Свет
(Видео) Војската изврши државен удар во Нигер
Војската во западноафриканската држава Нигер на националната телевизија објави дека врши државен удар. Тие истакнаа дека го распуштиле уставот, ги суспендирале сите институции и ги затвориле границите на државата.
Претседателот на Нигер, Мохамед Базум, е задржан во палатата во главниот град Нијамеј од претседателските гардисти, а регионалните лидери организираа брза посредничка мисија за да се обидат да спречат уште едно потенцијално грабање моќ во Западна Африка.
Африканската унија и западноафриканскиот регионален блок ECOWAS го осудија, како што го нарекоа, обидот за државен удар повикувајќи ги бунтовниците да го ослободат Базум и да се вратат во нивните касарни.
Соединетите Американски Држави повикаа на ослободување на претседателот, а Европската Унија, Обединетите нации, Франција и други го осудија бунтот и рекоа дека со загриженост ги следат настаните.
„Решивме да ставиме крај на режимот каков што го знаете“
Во телевизиско обраќање во средата, полковникот Амаду Абдрамане, заедно со девет други униформирани војници зад него, рече: „Ние, одбранбените и безбедносните сили… одлучивме да ставиме крај на режимот каков што го знаете.
„Причина за тоа е континуираното влошување на безбедносната состојба и лошата економско-социјална состојба“.
Тој рече и дека сите институции во државата се суспендирани и дека раководителите на министерствата ќе се грижат за секојдневните работи.
„Се бара од сите надворешни партнерски земји да не се мешаат“, продолжи тој. „Копнените и воздушните граници се затворени додека не се стабилизира ситуацијата.
Тој додаде дека ноќниот полициски час ќе важи од 22 до 5 часот до понатамошно известување.
Полковникот Абдрамане рече дека војниците дејствувале во име на Националниот совет за заштита на татковината (ЦНСП).
Американците: Нашата помош за Нигер зависи од зачувувањето на демократијата во таа земја
Американскиот државен секретар Антони Блинкен го услови продолжувањето на помошта за Нигер со зачувување на демократијата во таа африканска земја, соопшти Стејт департментот.
„Силното економско и безбедносно партнерство меѓу Соединетите Американски Држави и Нигер зависи од зачувувањето на демократијата и почитувањето на владеењето на правото и човековите права“, рече Блинкен во телефонскиот разговор со претседателот на Нигер, Мохамед Базум, кој беше приведен од членовите на претседателската гарда.
Вашингтон „го осудува обидот за насилно преземање на власта и уривање на уставниот поредок“, додаде американскиот државен секретар, се вели во соопштението.
Антони Блинкен исто така ја нагласи цврстата поддршка на Вашингтон за „претседателот Мохамед Базум и демократијата во Нигер“, објави Стејт департментот.
Генералниот секретар на ОН: Загрижен сум што претседателот на Нигер е во заробеништво
Генералниот секретар на ОН, Антонио Гутереш, „најостро ја осудува неуставната промена на власта“ во Нигер, изјави неговиот портпарол откога армијата објави дека го соборила претседателот Мохамед Базум.
Портпаролот на Гутереш, Стефан Дужарик, рече дека генералниот секретар на ОН е „длабоко загрижен“ од приведувањето на претседателот Базум од страна на членовите на претседателската гарда.
„Генералниот секретар повикува на итен прекин на секоја акција што ги крши демократските принципи во Нигер“, додаде Дужарик.
Нигер, чија историја е обележана со државни удари, е еден од последните сојузници на западните земји во регионот Сахел уништен од џихадистичкото насилство и чии две соседни земји, Мали и Буркина Фасо, каде што војската е на власт по пучот, се свртеа кон други партнери, вклучувајќи ја и Русија.
Путин сака да го прошири своето влијание во Африка
Во соседно Мали, пак, тешко вооружените руски платеници на „Вагнер“ му помагаат на воениот режим во борбата против џихадистичките бунтовници. Така, ситуацијата во Нигер сега станува една од главните теми на Западот поради активноста и нестабилноста на „Вагнер“ во регионот Сахел.
Претседателот Владимир Путин, кој сака да го прошири руското влијание во Африка, денеска ќе биде домаќин на африканските лидери во Санкт Петербург.
Економската заедница на Западна Африка (ЕКОВАС) соопшти дека „остро го осудува обидот да се преземе власта со сила“ во Нигер.
Во име на ECOWAS, претседателот на Бенин, Патрис Талон, пристигна во главниот град Нијамеј во мировна мисија.
Талон рече дека ќе бидат искористени сите средства доколку е потребно за да се врати уставниот поредок во Нигер, но идеално е сѐ да се направи мирно и хармонично.
Претходно во средата, толпата во Нијамеј излезе на улиците во знак на поддршка на Базум. Репортерот на Би-би-си исто така видел силно вооружени сили лојални на претседателот стационирани околу националното радио и телевизијата.
Градот беше главно мирен, иако војниците што го извршија пучот пукаа за да ги разбијат протестите.
Борбата против два исламистички бунта
Нигер се бори со два исламистички бунта – еден на југозапад, кој почна во Мали во 2015 година, а другиот на југоисток, кој вклучува џихадисти со седиште во североисточна Нигерија.
Милитантните групи поврзани со Ал каеда и Исламската држава се активни во таа африканска земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Свет
Кремљ: Мешањето на силите на НАТО во украинскиот конфликт – огромна опасност
Режимот во Киев е прилично непредвидлив, интервенцијата на воените сили на НАТО во украинскиот конфликт на теренот претставува огромна опасност, изјави за новинарите портпаролот на Кремљ, Дмитриј Песков.
Според него, Москва ја смета за крајно провокативна петицијата објавена на веб-страницата на украинскиот лидер Володимир Зеленски, во која се апелира да се поканат странски војници во Украина.
„Сметаме дека ова во најмала рака е крајно провокативно и го следиме многу внимателно“, рече Песков.
Францускиот претседател Емануел Макрон неодамна во интервју за „Економист“ изјави дека не ја исклучува можноста за испраќање војници во Украина на барање на Киев доколку Русија ја пробие линијата на фронтот. Според него, многу земји од ЕУ се согласиле со мислењето на Париз за ова прашање.
Медиумите претходно објавија и дека Франција испратила војници од својата Легија на странци во Украина, пренесува „Танјуг“.