Свет
(Видео) Торнадо го погоди брегот на Италија: луѓето бегаат од плажата во паника

Плажата Макарезе во близина на Рим викендов беше погодена од виорен ветер познат како пијавица, кој крена песок и ги однесе чадорите.
Иако ударот траеше само неколку секунди, тој беше доволен за да предизвика конфузија, а седум лица беа повредени: шестмина добија помали модринки, додека едно лице доби медицинска помош.
Според написите, погодени беа три плажни комплекси.
#BREAKING #ITALY #ROME #ITALIA #ROMA
🔴 ITALY :📹 A TORNADO SURPRISED SWIMMERS ON THE BEACH AT FREGENE, ON THE ROMAN COAST
August 3#Tornado #Tornade #Tormenta
📹 via Eugenio Landi pic.twitter.com/BevMhNftwW— LW World News 🌍 (@LW_WorldNews) August 3, 2025
Пијавицата накратко се појавила на брегот северно од Рим, а шанкер од едно од кафулињата за порталот „Аднкронос“ изјави дека времето одеднаш се влошило и дека капачите немале време да ја напуштат плажата поради ова.
„Одеднаш, задува силен ветер и почна да носи сè пред себе – чадори летаа низ воздухот. Траеше само неколку минути, но луѓето се испаничија и почнаа да трчаат во засолниште. Веднаш отидов до лежалките за да им помогнам на спасувачите. Брзо ги затворивме сите чадори и се обидовме да ги обезбедиме луѓето. Владееше општ хаос, но за среќа никој не беше сериозно повреден. Наскоро сè се врати во нормала“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.