Свет
(Видео) Лошото време и густата магла се можна причина за несреќата во која загина Коби Брајант
Лошото време и густата магла, но и низа грешки на пилотот се најверојатно причините за страшната несреќа во која синоќа загина НБА-легендата Коби Брајант заедно со својата 13-годишна ќерка Џијана Марија и уште седуммина во хеликоптерот што се урна во Калифорнија, објави „ТМЗ“, порталот кој прв ја соопшти страшната вест во јавноста.
Полициските хеликоптери на ЛАПД биле приземјени поради лошите временски услови и густата магла, но хеликоптерот со Коби и осумте труги патници, меѓу кои и пилотот, сепак, полетале вчера рано наутро по американско време за да стигнат во „Академијата Мамба“ на бившиот кошаркар на ЛА Лејкерс.
Според информациите, хеликоптерот имал проблеми над зоолошката градина во ЛА, каде кружел повеќе од 15-ина минути.
#Update Downed aircraft is a helicopter. Flames extinguished. #Malibu deputies at crash site looking for survivors, 4200 blk Las Virgenes Rd #Calabasas #LASD pic.twitter.com/eixLhGhLyE
— LA County Sheriffs (@LASDHQ) January 26, 2020
Околу 9:30 часот пилотот имал комуникација со аеродромот „Бурбанк“, кои знаеле дека хеликоптерот со Брајант кружи 15 минути во тоа подрачје, а потоа пилотот тргнал на север, завртел кон запад и почнал да се искачува над Автопатот 101 кај Вудланд Хилс. Десетина минути подоцна, кога се соочиле со уште поголема магла, „ТМЗ“ посочува дека е направена клучната грешка на пилотот. Тој го свртел курсот кон југ, а всушност тргнал кон планинско подрачје во непрегледна средина, каде се урнал.
„Времето во Лос Анџелес во неделата беше исклучително магловито, па дури и воздушната поддршка за полицијата беше приземјена. Според податоците од Контролата за летање, хеликоптерот на Коби се соочил со првите проблеми над зоолошката градина во Лос Анџелес. Тој кружел најмалку шест пати, најверојатно чекајќи маглата да се расчисти. Пилотот потоа ја контактирал контролната кула на аеродромот ‘Бурбанк’, по што се упатил најпрвин на север, а потоа свртел кон запад. Во 9:40 часот маглата станала уште погуста, а пилотот свртел кон југ, што е клучно бидејќи го насочил хеликоптерот кон реон со планини. Тој го искачил леталото од 1.200 на 2.000 стапки височина, но само пет минути подоцна се удрил во планина, на височина од 1.700 стапки“, се вели во извештајот до кој дојдоа американските медиуми.
На местото на несреќата тим од 18 лица на Националната служба за безбедност на транспортот (НТСБ) бараше докази и ја пребаруваше црната кутија од хеликоптерот. Според првичните информации, по падот на хеликоптерот се случил силен пожар. Полицијата во Лос Анџелес потврди дека поради магла и намалена видливост ги приземјила своите хеликоптери во текот на раните утрински часови до попладнето. Оттаму информираа дека тоа се случува кога видливоста е минимум до три километри, а растојанието помеѓу облачниот масив и теренот е 243 метри.
Приватниот хеликоптер на Брајант се урна вчера пред 10 часот по локално време во Калабасас, околу 50 километри северозападно од Лос Анџелес, Калифорнија. Според последните податоци, во леталото се наоѓале вкупно девет лица, сите се погинати, соопшти полицијата од Лос Анџелес.
Брајант и сопатниците патувале на младински кошаркарски турнир. Помеѓу нив биле и ќерката на Брајант, Џиана, бејзбол-тренерот Џон Алтобели, неговата сопруга Кери и нивната ќерка Алиса, која играла во ист тим со Џијана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Поранешната портпаролка на Зеленски: Губиме, секој следен договор ќе биде полош
Поранешната портпаролка на Володимир Зеленски, Јулија Мендел (2019-2021), коментираше за ситуацијата на фронтот и тековните мировни иницијативи, додека интензивните преговори продолжуваат за неколку паралелни мировни предлози, вклучувајќи го и мировниот план на САД од 28 точки, неговиот ревидиран нацрт од 19 точки и руските предлози кои, според „Ројтерс“ и „Блумберг њуз“, делумно се вклучени во верзијата на планот што моментално се дискутира меѓу Вашингтон, Москва и Киев.
