Свет
(Видео) Презентерка се онесвести во програма во живо

Презентерка на локална телевизиска станица во Лос Анџелес ненадејно се онесвести на директен пренос во саботата наутро.
Колегите на Алиса Карсон Шварц, која ја презентира временската прогноза во утринската програма, мораа да го прекинат тој сегмент од емисијата кога Алиса ја наведна главата на пултот како да не ѝ е добро, а потоа падна наназад зад него.
🚨#WATCH: As terrifying moment happened when a CBS LA meteorologist collapsed live on air
Terrifying moment shows when a CBS LA meteorologist Alissa Carlson Schwartz collapsed on-air on Saturday morning while doing a live report her co workers… https://t.co/zkWpaB81yZ pic.twitter.com/tQ9To9spDo
— R A W S A L E R T S (@rawsalerts) March 19, 2023
Алиса се обиде да остане смирена и да предупреди за можна несвестица, но таа беше побрза од неа. Таа полека се движеше додека главата не ѝ падна на масата зад која стоеше. Нејзините колеги тоа не го забележаа во истото време. По неколку секунди, Ким вресна кога нејзината колешка падна, а Медина им кажа на гледачите дека ќе „ направат кратка пауза“.
Утринската програма не се врати во живо.
Подоцна, Шварц објави на Фејсбук дека ќе биде добро и им се заблагодари на пријателите и гледачите за желбите за нејзино опоравување. Не е сигурно зошто се онесвестила, но нешто слично ѝ се случило во 2014 година, кога работела во друга телевизија. Таа тогаш повраќала додека одела во живо и ѝ било дијагностицирано „протекување“ на срцев залисток.
„Сакам да им се заблагодарам на соработниците на Алис кои веднаш реагираа да ѝ помогнат и повикаа брза помош. Алиса моментално е во болница. Се надеваме дека наскоро ќе имаме повеќе информации. Во меѓувреме, таа е во нашите мисли и се молиме наскоро да оздрави – изјави потпретседателот на медиумската компанија „Си-би-есЖ“ од Лос Анџелес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нордиските земји создаваат обединета воздушна одбрана поради „растечката закана од Русија“

Командантите на воздухопловните сили на Шведска, Норвешка, Финска и Данска денеска објавија дека потпишале писмо со намери за создавање обединета нордиска воздушна одбрана со цел да се спротивстават, на како што наведоа, „растечката закана од Русија“.
Како што е најавено, намерата е да се дејствува врз основа на веќе познатите методи на дејствување во рамките на НАТО.
Движењето за интегрирање на воздухопловните сили е иницирано од почетокот на руската инвазија на Украина, изјави за Ројтерс командантот на данските воздухопловни сили, генерал-мајор Јан Дам.
На потпишувањето во воздухопловната база Рамштајн во Германија минатата недела присуствуваше и шефот на воздушната команда на НАТО, генерал Џејмс Хекер, кој е и одговорен за воздухопловните сили на САД во регионот.
Шведска и Финска аплицираа за влез во НАТО минатата година, а нивните барања се уште треба да бидат ратификувани од Турција и Унгарија,пренесе Телеграф.рс.
Регион
„Никогаш не заборавајте“: Србите во Виена одбележаа 24 години од почетокот на бомбардирањето на НАТО

Србите во Виена вечерва одржаа митинг по повод 24-годишнината од почетокот на НАТО бомбардирањето на СР Југославија.
На собирот се свештеници, како и српскиот амбасадор Небојша Родиќ.
Тие се собраа во центарот на австриската престолнина на Штефанплац во близина на катедралата.
Зборовите „Никогаш не заборавајте“ се напишани на еден од транспарентите што ги изработиле.
Централната манифестација на Денот на сеќавање на жртвите од бомбардирањето на НАТО во 1999 година се одржува вечерва на плоштадот Свети Ѓорѓи во Сомбор.
Агресијата на НАТО започна на 24 март 1999 година и траеше 78 дена.
Според податоците на Министерството за одбрана на Србија, во воздушната агресија на НАТО загинале 2.500 цивили, меѓу кои 89 деца и 1.031 припадник на армијата и полицијата.
Според истиот извор, ранети се околу 6.000 цивили, од кои 2.700 се деца, како и 5.173 војници и полицајци, а 25 лица се водат како исчезнати,пренесе Телеграф.рс.
Регион
Петар Колев: Со затворањето на бугарскиот клуб „Иван Михаилов“ во Битола,властите во Скопје сакаат да ни кажат дека не нè почитуваат

Поколебливата политика на Бугарија им задава тежок удар на нејзините национални интереси на Балканот. Мораме јасно еднаш засекогаш да кажеме дека сме дел од евроатлантскиот свет – НАТО и Европската Унија и да ги искористиме алатките што ни ги обезбедува ова членство за да ја натераме Република Македонија да не почитува, вели Петар Колев, извршен директор на БГНЕС.
Тој додава дека затворањето на бугарскиот клуб „Иван Михаилов“ во Битола е јасен сигнал кој властите во Скопје сакаат да ни кажат: не ве почитуваме, не нè интересирате. Секогаш кога Македонија треба да постигне некоја стратешка цел, таа ја започнува својата агресивност кон Бугарија. Ова е олицетворение на политиката на институционална омраза кон Бугарите кои живеат таму.
Колев прашува до кога ќе го трпат ова? Бугаринот има една лоша особина – бескрајна добрина, која властите во Скопје ја злоупотребуваат. Бугарија има широк спектар на алатки за да влијае на PCM. Еден од нив е со давање бугарско државјанство на луѓе со бугарска самосвест таму да бидат извлечени од мочуриштето откако РСМ одлучи дека не сака да стане членка на ЕУ.
Тој наведува дека повеќе од јасно е дека зад конфликтот меѓу РСМ и Бугарија стои Москва, која ги поддржува аспирациите на Белград. Зошто ние Бугарите се плашиме да се спротивставиме на руските интереси на Балканот? За што сме загрижени? Македонија е последниот остаток од Коминтерната и комунизмот. Само во Москва и Скопје забрануваат организации со ретроактивно дејство.
Колев вели дека Бугарските институции мора јасно да му стават до знаење на бугарскиот народ дека РСМ сè уште не започнала преговори за влез во ЕУ благодарение на францускиот предлог.
Бугарските институции мора да му дадат сигнал на бугарското општество какви конкретни мерки ќе бидат преземени по бришењето на клубот „Иван Михаилов“ во Битола, што конкретно ќе се прави во врска со претепувањето на Христијан Пендиков, кој со месеци закрепнува.
И МНР и бугарските служби имаат развиено стратегии, таму работат достојни Бугари. Нашите политичари да ги читаат, а нашите институции да почнат да дејствуваат конкретно, изјави Петар Колев, извршен директор на БГНЕС.