Германскиот министерот за здравство, Јенс Шпан по тестирањето бил позитивен на коронавирус, соопшти Министерството за здравство, додавајќи дека Шпан итно се повлекол во домашна изолација.

40-годишниот Шпан почувствувал симптоми налик на настинка и бил подложен на тестирање, а за неговата состојба биле известени сите неговите контакти, соопшти Министерството.

Стапката на инфекција со Ковид-19 во Германија е пониска отколку во поголемиот дел од Европа, но во последниве денови се забрзува, а во саботата беше регистриран рекорден број од 7.830 заразени, според податоците од институтот „Роберт Кох“.

Шпан ги повика Германците да ги почитуваат мерките за физичко растојание за да се задржи стапката на инфекција на ниво под контрола.

Папата Франциско во документарц кој денеска беше премиерно прикажан изјави дека геј луѓето треба да можат да го легализираат своето партнерство, пренесува „Ројтерс“. Тоа е една од неговите најдиректни изјави за поддршка на хомосексуалците.

„Хомосексуалците имаат право да бидат семејство. Тие се Божји деца и имаат право на семејство“, рече папата во изјавата.

„Неопходно е да се донесе закон за граѓански брак. На тој начин, тие ќе бидат законски опфатени. Јас се залагам за тоа“, додаде папата, со тоа поддржувајќи го животното партнерство на хомосексуалците, што е досега невидена позиција во рамките на Католичката црква.

Папата Франциско овие ставови ги претстави во документарниот филм „Франческо“, што беше прикажан денеска на Филмскиот фестивал во Рим и се занимава со ликот и делото на сегашниот папа.

Авторката на филмот, Евгени Афинеевски, вели дека папата ја изразил својата поддршка за ЛГБТ-правата за време на интервју направено за потребите на документарниот филм.

Неговата директна поддршка за геј заедницата претставува израз на сосема поинакво гледиште од неговите претходници, но е и значајна промена во неговите претходни лични ставови.

Турција размислува повторно да воведе некои мерки за да се запре ширењето на коронавирусот.

Некои од тие мерки би можеле да бидат наредба за помлади и постари луѓе да останат дома или дури заклучување за време на викендот, но ќе го избегнат оштетувањето на економското закрепнување, рече висок официјален претставник.

„Новите мерки може да се спроведат по набљудувањето на процесот неколку недели“, изјави висок официјален претставник за „Ројтерс“, додавајќи дека сликата ќе стане појасна откако ќе се процени влијанието на делумното повторно отворање на училиштата на почетокот на овој месец.

Друг официјален претставник рече дека иако неодамнешниот брз пораст на случаите во главниот град Анкара донекаде е забавен, скоковите во градовите како Истанбул претставуваат ризик за земјата во овој „тежок период“.

Но, драконските мерки како целосно заклучување не се во план, рече тој.

Какви и да се новите мерки ќе имаат потесен опсег и ќе ја штитат економијата, рече првиот службеник.

„Мерки на дневен ред се: затворање ресторани и објекти во одредено време; одредено време за кое можат да излезат млади луѓе и луѓе над 65 години; или како последен чекор, заклучување за време на викендите“, рече тој, додавајќи дека кабинетот работи на тоа.