Контакт

Европа

(Видео) Снимки од критичната состојба во болница во Бергамо

Објавено пред

Болницата „Папа Јован“ во Бергамо е една од најтешко погодените болници од пандемијата на коронавирус во Европа. Овој град се наоѓа на северот на Италија, во провинцијата Ломбардија, која е најкритична област во земјата. Сцените од оваа болница се ужасни, пренесува „Скај њуз“.

Ходниците се полни со болнички кревети со пациенти кои се борат за воздух. Медицинскиот персонал кој носи маски, ракавици и заштитни костуми постојано е во брзање. Просториите се полни со пациенти заболени со коронавирус, вклучително и чекалниците.

Според информациите, бројот на новопристигнати пациенти не опаѓа, а истото се случува и низ цела северна Италија. Звучи обесхрабрувачки, но болниците како да ја губат битката со вирусот.

Персоналот работи непрестајно, во обид да зачува што повеќе пациенти и да ги спаси од смрт. Тие се собираат околу новопристигнатите пациенти за да постават монитори за отчукувањата на срцето, инфузија и, што е најважно, респиратори. Без нив, пациентите не можат да преживеат.

Од снимките од внатрешноста на болницата, на прв поглед се чини дека сте во одделението за интензивна нега, а всушност сте во одделот за итни случаи. Интензивната нега е веќе преполна. Во просторијата за итни случаи се пациентите кои штотуку пристигнале, но и тие се во сериозна состојба. Сите оддели се толку полни што многу тешки случаи не се сметаат за критични сè додека луѓето не се на работ на смртта. Инфицирани постојано доаѓаат, се наведува во репортажата.

Главната болница во Бергамо досега не дозволуваше медиумите да снимаат во нејзините простории, но сега докторите одлучија дека е важно целиот свет да види со што се соочуваат. Тие сакаат да ги охрабрат народите и властите сериозно да се постават во однос на вирусот. Италија беше фатена неподготвена, но тоа не мора да биде така со остатокот од светот.

Докторите во Бергамо велат дека Ковид-19 не влијае на телото исто како и грипот. Го поистоветуваат со хронична пневмонија, која одзема стотици животи секој ден. Доктор Роберто Косентини, директор на Секторот за прием и згрижување на итни случаи, вели дека тие никогаш не виделе ваков вид нарушување.

„Ова е исклучително тешка пневмонија, што го оптоварува целиот здравствен систем, затоа што секој ден имаме 50-60 нови пациенти кои се во сериозна состојба веднаш штом пристигнат во болницата, а на повеќето им е потребна голема количина кислород“, открива Косентини за „Скај њуз“.

Тој додаде дека ја реконструирале болницата на три нивоа за интензивна нега.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Германија претстави проект за европска мрежа на супербрзи железнички линии

Објавено пред

Германскиот министер за транспорт, Андреас Шоер во Берлин го претстави планот за мрежа на супербрзи железнички линии меѓу европските градови, чија реализација треба да биде финансиски поддржана од Европската унија.

Шоер всушност има идеја да ја заживее „Транс-Јуроп-Експрес“, предлагајќи комбинација на супербрзи и ноќни возови со кои повторно би се воспоставила железничката врска помеѓу поголемите градови во западна Европа, затворена во 1987 година, пишува „Ди Цајт“.

Во првата фаза, „Транс-Јуроп-Експрес“ (ТЕЕ) би ги поврзала Берлин и Барселона преку Лион, со проценето време на патување од 13 часа. Мрежата би вклучувала и директни врски помеѓу Амстердам и Рим и меѓу Париз и Варшава.

Првата фаза од планот нема да бара значителни подобрувања во инфраструктурата.

Втората фаза ќе ја поврзе јужна Германија со дестинации во источна и јужна Европа и со скандинавските градови, а ќе подразбира финализирање на големи железнички проекти, објасни германскиот министер.

Тој наведе примери како проектот за изградба на железничкото јадро Штутгарт 21, изградбата на тунел под Балтичко Море што ќе ги поврзува Германија и Данска и тунелот „Бренер Бејс“ во Алпите, на границата меѓу Австрија и Италија.

Мрежата треба да биде воспоставена до 2025 година, а германскиот министер предлага и Европската унија да креира програми за финансирање за да ги олесни инвестициите и набавките на железничките компании.

