Група селано го нашле и го убиле човекот кој призна дека убил повеќе од десет деца, а кој избега од затвор пред неколку дена во Кенија, пренесува Би-Би-Си.

Дваесетгодишниот Мастен Вањала бил фатен и претепан до смрт од селаните, соопшти тамошната полиција.

Тој призна дека убил повеќе од десет деца во период од пет години, а откако не се појави на суд пред два дена, полицијата започна голема потрага.

Покрај тоа што ги убил, тој признал дека ги дрогирал и пиел крв од некои деца, поради што го нарекоа вампир.

Наводно, тој се вратил во куќата на неговите родители, кои се откажале од него, а подоцна го задавиле соседите кои дознале дека е таму, изјавил очевидец за кенискиот весник „Стандард“.

Не е јасно како успеал да стигне од Најроби до неговата селска куќа во оддалечен дел од земјата.

Вањала беше уапсен во јули и оттогаш беше во затвор.

ЕУ треба да ги реши разликите преку меѓусебни разговори, рече германската канцеларка Ангела Меркел, одговарајќи на прашањето за спорот со Полска околу владеењето на правото.

„Сите ние сме земји -членки на Европската унија, што значи дека имаме должност секогаш да се обидуваме да најдеме компромис без да се откажеме од нашите принципи“, им рече Меркел на новинарите по средбата со белгискиот премиер Александар Де Крум во Брисел, пренесе „Ројтерс“.

„Мислам дека е време подетално да разговараме со полската влада за тоа како да се надминат проблемите“, додаде таа.

Меркел посочи дека Европскиот суд на правдата мора одвреме -навреме да одлучува за предметите, но исто така додаде дека е загрижена за бројот на предмети што завршуваат пред највисокиот суд на ЕУ во моментов.

Автобус што превезувал работници од нафтена рафинерија во Солун денеска пропаднал во дупка на патот, која била предизвикана од обилните дождови. Како што пренесуваат домашните медиуми, во инцидентот нема повредени.

Во моментот на несреќата во автобусот имало 15 лица, пренесува АП.

Обилните дождови предизвикаа поплави во Атина и други делови на Грција, а поради невремето многу патишта беа затворени.