Every subsequent deal for Ukraine will only be worse — because we are losing. We are losing people, territory, and the economy.
The EU (which by the way has paid Russia more than €311 billion for energy and goods since February 2022) has no real strategy, no way to stop fueling… pic.twitter.com/zx8lBKQn7X— Iuliia Mendel (@IuliiaMendel) November 22, 2025
„Секој следен договор за Украина ќе биде само полош затоа што губиме. Губиме луѓе, територија и економија. ЕУ (која, патем, ѝ плати на Русија над 311 милијарди евра во енергија и стоки од февруари 2022 година) нема вистинска стратегија, нема начин да го запре полнењето на рускиот буџет, нема доволно силна поддршка за победа на Украина, нема директен дијалог со Москва и нема вистинско влијание ниту врз Кремљ ниту врз Вашингтон.
Аргументите дека ‘Русија освоила толку малку територија’ звучат речиси детски кога ќе се земе предвид човечката цена. Изгубивме повеќе луѓе за три години отколку што некои европски нации имаат население.
Мојата земја крвари. Многумина кои рефлексивно отфрлаат каков било мировен предлог веруваат дека ја бранат Украина. Со сето должно почитување, ова е најјасен доказ дека немаат поим што навистина се случува на бојните полиња и во земјата во моментов.
Војната не е холивудски филм. Никогаш нема да ги напуштам вредностите што Бог и демократијата ги ставаат во самата основа на човечкото постоење: Човечкиот живот е највисоко добро, а луѓето, живителуѓе, луѓето што дишат, се оние кои треба да се спасат“ да се спасиш“, напиша Мендел на X.
Фото: facebook
Регион
Хрватска нема да ја купи српската нафтена компанија НИС
Хрватска нема намера да се стекнува со средства на српската нафтена компанија НИС, изјави вчера за новинарите претседателот на земјата, Зоран Милановиќ.
„Хрватска има поитни проблеми поврзани со енергетската компанија ИНА, а кој и да ја купи НИС… сигурно нема да биде Хрватска“, ја цитираше неговата изјава хрватската телевизија ХРТ.
Претходно, хрватскиот министер за економија Анте Шушњар изјави дека Загреб е подготвен да влезе во сопственичката структура на компанијата НИС доколку тоа ги реши нејзините проблеми. Според него, тоа би било во интерес и на Хрватска и на Србија.
Претходно во вторникoт, српскиот претседател Александар Вучиќ објави дека српската рафинерија за нафта НИС (дел од Газпром Нефт) се префрлила на режим на намалена циркулација поради недостиг на нафта како резултат на санкциите на САД.
Како што е објавено, НИС, која е подружница на Газпром Нефт, беше вклучена на списокот со санкции на САД на почетокот на 2025 година. Во врска со ова, српскиот претседател Александар Вучиќ изјави дека САД бараат целосно повлекување на рускиот капитал од таму .
Тој потсети дека во 2008 година српската влада ја префрлила контролата врз НИС на „Газпром Нефт“ и дека во последните години компанијата придонела за добивање значителни приходи во српскиот буџет, како и за развој на многу проекти.
Моментално, главни ко-сопственици на НИС се „Газпром Нефт“ (44,85%) и властите на Србија (29,87%).
Свет
Извори: Мировниот план на Трамп се базираше на документ што му го испратија Русите
Додека дискусиите за мировниот план на САД од 28 точки се интензивираат, три извори открија за Ројтерс дополнителни детали за тоа како е создаден планот.
Според изворите, планот се базира на документ изготвен од Русија и доставен од Москва до администрацијата на американскиот претседател Доналд Трамп во октомври.
Изворите велат дека Русија го споделила документот, во кој се наведени условите на Москва за завршување на војната, со високи американски претставници по состанокот меѓу Доналд Трамп и Володимир Зеленски во Вашингтон.
Документот, според извештајот, исто така содржел наратив што руската влада претходно го презентирала на преговарачката маса, вклучувајќи отстапки што Украина ги отфрлила, како што се територијата, безбедносните гаранции и големината на нејзината армија.
фото: принтскрин
Словенија ги призна возачките дозволи oд Македонија
Словенија усвои измени на Законот за возачи, со кои им се овозможува на носителите на возачки дозволи издадени во Македонија,...
