Свет
Во Индија повеќе од 24 милиони заразени од коронавирус, индискиот сој се шири во целиот свет
Бројот на пријавени случаи на Ковид-19 во Индија се искачи на повеќе од 24 милиони лица, а индискиот сој на коронавирус, кој многу бргу се шири, го зафати целиот свет.
Индискиот сој на вирусот Б.1.617 е пронајден во САД, меѓу нив и Канада и САД, изјави Жаиро Мендез, експерт за заразни болести на СЗО.
Според Министерството за здравство, Индија забележала 4.000 смртни случаи и 343.144 случаи на заразени од Ковид-19 во последните 24 часа. Ова е веќе трет ден по ред во Индија да има 4.000 или повеќе смртни случаи.
Додека вкупниот број заразени надмина 24 милиони, бројот на лица за кои е потврдено дека починале од Ковид-19 е 262.317 откога пандемијата ја погоди Индија пред повеќе од една година.
Но, недостигот од тестирање на многу места значи дека многу луѓе починале без да бидат регистрирани, а експертите велат дека вистинската бројка може да биде од пет до десет пати поголема.
Брамар Мукерџи, професор по епидемиологија на Универзитетот во Мичиген, рече дека врвот на болеста се предвидува оваа недела.
Бројот на нови случаи заразени од коронавирус е доволно голем за да ги преполни болниците, напиша тој на „Твитер“. Според него, клучниот збор е претпазлив оптимизам.
Индија е најголем производител на вакцини во светот, но поради големата побарувачка, резерви речиси и да нема. До вчера вакцинирани се нешто повеќе од 38,2 милиони луѓе или околу 2,8 процента од населението од речиси 1,35 милијарда, покажуваат владините податоци. Повеќе од 2 милијарди дози вакцина против коронавирусот, најверојатно, ќе бидат достапни во Индија од август до декември оваа година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото) „Ова не е Октоберфест“ – Германски политичар критикуван од тоа што направи на погребот на папата
Откако објави селфи на социјалните мрежи на кое се гледа како се смее пред погребот на папата Франциско во Ватикан, баварскиот премиер Маркус Зодер се соочи со критики.
„Тукушто слетав во Рим: сега сме во конвој со германскиот претседател Франк-Валтер Штајнмаер на пат кон Ватикан за погребот на папата Франциско“, објави Маркус Зодер на „X“ заедно со фотографија на која се смее.
Ова предизвика бројни реакции и критики.
„Несоодветно е да се прават селфиња на погреб. Ова не е Октоберфест. Треба да бидеме среќни што Зедер нема ќебап во рака“, напиша германската политичарка Мари-Агнес Штрак-Цимерман (ФДП).
Gerade in Rom gelandet: Nun geht es im Konvoi mit Bundespräsident Frank-Walter Steinmeier in den Vatikan zu den Trauerfeierlichkeiten für den verstorbenen Papst #Franziskus. pic.twitter.com/FgbiwUVSNW
— Markus Söder (@Markus_Soeder) April 26, 2025
Фотографијата на Зодер беше критикувана и од многу корисници на социјалните мрежи.
Покрај тоа, Зодер објави серија фотографии пред и по погребот на папата, што доведе до тоа многумина да го обвинат дека се однесува како да дошол на забава, а не на погреб.
View this post on Instagram
„Многу трогателни моменти во Рим непосредно пред почетокот на погребот. Папата Франциск многу ќе ни недостига. Трогателно е да се види колку луѓе се собираат тука на плоштадот ‘Свети Петар’ во Ватикан и низ целиот свет пред телевизорите за да му оддадат последна почит“, напиша тој во еден од своите објави денес.
Свет
Каде е Кралот Чарлс? Отсуството од погребот на папата Франциско ја откри вековната тајна на британската круна
Додека државни лидери, кралски височества и високи црковни великодостојници денеска му оддаваа последна почит на папата Франциско во Ватикан, отсуството на британскиот крал Чарлс привлече особено внимание и отвори бројни прашања: зошто монархот не присуствуваше на церемонијата?
Иако кралот Чарлс важи за еден од највлијателните светски лидери, неговото отсуство не е случајно – тоа е диктирано од вековна традиција и строги црковни протоколи што датираат уште од времето на кралот Хенри VIII. Како врховен поглавар на Англиканската црква, британскиот монарх не може да учествува на настани организирани од Римокатоличката црква во својство на крал.
Историските корени на овој став водат до 1534 година, кога кралот Хенри VIII ја основа Англиканската црква поради одбивањето на папата Климент VII да му дозволи развод. Оттогаш, секој британски владетел го носи статусот Врховен гувернер на Англиканската црква, а надбискупот на Кентербери е нејзин главен духовен водач.
Иако кралот Чарлс во минатото лично се сретнал со папата Франциско, неговото отсуство од денешната церемонија е во согласност со долгорочната политика на британската круна. Истата практика ја следеше и кралицата Елизабета II, која никогаш не присуствуваше на погреб на папа.
Во 2005 година, за време на погребот на папата Јован Павле II, тогашниот принц Чарлс присуствуваше како личен претставник на кралицата, непосредно пред сопствената венчавка со Камила. Овојпат, пак, кралското семејство одлучи да го почитува традиционалниот протокол, па на церемонијата во Ватикан присуствуваше принцот Вилијам.
Вреди да се напомене дека кралот Чарлс беше последниот светски лидер кој се сретна со папата Франциско, само две недели пред неговата смрт, за време на државната посета на Италија. Со својата одлука да не присуствува, кралот уште еднаш ја истакна автономијата на Англиканската црква и важноста на почитувањето на историските традиции.