Прикажи повеќе...

Европа

Австрискиот министер за здравство ги повика родителите да ги вакцинираат децата против грип

Објавено пред

Австрискиот министер за здравство, Рудолф Аншобер, ги повика граѓаните да ги вакцинираат своите деца против сезонски грип.

„Децата на возраст под десет години, според сегашните информации, не се оние кои го шират коронавирусот, но различно е кога станува збор за грип. Децата се мотор на класичниот бран на грипот“, истакна тој.

Аншобер изјави дека децата можат сериозно да се разболат, како и дека имало смртни случаи во последните години.

Годинава, за првпат, Австрија нуди бесплатни вакцини против грип, како дел од програмата за вакцинирање на деца.

Вакцината против грип, подвлече Аншобер, служи не само за индивидуална заштита туку и против ширење на болеста.

Вирусологот од медицинскиот универзитет во Виена, Урсула Видерман-Шмит, посочи дека од грип заболуваат од 450.000 до 1,3 милиони Австријци годишно.

Според неа, секоја година во Австрија има меѓу 500 и 1.000 жртви на групни бранови.

„Годишната стапка на хоспитализација на деца е потценета“, рече таа.

Со бесплатната вакцинација австриските власти се обидуваат да го убедат населението да ја прифати вакцината за да не се „сретнат“ грипот и коронавирусот.

Прикажи повеќе...

Европа

Џонсон повторно воведува карантин поради ширењето на коронавирусот

Објавено пред

Британскиот премиер Борис Џонсон ќе ги повика граѓаните да работат од дома и ќе воведе нови ограничувања за пабовите, баровите и рестораните во обид да го запре забрзаниот втор бран на ширење на инфекцијата.

Обраќајќи му се на парламентот во 13:30 часот, а потоа и на јавноста во 21 часот, Џонсон ќе воведе малку поблаг карантин отколку што беше во март.

„Знаеме дека нема да биде лесно, но треба да преземеме дополнителни активности за да го контролираме повторното ширење на инфекцијата и да го заштитиме државниот здравствен систем“, ќе рече Џонсон, според делови од говорот објавен од неговата канцеларија на „Даунинг стрит“.

Мерките следуваат откако водечките здравствени експерти предупредија дека Велика Британија ќе се соочи со експоненцијално зголемена стапка на смртност за неколку недели, доколку не се преземат итни мерки.

Новите случаи на Ковид-19 во Велика Британија се зголемуваат најмалку за 6.000 на ден, според податоците од минатата недела, приемите во болниците се удвојуваат на секои осум дена и системот за тестирање се распаѓа.

Само неколку недели откако ги повика граѓаните да почнат да се враќаат на работа, Џонсон ќе ги советува да работат од дома ако можат.

Исто така, ќе се нареди од четврток сите пабови, барови, ресторани и други угостителски објекти низ Англија да се затворат во 22 часот.

„Една од работите што ќе ја потенцираме е дека ако е можно да работиме од дома, ќе ги охрабриме луѓето да го сторат тоа“, изјави Мајкл Гоув, министер на кабинет, пренесува „Скај њуз“.

Иако милиони луѓе низ Англија, Шкотска, Велс и Северна Ирска се веќе под одредена форма на ограничување, не се очекува дека Џонсон ќе објави целосен карантин како оној во март.

Прикажи повеќе...

Најново

Македонија1 час

(Видео) Бектеши: Субвенциите за етнички вработувања се дел од изгласаната владина програма

Вработувањата кои ќе поттикнат добри меѓуетнички односи се вметнати во Владината програма која е изгласана од Собранието, изјави министерот за...

Свет2 часа

Русија очекува до 15 октомври да регистрира втора вакцина против коронавирус

Русија очекува до 15 октомври да регистрира уште една, втора по ред, потенцијална вакцина против коронавирус, јави агенцијата ТАСС повикувајќи...

Европа3 часа

Шведска нема да ги вакцинира децата против коронавирусот

Шведската влада нема да препорача вакцина против коронавирусот за деца на возраст под 18 години. Според шведските експерти, децата го...

Спорт3 часа

Италијански судија убиен во својот дом

Италијанскиот фудбалски судија Даниеле Де Сантис (33) и неговата девојка Елеонора Манта (30) биле убиени во домот на судијата во...

