Контакт

Европа

(Видео) Загинатиот чешки милијардер бил на хели-скијање во луксузно одморалиште на Алјаска

Објавено пред

Најбогатиот човек во Чешка, милијардерот Петр Келнер (56), познат како сопственик на „Теленор“ во Србија, е една од петте жртви во хеликоптерската несреќа на Алјаска, соопшти денеска неговата финансиска група ППФ.

Келнер загина во саботата кога се урна хеликоптер на Алјаска, во кој тој беше со својот близок соработник и уште четири други лица. Кобниот ден милијардерот тргнал со хеликоптер од популарно одморалиште на хели-скијање. Хеликоптерот требало да ги однесе на завеаните планини недалеку од Енкориџ, од каде што потоа со огромна брзина требало да се спуштат кон подножјето.

Келнер обожавал скијање и сноуборд, исто како и неговиот соработник Бенџамин Ларокаи (50), кој обожавал сноуборд во слободен стил. Двајцата биле чести гости во одморалиштето на Алјаска, каде што еднонеделен престој, како што пишуваат медиумите, чини околу 15.000 долари.

Кобниот ден Келнер влегол во хеликоптерот заедно со Ларокаи, Грег Хармс, кој водеше бизнис со хели-скијање, и двајца водичи за скијање и се упатил кон глечерот Ник, кој е на 100-ина километри од најголемиот град на Алјаска.

Бидејќи не се вратиле во одморалиштето, биле алармирани спасувачките екипи, кои веднаш почнале со пребарување на теренот. Околу 22 часот ги пронашле остатоците од хеликоптерот и во него пет тела и еден ски-водич, кој се наоѓал во сериозна состојба.

Тие на самото место ги пронашле телата на Келнер (56), неговиот близок соработник Бенџамин Ларокаи (50), Грегори Хармс (52) од Колорадо, локалниот Шон Мекменами (38) и пилотот Захари Расел (33). Повредениот водич, кој не е именуван, е пренесен во болница во критична состојба.

Според медиумите, Хармс се занимавал со хели-скијање повеќе години. Неговите соработници велат дека немало никој поискусен од него. Шон Мекменами бил искусен водич, кој се занимавал со деловни активности веќе десет години, а ги водел гостите од одморалиштето во последните пет.

Захари Расел исто така бил искусен пилот. Никој сè уште не знае што довело до пад на хеликоптерот.

Одморалиштето во кое престојувал Келнер постои речиси две децении и таква несреќа никогаш не се случила.

Хели-скијањето е екстремен спорт, кој подразбира скијање или сноуборд надвор од патека, а наместо со жичница, на стартот се доаѓа со хеликоптер.

Овој вид туризам е многу популарен на Алјаска, но и во други земји. Се проценува дека секоја година има 15.000 лета со хеликоптери во Швајцарија до 42 места за слетување. Хели-скијањето е забрането во Германија, а во Франција е забрането во 1985 година.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Европол: Албанија е главниот извор на трговијата со канабис во ЕУ

Објавено пред

Албанија е главниот извор на нелегална трговија со канабис во ЕУ, a огромни количини кокаин доаѓаат од Латинска Америка, покажува најновото истражување на Европол.

Исто така се вели дека пандемијата се повеќе се користи за нелегална трговија со лажни вакцини за коронавирус.

Според Европол, 40% од активните криминални мрежи во ЕУ се вклучени во трговија со дрога. Најраспространет илегален производ останува канабисот, кој во случајот на Албанија главно се транспортира преку море до Италија.

Дури 60 проценти од организираниот криминал вклучува насилство, но исто така и корупција, со подмитување и создавање на софистицирани милионски шеми. Шефицата на Европол, Катрин Де Бол, наведува дека извештајот за 2021 година покажува дека и двата индикатора се влошуваат.

„Нивното влијание врз граѓаните, економијата и владеењето на правото е огромно. Потребни се заеднички активности, нови политики и преиспитување на нашите активности. Акциите и заплените не се доволни“, посочи Де Бол.