Свет
Убиени 10 лица, половина од нив деца во израелскиот напад на Газа
Најмалку 10 лица, меѓу кои три жени и пет деца, загинаа утрово во израелски воздушен напад врз трикатна зграда во западниот дел на градот Газа. Болницата Шифа, која ги прими телата, потврди дека половина од жртвите се деца.
Израелската армија соопшти дека целта на нападот било скривалиште на милитанти на Хамас, но бројот на цивилни жртви предизвика нов бран загриженост за состојбата на теренот.
Во меѓувреме, Хамас информираше дека испратил делегација во Каиро во обид да се обнови прекин на огнот, откако примирјето беше нарушено минатиот месец поради нов бран на израелско бомбардирање.
Од Израел пак, најавија дека воените операции ќе продолжат сè додека не бидат ослободени сите заложници и додека Хамас не биде целосно уништен или разоружан.
УХМР предупредува на пороен дожд, грмежи и можна појава на град
Попладневниот развој на нестабилна облачност донесе пороен дожд, грмежи и засилен ветер во западните планински предели, Охридско-Преспанскиот регион и Пелагонија....
Позитивна средба меѓу Трамп, Зеленски, Макрон и Стармер – Доналд си заминал од Рим
На маргините од испраќањето на папата Франциск во Рим, претседателите на САД, Доналд Трамп, Украина, Володимир Зеленски, Франција, Емануел Макрон...
Вреди: Корупциските досиеја на ДУИ им експлодираат едно по едно
Човекот кој со години го меркаше тронот на Али Ахмети, денес се однесува како да е „паднат од Марс“, а...
(Фото+Видео) Папата погребан со едноставна церемонија во „Санта Марија Маџоре“
Поворката со ковчегот на папата Франциско пристигна во базиликата „Санта Марија Маџоре“ во Рим, каде што поглаварот на Католичката црква...
СДСМ бара оставка од Тошковски, ВМРО-ДПМНЕ им враќа со скандалозни факти
По вооружената пресметка кај Бит Пазар во која животот го загуби 31-годишен маж, СДСМ обвини за распад на безбедносниот систем...
Обвинителството собира докази и видео-снимки за расчистување на убиството кај Бит Пазар
По вчерашната вооружена престрелка во близина на Полициската станица во Бит Пазар, во која животот го загуби 31-годишниот А.С. од...
(ВО ЖИВО) Започна погребната миса за папата Франциск, емоции и солзи на плоштадот Свети Петар
На плоштадот Свети Петар во Ватикан, утрово точно во 10 часот по локално време, започна погребната церемонија за папата Франциск,...
Муцунски: Дипломатскиот пасош не ѝ дава имунитет на претседателката на ДКСК
Актуелната претседателка на Државната комисија за спречување на корупцијата (ДКСК), Татјана Димитровска, која е осомничена за оддавање службена тајна во...
(ВО ЖИВО) Светот се збогува со верскиот лидер, денеска е погребот на папата Франциск
Папата Франциск, кој почина во понеделникот наутро на 88-годишна возраст, денеска ќе биде погребан во Рим. Погребната церемонија се очекува...
Пороен дожд, грмежи и град ќе го погодат Скопје и повеќе градови
Денеска нѐ очекува променливо и нестабилно време со сериозни услови за локално невреме, предупредуваат метеоролозите. Според најавите, во текот на...
Зеленски: Подготвени сме да разговараме за територија, но само под еден услов
Украинскиот претседател Володимир Зеленски изјави денес дека Украина ќе биде подготвена да разговара за територијални прашања како дел од мировните...
„Хаос на улиците и нарушена безбедност, уште колку луѓе треба да загинат за Тошковски да понесе одговорност“, прашува СДСМ
„Последната криминална престрелка на Бит Пазар со смртни последици е уште еден доказ за сериозното нарушување на јавната безбедност и...
(Видео) Кремљ: Украинците убија генерал со автомобил-бомба во Москва
Портпаролот на Кремљ, Дмитриј Песков, ја обвини Украина за денешниот напад со автомобил-бомба во Москва, во кој беше убиен рускиот...
31-годишен скопјанец почина по пукање на Бит Пазар
31-годишен маж од Скопје почина од повредите здобиени при пукање попладнево на Бит Пазар. „Во врска со пукањето на Бит...
Испитувањето на оштетените од пожарот во „Пулс“ треба да почне на почетокот на мај
Испитувањето на оштетените од пожарот во „Пулс“ во Кочани се предвидува да почне од почетокот на мај. Од Обвинителството појаснија...
Крајно време е да престанеме да преговараме за идентитетските прашања со кого било, рече Муцунски
Министерот за надворешни работи Тимчо Муцунски рече дека Владата се стреми кон компромис, кој ќе биде рационален за да се...
Итно зголемување на платите, во спротивно ќе останеме без кадар, порача Пешевски
Според потпретседателот на Сојузот на синдикатите на Македонија за приватниот сектор, Иван Пешевски, приватниот сектор во Македонија е главен двигател...
Судот ѝ го одзеде пасошот на претседателката на антикорупциската комисија, која споделувала службени тајни на „Вибер“
На претседателката на антикорупциската комисија, Татјана Димитровска, одземен ѝ e пасошот откога Кривичниот суд го прифати предлогот за определување мерки за...
Девет лица завршија во притвор поради злоупотреби со инвалидските пензии и за туѓа нега
На деветмина осомничени од уапсените 23 во акцијата за туѓата нега судот им одреди мерка притвор од 30 дена. Едно...
Судот го одобри обвинението за возачот што ја прегази Фросина
Судот го одобри обвинението за возачот Васил Јованов, која ја прегази Фросина Кулакова на пешачки премин на булеварот Партизански одреди....
