Европа
Германија ќе добие уште 10 милиони вакцини следната недела

Германија очекува да добие 10 милиони вакцини против Ковид-19 до крајот на следната недела, што значи дека бројот на вакцинирани лица ќе биде значително зголемен, најави министерот за здравство, Јенс Шпан.
Тој изјави дека е многу важно да се обрне внимание на времето за ублажувањето на мерките иако бројот на случаи почна да се намалува, но бројот на пациенти во Германија заразени со британскиот вид е 22 процента, објави „Ројтерс“.
Вакцинацијата е на доброволна основа, но Шпан побара од граѓаните да ја примат вакцината.
„Ако чекате, ризикувате да добиете сериозно заболување“, рече Шпан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Официјална Москва: Немаме доволно вакцини за сите што сакаат да купат

Официјална Москва никому не му остана должна за барањата за купување вакцини, но во моментот нема капацитет да ги прифати сите барања, изјави денеска портпаролот на Кремљ, Дмитриј Песков.
Песков го коментира барањето на претседателот на Чешка, Милош Земан, од Русија да купи вакцини „спутник В“, пренесе агенцијата „Тасс“.
„Русија внимателно реагира на секое барање и се обидува да обезбеди што е можно повеќе вакцини за земјите што се соочуваат со недостиг на дози. Имаме премногу барања, а нашите производствени капацитети не се доволно големи за да ги прифатиме сите“, објасни Песков.
Европа
Од среда Словачка ги заострува рестриктивните мерки против Ковид-19

Словачката влада ќе ги заостри рестриктивните мерки против коронавирусот, вклучително и оние што го ограничуваат движењето, поради зголемувањето на бројот на новоинфицирани лица од 3 март, информираат официјалните служби.
Владата на премиерот Игор Матовиќ објави детали за новите мерки по повеќедневни дискусии со експерти, а Словачка има најлош број на новоинфицирани во светот.
Од среда Словаците ќе може да се движат од 8 до 13 часот, само на работа или на лекар, а исклучоци од ограниченото движење може да бидат само од 17 до 20 часот. Оние ште може да работат од дома мора да го сторат тоа, пишува „Ројтерс“.
Од 8 март жителите ќе може да влегуваат само во јавен превоз или продавници со заштитни маски FFP 2 со вентил.
Предучилишните и пониските одделенија во училиштата ќе работат само за деца чии родители не може да работат од дома.
Доколку овие ограничувачки мерки не го намалат бројот на нови инфекции до 21 март, владата планира уште построги ограничувања на движењето, вклучително и затворање компании и граници, објавија локалните медиуми.
Европа
Фон дер Лаен: Предлогот за ковид-пасоши ќе биде претставен во март

Европската комисија во март ќе претстави предлог за дигитални пасоши за вакцинација против Ковид-19, што може да биде еден од условите за слободно патување во Европската Унија, изјави претседателката на Европската комисија, Урсула фон дер Лаен.
„Што се однесува до тоа како може да изгледаат дигиталните зелени пасоши – ќе размислиме. Ќе претставиме предлог-закон како би можел да изгледа“, рече Фон дер Лаен за време на видеоповик со германските конзервативни пратеници.
Лидерите на Европската Унија во петокот го поддржаа воведувањето дигитални сертификати за влез во земјите членки и отворањето на општеството по пандемијата.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа5 дена
Планот за отклучување на Германија протече во медиумите, Меркел: Имаме трет бран