Свет
(Видео) Париските предградија во пламен четврта ноќ по ред поради наводна полициска бруталност
Немирите во париското предградие Хот-де Сен продолжија четврта ноќ по ред иако локалните префектури известуваат за намалено ниво на насилство во споредба со другите вечери, пренесува „Спутник“.
Протестите во неколку заедници лоцирани во близина на главниот град избувнаа поради инцидент во Вилнев-ла-Гарен помеѓу француската полиција и мотоциклист кој беше тешко повреден откако удри во вратата на полицискиот автомобил, која наводно била отворена намерно.
Encore une nuit de tensions à Villeneuve-la-Garenne #VilleneuveLaGarenne pic.twitter.com/lpEfp0WINX
— Xenia__Sputnik (@XseniaSputnik) April 21, 2020
Во моментот се води истрага за случајот.
Мотоциклистот наводно се здобил со скршеница на ногата откако удрил во полициска врата што била отворена намерно. Надлежните велат дека полицијата ја отворила вратата сакајќи да го запре мотоциклистот кој се движел со голема брзина, но сведоците и видеата од инцидентот сугерираат дека вратата е отворена за да го принуди возачот да запре во чин на полициска бруталност.
#nanterre #emeutes pic.twitter.com/hmItUCfg6w
— Youssraa ? (@youssramstr) April 22, 2020
Најсериозниот инцидент се случи во Женевилие, каде што наводно било запалено основно училиште, оштетувајќи ја канцеларијата на директорот и уште две простории. Во исто време, властите не се сигурни дека пожарот е поврзан со немирите и дека училиштето се наоѓа надвор од подрачјето каде што се случило урбаното насилство.
? FLASH – Il est plus de 3h30.. Incendie d’une voiture dans le quartier du Nouveau-Roubaix. pic.twitter.com/qsW42YSLNO
— INFO Roubaix (@inforbx) April 22, 2020
Како и претходните ноќи, демонстрантите започнаа огномет кај полициските сили распоредени за да ги задушат немирите. Покрај тоа, неколку автомобили беа запалени во департманот Норд во заедниците Лил, Рубе и Туркоин.
„Дејли мејл“ претходно во понеделникот погрешно ги карактеризира полициските судири во Вилнев-ла-Гарен како насочени против сториот режим на ограничено движење , поврзувајќи ги судирите со неодамнешното проширување на мерките за социјално дистанцирање на Емануел Макрон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.