гутереш, дадена како резултат од референдумот во регионите ДНР, ЛНР, Запорожје и Херсон.

„Во овој случај Гутереш очигледно не само што ги пречекори своите овластувања туку, всушност, се солидаризира со колективниот Запад, уште еднаш прибегнувајќи кон селективен пристап во толкувањето на настаните“, рече портпаролката.

Захарова додаде дека „директните напади на генералниот секретар на ОН врз фундаменталното право на луѓето од регионите ДНР, ЛНР, Херсон и Запорожје на самоопределување е уште еден пример за лицемерство и очигледни двојни стандарди“.

„Сметаме дека е неприфатливо генералниот секретар на ОН да се претвора во инструмент за пропаганда и притисок врз земјите членки, иако треба да се води од Повелбата на ОН“, заклучи таа.

Генералниот секретар на ОН, Антонио Гутереш, претходно изјави дека пристапувањето на ДНР, ЛНР, Херсон и на Запорожје не може да биде прифатено во Русија бидејќи, според него, референдумите не може да се сметаат за вистински израз на волјата на народот бидејќи тие се одржаа надвор од правната рамка на Украина и на територијата што е контролирана од страна на Русија.

Тој истакна дека секоја анексија на територијата на една држава е кршење на Повелбата на ОН и на меѓународното право.

Според него, Русија како една од петте постојани членки на Советот за безбедност на ОН има посебна одговорност за почитување на Повелбата на ОН.

„Секоја одлука за анексија на регионите Донецк, Луганск, Херсон и Запорожје во Украина нема да има правна сила и заслужува осуда“, нагласи генералниот секретар.