(Видео) Русија реагира на протечениот телефонски разговор меѓу Виткоф и советникот на Путин
Кремљ се огласи утрово откако во извештај на Блумберг се наведува дека еден од претставниците на американскиот претседател Доналд Трамп...
(Видео) Шокантна сцена во Дубровник: што се исфрли морето на брегот
Шокантни слики доаѓаат од Јадранот, каде што најпознатата плажа во Дубровник, Бање, е оставена покриена со ѓубре откако морето исфрлило...
(Видео) Дали конечно е блиску крајот на војната во Украина: Остануваат три клучни пречки
Американската администрација оптимистички најавува голем напредок во преговорите за завршување на војната во Украина. Претседателот Трамп го пофали „огромниот напредок“...
(Видео) Новинар: Какви отстапки нуди Русија? Трамп: Ќе престанат да се борат
Американскиот претседател Доналд Трамп е убеден дека Русија, со запирање на својата офанзива, би направила „голема отстапка“ за Украина, што,...
„Донецк и размена на територии“: Целиот транскрипт од разговорот меѓу луѓето на Трамп и Путин
Блумберг објави транскрипт од телефонски разговор помеѓу Стив Виткоф, специјалниот претставник на американскиот претседател Доналд Трамп за мировни мисии, и...
Трамп се откажа од ултиматумот за Украина
Американскиот претседател Доналд Трамп вчера се повлече од ултиматумот што ѝ го даде на Украина да го прифати американско-рускиот мировен...
Претседателот на Тајван: Ќе предложам да потрошиме уште 40 милијарди долари за одбрана
Тајван ќе воведе дополнителни 40 милијарди долари за одбрана за да ја нагласи својата решителност да се брани, изјави претседателот...
Кина: Ќе ги потиснеме сите странски обиди за мешање во ситуацијата околу Тајван
Кина денес предупреди дека ќе ги „потисне“ сите странски обиди за мешање во ситуацијата околу Тајван, откако Јапонија објави планови...
Објавени транскриптите, Виткоф до човекот на Путин: Знам што е потребно за да се постигне договор
Пратеникот на Трамп, Стив Виткоф, по успехот на мировниот договор за Газа, минатиот месец оствари телефонски разговор со висок функционер...
Владата именува повереници за општините Маврово Ростуше, Гостивар, Центар Жупа и Врапчиште
Владата на денешната седница именува повереници за општините Маврово Ростуше, Гостивар, Центар Жупа и Врапчиште во кои што на локалните...
Украина се согласи на мировен договор со Русија, тврдат САД
Украина се согласи на договор за прекин на војната со Русија, при што остануваат само мали детали, изјави американски функционер...
Уапсени директори и заменик министер за земјоделство: излажале дека недостасуваат пченица и јачмен вредни 780.000 евра
Полицијата денеска уапси пет лица осомничени за злоупотреба на стоковите резерви, излажале дека недостасуваат пченица и јачмен вредни 780.000 евра....
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
Не е работа на бранителот да биде судска достава, забележаа адвокатите и побараа судот да им го достави интегрираното обвинение и на обвинетите за „Пулс“
Место воведни зборови од одбраната и изјаснување дали се чувствуваат виновни обвинетите за пожарот во кочанската дискотека “Пулс”, денешното второ...
Мицкоски: 6.045 пристигнати апликации, најголем интерес за искористување на мерката за самовработување
Како Влада, силно веруваме дека економијата расте тогаш кога граѓаните имаат поддршка да создаваат, да иновираат и да стануваат претприемачи,...
42-годишник пронајден мртов кај селото Нераште: наредена е обдукција, ќе се вештачат траги најдени на местото
Обвинителството извести дека е извршен увид на лице место, дадени се повеќе насоки и наредби со цел откривање на сторителите...
Голема полициска акција: претреси во Скопје, Куманово и на други локации
Во координација со Основното јавно обвинителство Скопје во тек е полициска акција со претреси во Скопје, Куманово и на други...
Зеленски пред тежок избор: планот на Трамп или несигурните Европејци, пишува Политико
Европските претставници вчера воздивнаа со олеснување, верувајќи дека разговорите во Женева вродиле со плод и дека Доналд Трамп ќе ги...
Поради одрон во прекин е сообраќајот на регионалниот пат Ресен- Граничен премин Стење
Денеска од 07:55 часот, поради одрон на патот помеѓу селата Царев Двор и Отешево, во прекин е сообраќајот во двата...
