Свет
Германец обвинет за напад на еритрејски мигрант што сексуално ја нападнал ќерка му
Полицијата во германскиот град Минхен поднесе обвинение за физички напад против еден 42-годишен маж кој на железничката станица „Хакербруке“ удрил мигрант што сексуално ја нападнал неговата ќерка, пренесува германски „Меркур“.
Во инцидентот 28-годишниот мигрант од Еритреја, кој бил во алкохолизирана состојба, посегнал под здолништето на 21-годишната девојка и ја фатил за задникот. Кога го забележал сексуалниот напад, таткото на девојката му удрил бокс на Еритреецот.
Иако полицијата поднела обвинение за сексуално вознемирување против еритрејскиот мигрант, таа поднела и обвинение за нанесување телесни повреди против 42-годишниот Германец. По бесната реакција од јавноста, портпаролката на федералната полиција во Минхен, Петра Видман, изјави дека полицијата има должност да ги испита двете кривични дела.
„Судот треба да го процени случајот. Постои сомневање дека имало две кривични дела, едно сексуално вознемирување, а другото физичка повреда. Полицијата е задолжена со закон да ги пријави и двете“, рече таа.
Нападот се случил за време на „Октоберфест“, најголемиот фестивал во Минхен во годината, кој последниве неколку години бележи значително зголемување во обезбедувањето поради претходните сексуални напади на други фестивали во Германија и растечката закана од радикалниот исламски тероризам.
Во 2016 година фестивалот забележа најмала посетеност во последната деценија – додека бројот на пријавени сексуални напади се зголеми – една година по екот на мигрантската криза. Само една година подоцна, во 2017 година, властите во Баварија информираа за 91 отсто поголем број мигрантски сексуални напади, при што секој петти напад во регионот бил извршен од мигрант.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.