Украина има целосна контрола врз Лиман со најзначајното освојување на бојното поле на Киев во последните неколку недели, за кое висок функционер рече дека може да послужи како отскочна даска за понатамошни освојувања на истокот, пренесува Ројтерс.

„Од 12:30 часот, Лиман е целосно исчистен“, рече украинскиот претседател Володимир Зеленски во краткиот видео клип на неговиот канал на Телеграм.

Руските вооружени сили не го коментираа статусот на градот.

Руското Министерство за одбрана вчера објави дека ги повлекува војниците од областа „поради закана од опкружување“.

Последниот остар удар за рускиот претседател Владимир Путин дојде откако тој во петокот објави анексија на четири региони кои покриваат речиси една петтина од Украина, област која го вклучува Лиман.

Киев и Западот ја осудија декларацијата како нелегитимна фарса. Руските сили го зазедоа Лиман во мај и го користеа како логистички и транспортен центар за нивните операции во северниот дел на регионот Доњецк.

Сергиј Гајдаи, гувернер на регионот Луганск, кој е соседен со Доњецк, рече дека контролата над Лиман може да и помогне на Украина да ја врати изгубената територија во неговиот регион, чие целосно заземање Москва го објави на почетокот на јули.

„Ослободувањето на овој град во регионот Доњецк е еден од клучните фактори за понатамошна деокупација на регионот Луганск“, напиша Гајдај во неделата на „Телеграм“.

Најмалку 18 лица се повредени, од кои едно потешко, при експлозија на барабан со течен азот за време на научен собир во Домот на културата во Жирона, Шпанија.

Меѓу повредените има и 10 деца, од кои едно е во тешка состојба, петгодишно девојче, дознава РТВЕ.

Универзитетот во Жирона објави дека експлозијата била предизвикана од „прекумерно количество водена пареа“, а станува збор за експеримент кој редовно се спроведува на научни собири како овој, кои се одржуваат за да се доближи науката до децата.

Овој настан, кој е дел од манифестацијата „Ноќ на науката“, беше организиран од Универзитетот во Жирона, а домаќин беше Дани Хименез, кој често се појавува во телевизиски програми за деца. Присуствуваа меѓу 200 и 300 луѓе, а публиката беше претежно деца, соопштија претставници на полицијата.

Британското Министерство за одбрана го нарече повлекувањето на Русија од украинскиот град Лиман „значителен политички неуспех“.

Во своето секојдневно ажурирање, министерството наведе дека силите најверојатно претрпеле „тешки загуби“ при повлекувањето, додавајќи дека овој потег доведе до натамошен бран на јавни критики на военото раководство на Русија од страна на високи функционери.

Зошто е важен Лиман?

Градот е оперативно важен поради неговата географска локација во регионот Доњецк во источна Украина, за кој Русија изјави дека има намера да го ослободи и кој Владимир Путин го анектираше во петокот.

Кремљ вчера објави дека руските војници се повлекле од градот поради опасност да бидат опколени од украинските сили.