Корупцијата на европско ниво се проценува дека ја поттикнува трговијата со дрога, особено рекордните количини на кокаин кои пристигнуваат од Латинска Америка.

Прикажи повеќе...

Европа

Хрватска и 12 држави се согласија за ковид-пасоши, тоа е прашање за опстанок на туризмот

Објавено пред

Хрватска и дванаесет членки на Европската Унија постигнаа договор за критериумите за издавање т.н. ковид-пасоши, што ќе го олесни протокот на туристи за време на пандемијата, беше објавено денес во Виена, пишуваат хрватските медиуми.

„Нашата цел е да го имплементираме зелениот пасош бргу и доколку е можно, во унифицирана форма на ниво на ЕУ“, изјави австриската министерка за туризам, Елизабет Костингер.

Таа рече дека тоа е прашање за опстанок за европскиот туризам.

Хрватска, Австрија, Кипар, Данска, Франција, Германија, Грција, Италија, Малта, Португалија, Словенија и Шпанија се договорија кон крајот на март за седум критериуми за издавање зелен пасош, кои треба да се спроведат најдоцна до почетокот на јуни.

Зелениот пасош преку „кју-ер-кодот“ веднаш дава информации за тоа дали превозникот е вакциниран или тестиран. Ова овозможува лесна и практична примена во ЕУ – од проверка на аеродромите до посета на гостилница“, рече таа.

Истакна дека во секој случај сака да избегне тој вид документ да се третира како присила за вакцинирање.

Чувствителните здравствени податоци на сопствениците на јавни патни исправи исто така ќе останат во земјата на потекло и нема да се чуваат централно на ниво на ЕУ.

Понатамошна цел е усогласување на примената на патниот пасош со трети земји, пишуваат медиумите.

Списокот критериуми беше, како што беше речено, доставен на контрола до Европската комисија, која треба да донесе одлука за спроведување во наредните денови.

Прикажи повеќе...

Европа

Меркел: Третиот бран од пандемијата на Ковид-19 ќе биде најтежок

Објавено пред

Капацитетот за производство на вакцини и во Европа и во Германија мора да се зголеми, рече германската канцеларка Ангела Меркел, која истакна дека стапката на новозаразени од коронавирус во Германија во моментот е превисока и дека третиот бран на пандемијата ќе биде можеби најтежок.

Таа додаде дека капацитетот за производство на вакцини во Европа и Германија мора значително да се зголеми.

„Тестирањето ќе ни помогне да изградиме мост сè додека вакцинацијата не почне да дава резултати“, рече Меркел.

Говорејќи на отворањето на Саемот за индустрија и технологија, таа посочи дека развојот на ситуацијата во германската економија ќе зависи од тоа дали државата ќе може да ја задржи стапката на зараза од коронавирусот под контрола.

Во Германија досега биле заразени 3.009.541 лице, а битката со коронавирусот ја изгубиле 78.964 лица.

Прикажи повеќе...

Најново

Регион11 час

(Видео) Суспендирани двајца полицајци кои во Мостар претепаа момче поради кршење на мерките

Главна тема во БиХ деновиве е видеото снимено во Мостар на кое се гледа како двајца полицајци брутално тепаат момче....

Свет12 часа

Директорот на СЗО: Контрола над пандемијата е можна за неколку месеци, ако се почитуваат мерките

Директорот на Светската здравствена организација (СЗО), Тедрос Аданом Гебрејсус, денес изјави дека проблемот со пандемијата на Ковид-19 сè уште не...

Топ14 часа

Од автомобил паркиран зад полициска станица украл службени легитимации и картичка за влез во МВР

Скопското основно јавно обвинителство поднесе обвинение против 47-годишник, кој на 28 март извршил тешка кражба во близина на полициската станица...

Македонија15 часа

34 починати и 193 нови случаи на Ковид-19

Од Министерството за здравство информираат дека во последните 24 часа се направени 1.192 тестирања, а регистрирани се 193 нови случаи...

