Во организација на австриската влада утре во Виена ќе се одржи конференција за Западен Балкан.

Домаќинот на состанокот, австрискиот канцелар Себастијан Курц, во изјава за медиумите од регионот рече дека неговата цел е со оваа конференција да го врати Западен Балкан на високо место на агендата на ЕУ.

„Западен Балкан е регион кој е важен за нас во Австрија, и за мене лично. Кога бев министер за надворешни работи, започнав да се залагам за тој регион и го продолжив тоа како канцелар“, рече тој.

Курц рече дека пандемијата на коронавирусот засенува многу теми и ги става во втор план, како и Западен Балкан.

„Главната цел на оваа конференција е да се подигне Западен Балкан на многу високо место во европската агенда. Ние сакаме да има посилен фокус на овој регион, како и тоа, сите изјави, разговори за европската перспектива, конечно да станат реалност “, објасни австрискиот канцелар.

Според најавата на австриската влада, на конференцијата во Виена ќе учествуваат премиерите на Србија, Црна Гора, Северна Македонија, на Босна и Херцеговина, косовскиот премиер и претставникот на ЕУ за дијалогот меѓу Белград и Приштина Мирослав Лајчак.

За време на разгледувањето на измените и дополнувањата на предлог законот за реформа на Националниот совет за телевизиски и радио прашања во Врховната рада на Украина, дошло до расправија меѓу пратениците, пренесуваат украинските медиуми.

Тепачката започнала по изјавата на пратеникот од владејачката партија, Никита Потурајев, кој рекол дека е потребно да се „стрела“ фракцијата „Опозициска платформа – за живот“.

„Тие прашаа тука кога ќе заврши ерата на сиромаштијата. Ќе заврши кога бунтовниците ќе ја предводат оваа фракција („ Опозициска платформа – за живот “), чие вкупно богатство може да се измери со годишниот буџет на Украина и да се стрела “рече тој. Тоа предизвика тепачка меѓу претставниците на опозицијата и партијата на Зеленски, пренесуваат агенциите.

По кратка пауза, Потурајев се извинил, велејќи дека неговите зборови „не биле повик за насилство и никој во салата не заслужува репресија“.

Од своја страна, претседателот на парламентот Дмитриј Разумков ги повикал сите да бидат толерантни и воздржани во своите изјави.

После тоа, фракцијата на партијата „Опозициска платформа – за живот“ побарала Потурајев да биде сменет од позицијата шеф на Комитетот за хуманитарна и информативна политика.

Поранешниот претседател на САД, Доналд Трамп не го поддржа американско-рускиот самит, нарекувајќи го состанокот на американскиот претседател Џо Бајден и рускиот претседател Владимир Путин во Женева „Добар ден за Русија“.

Поранешниот претседател, кој своевремено рече дека му верува повеќе на Путин отколку на американските разузнавачки агенции, за американските медиуми изјави дека Бајден му подарил на рускиот лидер подарок што му дава главна улога на глобалната сцена.

„Не добивме ништо. И дадовме многу простор на Русија и не добивме ништо“, рече Трамп.

„Тоа беше добар ден за Русија“, додаде Трамп. „Не гледам што постигнавме со тоа.

Со Трамп се согласија и неговите републикански сојузници, кои сметаат дека Путин не направил некои поголеми отстапки на состанокот во женевската вила „Ла Гранж“, кој траеше помалку од три часа.

Трамп се состана со Путин во Хелсинки во 2018 година, а подоцна одржа заедничка прес конференција.

Бајден и Путин во средата се обидоа да одржат позитивен тон на разговорите, нарекувајќи ги конструктивни, иако многу не е договорено, пишуваат медиумите.