Свет
(Видео) Кадиров објави снимка од неговиот син како го тепа човекот кој го запали Куранот

Рамзан Кадиров, чеченскиот лидер и еден од најблиските соработници на Путин на неговиот канал објави нова снимка. Според Некста, на неа е неговиот син Адам. На видеото го тепа Никита Журалев, човекот обвинет за палење на Куранот, пренесува Индекс.
Ramzan Kadyrov published a video of his son Adam beating Nikita Zhuravel, who was accused of burning the Koran, in a pre-trial detention center.
“There are still disputes online about the fact of Adam Kadyrov’s beating of Holy Quran burner Nikita Zhuravel, an accomplice of the… pic.twitter.com/MfAEn84OHd
— NEXTA (@nexta_tv) September 25, 2023
„На интернет сè уште има спорови за тоа дека Адам Кадиров го претепа Никита Журавел. Дали е ова вистина или не? Го претепа и ја направи вистинската работа. Згора на тоа, верувам дека секој што навредува било кое Писмо треба да биде строго казнет, вклучително и оние кои демонстративно го палат. Нашата земја има единствен закон кој ги штити верските вредности и тие се заштитени од државата на највисоко ниво“, напиша Кадиров на својот канал Телеграм.
„Без претерување, да, горд сум на чинот на Адам“, додаде Кадиров.
Тој минатата среда ги негираше гласините дека умира. Видеото е објавено на официјалниот канал на чеченскиот лидер.
„Фала му на семоќниот Бог, жив сум и здрав и воопшто не разбирам зошто треба да има врева за тоа дури и ако сум болен?“ се наведува во објавата која наводно ја напишал самиот Кадиров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ѕид од куќа се урна врз жена: страшниот земјотрес на Филипините однесе еден живот

Најмалку едно лице загина во земјотресот со јачина од 7,4 степени според Рихтеровата скала што го погоди јужниот дел на Филипините, а забележана е помала штета на локалните инфраструктурни објекти, соопштија денеска филипинските власти и потврдија дека на жителите од погодените области им било дозволено да се вратат дома.
Синоќешниот земјотрес ја погоди провинцијата Јужен Суригао, кој веднаш по земјотресот предизвика евакуација и предупредување за цунами на Филипините, како и во Јапонија, пренесува Ројтерс.
„Една жена загина кога се урнал ѕидот од куќата од која се обидувала да побегне со семејството“, изјавил претставник на Службата за вонредни ситуации.
Националниот институт за вулканологија и сеизмологија соопшти дека заканата од цунами на Филипините поврзана со овој земјотрес во голема мера поминала.
Локалното радио ДВПМ објави дека на граѓаните во погодените заедници им било советувано да ги слушаат упатствата на локалните власти.
Во меѓувреме, граѓаните евакуирани од крајбрежниот град Караскал во јужен Суригао се вели дека се вратиле дома.
„Подготвени сме да организираме нова евакуација доколку е потребно“, се наведува во соопштението на локалните власти, додавајќи дека филипинската крајбрежна стража ги ставила на подготвеност сите свои пловни објекти и авиони.
Регион
Нов земјотрес во Србија: „Мајка ми го држеше телевизорот да не падне“

Републичкиот сеизмолошки завод објави дека денеска во 9 часот и 47 минути е регистриран земјотрес во околината на Крагуевац.
Земјотресот бил со јачина од 3,8 степени според Рихтеровата скала.
Според очевидци, земјотресот го почувствувале жителите на Јагодина, Пожаревац, Крагуевац, Свилајнaц, па дури и во Белград, пишува „Блиц“.
„Се почувствуваа два кратки удари по ред“, вели жител на Петровац на Млави.
„Креветот се нишаше само малку, неколку секунди“, „Слабо тресење на кратко траење!“
„Овој земјотрес ме разбуди, мама го држеше телевизорот да не падне“, вели друг жител на Петровац на Млави.
„Се нишаше лустерот“ – вели белграѓанка.
И вчера имаше земјотрес во Србија, со јачина од 3,2 степени.
Свет
Борел жали за нападите врз Газа и го повикa Израел да ги почитува законите за војна

Високиот претставник на Европската унија (ЕУ) за надворешна политика и безбедност Жозеп Борел во саботата изрази жалење за продолжувањето на израелските напади врз Појасот Газа, нагласувајќи ја обврската на Тел Авив да го почитува меѓународното хуманитарно право и законите на војната, кои тој ги опиша како „не само морална, туку и законска обврска, пренесува „Анадолија“.
„Важен е начинот на кој Израел го остварува правото на самоодбрана. Императив е Израел да го почитува меѓународното хуманитарно право и законите за војна“, рече Борел на социјалната мрежа Х.
Неговите изјави уследија откако израелската војска ги продолжи нападите врз Газа во петокот наутро, бидејќи прогласи крај на еднонеделната хуманитарна пауза, за што Борел изрази жалење, стравувајќи дека и онака високиот биланс на цивили ќе продолжи да расте.
Повторувајќи го својот повик до Израел да го почитува меѓународното право, тој нагласи дека тоа е „не само морална, туку и законска обврска“.
Тој го спомена и зголемувањето на бројот на случаи на насилство на окупираниот Западен Брег. Повикувајќи се на податоци на ОН, Борел рече дека Израелците убиле 271 Палестинец од 7 октомври.
„Не е доволно да се продолжат хуманитарните паузи, а во исто време да се работи на сеопфатно политичко решение за сите палестински територии“, додаде тој.
Според Министерството за здравство на Газа, најмалку 193 Палестинци се убиени, а 652 се ранети од петокот во израелските воздушни напади.