Свет16 часа

Експертите посочуваат дека ни доаѓа нов супер коронавирус, комбинација од 18 мутации

Нов супер сој на коронавирусот во Бразил е комбинација од 18 мутации вклучувајќи ги таканаречените соеви на Бразил, Велика Британија...

Македонија18 часа

Нови 30 дена притвор за Камчев

Основниот кривичен суд Скопје му го продолжи притворот за дополнителни 30 дена на бизнисменот Јордан Камчев. „Кривичниот совет при Основниот...

Свет20 часа

Вакцината на „Фајзер“ помалку ефикасна кај јужноафриканскиот сој, покажува израелска студија

Јужноафриканскиот сој на коронавирус може да ја избегне заштитата обезбедена од вакцината на „Фајзер“ и „Бионтек“ до одреден степен, открива...

Македонија20 часа

Ќе се ограничат цените за лекување пациенти од коронавирус во приватните болници

До Владата ќе биде поднесе предлог за измена на законот со кој ќе се ограничи сумата за лекување пациенти од...

Македонија20 часа

Две илјади кинески вакцини денеска ќе пристигнат во земјата

Две илјади кинески вакцини денеска ќе пристигнат во земјата, најави министерот за здравство, Венко Филипче. Тој рече дека вакцините, кои...

Македонија20 часа

Девет години од петкратното убиство кај Смилковското Езеро

Денеска се навршуваат девет години од петкратното убиство кај Смилковското Езеро. На 12 април 2012 година, на Величетврток, беа убиени...

Свет21 час

Научниците со охрабрувачки вести: За секој нов сој ќе имаме вакцини

Во тек е трка помеѓу вакцините против Ковид-19 и мутациите на коронавирусот кои се закануваат да ги загрозат, откриле научниците...

Свет21 час

„Билд“: Меркел го откажала терминот за вакцинирање со „астра зенека“

Германската канцеларка, Ангела Меркел, сè уште не е вакцинирана против коронавирусот, а според весникот „Билд“, таа требало вчера да прими...

Свет22 часа

Поединци немаат чувство за вкус и мирис, дури и една година по заразата од коронавирусот

Три дена по позитивниот тест на коронавирус, сè имаше вкус на картон, се сеќава 38-годишната Елизабет Медина, која го изгубила...

Македонија1 ден

Почнува вакцинацијата на новинарите и медиумските работници

Вакцинацијата на новинарите и медиумските работници што се пријавија на повикот и ги исполнија условите за да влезат во првата...

Македонија2 дена

Притвор за шестмината приведени во акцијата со марихуана

Скопскиот кривичен суд определи 30-дневен притвор за шестмината осомничени за шверц на марихуана кои пред два дена беа приведени во...

Македонија2 дена

Првачињата ќе учат по нова наставна програма

На предлог на Бирото за развој на образованието, во петокот Министерството за образование и наука ги усвои новите наставни програми...

Македонија2 дена

Трајче Заев: Комбето не е во сопственост на фирма на Заеви, јас сум на службено патување

Трајче Заев – братучед на премиерот, Зоран Заев, ги отфрла обвинувањата на опозициската ВМРО-ДПМНЕ, за негова поврзаност со акцијата на...

Македонија2 дена

Во болниците се лекуваат 1.699 пациенти со коронавирус, има 340 празни болнички кревети

Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и...

Македонија2 дена

(Видео) Милошоски: Македонски пасоши се делеле и на борци на ИСИС

Опозициската ВМРО-ДПМНЕ обвини дека македонски пасоши се делеле и на борци на ИСИС, откако стана извесно дека над 200 македонски...

Свет2 дена

Јужна Кореја со „Астра зенека“ ги вакцинира лицата помеѓу 30 и 60 години

Јужна Кореја продолжува со вакцинацијата на лица под 60-годишна возраст со вакцината на „Астра зенека“. Корејската агенција за контрола и...

Досие