Македонија4 часа

Училишниот час ќе трае пократко од 40 минути, постои можност и учебната година да заврши порано

Собранието вчера вечерта ги изгласа измените на Законите за основно и средно образование со кои се обезбедува непречено организирање на...

Македонија4 часа

Од почетокот на пандемијата во Македонија починаа 700 лица

Од почетокот на пандемијата досега починаа 700 лица, откако вчера беше потврдена смртта на уште 7 пациенти. Меѓу починатите вчера...

Свет5 часа

„Сите мораме да соработуваме“, порачаа светските лидери на годишнината на Обединетите нации

Светските лидери за време на специјалната сесија на ООН посветена на 75-годишнината од основањето на таа организација се согласија дека...

Македонија5 часа

Собраниска седница за избор на заменик-министри во Владата

Собранието денеска треба да ја одржи 13-тата седница на чиј дневен ред е предлогот за именување на заменик-министри во Владата....

Македонија5 часа

Пендаровски: Неопходни се силни Обединети нации, реформирани и прилагодени на новата реалност

Претседателот Стево Пендаровски преку видеопорака се обрати на настанот на високо ниво, што по повод 75-годишнината од формирањето на Организацијата...

Македонија6 часа

Димитров во прва работна посета на Брисел од формирањето на новата Влада

Заменик-претседателот на Владата задолжен за европски прашања, Никола Димитров, денеска ќе престојува во работна посета на Брисел, што всушност е...

Македонија15 часа

Игор Јанушев се повлече од функцијата

Централниот комитет на ВМРО-ДПМНЕ вечерва избра нови членови на Извршниот комитет на партијата. Генералниот секретар на партијата, Игор Јанушев, се...

Македонија15 часа

(Видео) Мицкоски: Предложив вонреден конгрес на кој јас нема да бидам претседател, но предлогот беше одбиен

Лидерот на ВМРО-ДПМНЕ, Христијан Мицкоски, предложил вонреден конгрес за избор на нов лидер, каде што тој нема да се кандидира,...

Македонија21 час

Седум лица починаа од коронавирус, потврдени се 45 нови случаи

Министерството за здравство информира дека во последните 24 часа се направени 552 тестирања, а регистрирани се 45 нови случаи на...

Свет21 час

СЗО ѝ се заблагодари на Русија за напорите за развој на безбедна и ефикасна вакцина против коронавирусот

Првата официјално регистрирана вакцина против Ковид-19, развиена од Институтот за епидемиологија и микробиологија при Научноистражувачкиот центар „Гамалеја“, сега се наоѓа...

Македонија22 часа

Пратениците на Беса го напуштија СДСМ во Собранието, но договорот за коалиција не се растура

Четворицата пратеници на партијата Беса од денеска во Собранието нема да дејствуваат како дел од коалицијата со СДСМ туку како...

Македонија23 часа

Станиците Битола 1 и Миладиновци не мерат ПМ10 оти дотраените инструменти биле извор на радијација

Мерните станици се во функција, но дел од инструментите кои ги мерат ПМ10-честичките не работат, велат од Министрството за здрава и...

Македонија23 часа

Драма во Струмица: Роднини насилно го однеле телото на починат пациент, заедно со болничкиот кревет

Роднини и пријатели на пациент кој починал во струмичката болница насилно го зеле телото сосе болничкиот кревет и преку оградата...

Економија1 ден

Наместо карго-аеродром во Штип, ќе се градат училишта, водовод и канализации, соопшти Бектеши

Министерството за економија лани направило измени на Законот за јавно приватно партнерство со кој се отвора можноста средствата предвидени во...

Македонија1 ден

Од Германија екстрадиран Јетон Љужа, обвинет за убиството на Саздо

Третообвинетиот Јетон Љужа во случајот за убиството на Никола Саздовски-Саздо денеска бил екстрадиран од Германија, соопшти МВР. „Денеска од Германија...

Европа1 ден

Две волонтерки претрпеле невролошки проблеми по примањето на оксфордската вакцина

Две лица се разболеле за време на испитувањето на вакцината против коронавирусот на компанијата „Астра Зенека“ во Велика Британија, откриваат...

Досие