Европа
Во норвешкиот дел на Арктикот измерена највисоката температура досега

Температурата на Свалбард (Шпицбершки Острови), норвешкиот архипелаг на Арктикот, во саботата го сруши апсолутниот рекорд, достигнувајќи 22 Целзиусови степени, објави норвешкиот метеоролошки институт.
Со 21,7 степени измерени во 18 часот по локално време во близина на Лонгјербјен, архипелагот го имаше најтоплиот ден од кога се вршат мерења во таа област.
Претходниот рекорд беше достигнат на 16 јули 1979 година, кога беа измерени 21,3 степени, изјави метеорологот Кристен Гислефос.
Групата острови, се наоѓаат на илјада километри од Северениот Пол.
Саботниот температурен рекорд, кој би требало да се задржи до понеделник, е далеку над вообичаените температури за овој период од годината. Во јули, кој е најтопол месец на Арктикот, температурите на Свалбард се движат меѓу 5 и 8 Целзиусови степени.
Научниците предупредуваат дека Арктикот се загрева двојно побрзо од остатокот од планетата.
Летово го обележаа и високи температури во рускиот дел на Арктикот: температури од 5 Целзиусови степени над нормалното во јануари во Сибир и врв од 38 степени на почетокот од јули во Арктичкиот круг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија: Полјаците не ни доставија никакви докази дека дроновите се од наше потекло

Москва тврди дека Полска не доставила никакви докази што покажуваат дека беспилотните летала што биле соборени во Полска се од руско производство.
Вршителот на должноста амбасадор на Русија во Полска, Андреј Ордаш, потврди за новинската агенција „РИА новости“ дека бил повикан од полското Министерство за надворешни работи по инцидентот.
Ова е првиот коментар на Русија по инцидентот, кој се случи преку ноќ.
Европа
Објавена фотографија од руски дрон во Полска

Порталот Defence24 објавува дека руски дрон е пронајден во градот Чешники, во близина на Замошќ и на 40-ина километри од границата со Украина.
Читател ја испратил фотографијата од леталото до редакцијата, а според неофицијални информации, станува збор за дрон од типот „Гербер“, кој Русија го користи за преоптоварување на украинската воздушна одбрана.
Во текот на ноќта Русија изврши масовен напад врз Украина, а повеќе од десет дрона влегоа во полскиот воздушен простор. Полската војска потврди дека оние што претставуваа директна закана биле соборени. Бројот и начинот на движење на леталото, според Defence24, укажуваат на намерна руска провокација.
фото: принтскрин
Европа
Објавена мапа од синоќешниот руски напад врз Украина: прикажани и дроновите што влегле во Полска

Украинските медиуми објавија мапа на која се прикажани беспилотните летала што учествуваа во синоќешните руски напади врз Украина. Главни цели беа Донбас и регионите Ивано-Франкивск, Лавов, Луцк, Одеса, Виница и Житомир. Некои од беспилотните летала го напуштија украинскиот воздушен простор и влегоа во Полска. Според украински извори, дури 14 руски беспилотни летала влегоа во Полска.
Полска потврди дека повеќе од десетина беспилотни летала влегле во нејзиниот воздушен простор за време на нападот врз Украина. Оние што претставуваа непосредна закана беа соборени, а во акцијата учествуваа и неколку холандски борбени авиони „Ф-35“.
Во Полска, во регионот Лублин, беспилотно летало удри во куќа, но немаше повредени. Во источна Полска, во градот Вирики, беспилотно летало или објект сличен на беспилотно летало удри во станбена куќа – покривот беше оштетен, но исто така немаше повредени.
Полскиот премиер Доналд Туск го опиша инцидентот како чин на агресија и нагласи дека НАТО реагирал активно вклучувајќи распоредување холандски борбени авиони и привремено затворање на аеродромите, вклучувајќи го и тој во Варшава.
фото: принтскрин