Свет
Дмитриј Рогозин: Руската програма за Месечината е десетпати поевтина од американската

Руската програма за Месечината е неколкупати поевтина од американската, меѓутоа нејзините резултати нема да бидат помалку значајни, изјави шефот на руската државна вселенска корпорација, Дмитриј Рогозин, пренесува ТАСС.
„Добивме своја програма за Месечината. Таа тежи десетпати помалку од американската, но нејзините резултати нема да бидат помалку важни за нашите научници“, напиша тој на својот канал на „Телеграм“.
Според шефот на „Роскосмос“, во науката, кога има помалку ресурси, треба да ги одредите приоритетите и да одите попреку наместо да го следите водачот со каубојска капа, што не знае зошто и каде трча.
Рогозин истакна дека неколкупати разговарал за програмата за Месечината со НАСА и со американски политичари.
„Најинтересно е што тие не може точно да објаснат зошто треба повторно да одат на Месечината. Му поставив на шефот на НАСА, Бриденстин, едноставно прашање: ако повторно слетате на Месечината, само ќе докажете дека ги имате технологиите што ги имавте пред 70 години, а тој само воздивна“, вели Рогозин.
Шефот на „Роскосмос“ додаде дека Русија нема да учествува во ниту една трка за Месечината сè додека не ја разбере поентата на фондот за награди.
Претходно, Рогозин истакна дека милитаризацијата на Месечината и на истражувањата на Месечината е неприфатлива коментирајќи го написот на „Волстрит џурнал“, во кој, повикувајќи се на информирани извори во американската влада и вселенската индустрија, се вели дека Министерството за одбрана на САД може да ја осигури безбедноста на базите на НАСА на Месечината во иднина, како и безбедноста на приватните мисии што имаат цел да најдат ресурси на површината на Месечината.
Весникот истакна дека проширената соработка помеѓу Министерството за одбрана на САД и НАСА е поврзана со потребата да се спротивстават на предизвиците што ги поставуваат Русија и Кина.
Москва повеќепати посочуваше дека Вашингтон планира да распореди оружје во вселената.
На 25 февруари 2020 година, рускиот министер за надворешни работи, Сергеј Лавров, изјави на Конференцијата за разоружување дека сите планови на САД, Франција и НАТО да стават оружје во вселената стануваат пореални. Тој додаде дека не е доцна да се спречи конфронтација во вселената преку формирање заеднички правила на однесување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Пукање во Чикаго: има загинати и повредени

Повеќе лица биле застрелани на забава за промоција на албум во Чикаго, пренесуваат медиумите во регионот.
Извештаите што кружат на социјалните мрежи велат дека луѓе биле застрелани во ресторан и салон на авенијата Вест Чикаго во населбата Ривер Норт за време на забавата за раперот Мел Бакз.
Wild West of some kind.
Chicago, Illinois.
12 people were shot in an intense shooting at a nightclub between Chicago and Franklin Avenues. pic.twitter.com/dnCJXpDcWX— Argonaut (@FapeFop90614) July 3, 2025
Најмалку три лица се убиени, а 16 се повредени, објави Си-би-ес повикувајќи се на локалните власти.
Службеник на градот изјави дека 19 лица биле застрелани во автомобили, од кои тројца смртно, според извештајот.
Портпаролот на полициската управа во Чикаго, Хулио Гарсија, изјави дека дополнителни информации ќе бидат објавени штом ќе станат достапни, но не го прецизира бројот на повредени или точната локација на инцидентот, објави „Ројтерс“.
Портпаролот на медицинската болница „Нортвестерн“, Крис Кинг, потврди дека одделот за итни случаи ја проценува состојбата на неколкумина повредени, но не можеше да го прецизира точниот број на лица примени на лекување или нивната моментна здравствена состојба.
Европа
Анкета: Германците сакаат да го укинат пиењето под надзор кај тинејџерите

Мнозинството Германци сакаат построги закони за заштита на младите од алкохол, вклучително и елиминација на контролирано пиење, што им овозможува на 14-годишниците да нарачаат пиво во бар ако се во придружба на законски старател, покажува анкета објавена денес.
Резултатите од анкетата на „Форса“, нарачана од компанијата за здравствено осигурување Kaufmännische Krankenkasse (KKH), покажуваат дека 65 проценти од Германците ја поддржуваат забраната за контролирано пиење алкохол од страна на малолетници. Според сегашниот закон, на тинејџерите им е дозволено да купуваат и да пијат пиво, вино и пијалаци на база на вино на јавно место ако се во придружба на старател.
Тесно мнозинство од 52 процента од испитаниците исто така сакаат да се зголеми законската возраст за купување и пиење алкохол од 16 на 18 години. Анкетата, спроведена во јуни, опфати 1.004 испитаници од цела Германија на возраст меѓу 18 и 70 години.
Забраната за контролирано пиење ја застапуваат и покраинските министри за здравство, а ја поддржува и федералната министерка за здравство, Нина Варкен. Алкохолот е значаен проблем за децата и за тинејџерите, изјави Катарина Шенк, министерка за здравство во источногерманската покраина Тирингија и претседателка на Конференцијата на министрите за здравство.
Медицинските здруженија долго време апелираат до креаторите на здравствените политики да вложат поголеми напори за намалување на потрошувачката на алкохол во Германија. Германското здружение за исхрана препорачува целосна апстиненција од алкохолни пијалаци наведувајќи дека „не постои безбедно ниво на потрошувачка“.
„Колку порано младите луѓе почнуваат да пијат, толку се поголеми здравствените ризици“, вели психологот на KKH, Франциска Клем.
Покрај краткорочните последици, како што се несреќи, повреди и насилство, алкохолот го зголемува и ризикот од рак, кардиоваскуларни заболувања и заболувања на црниот дроб. Алкохолот е особено штетен за адолесцентите бидејќи нивните тела сè уште се во развој и затоа се почувствителни на неговите токсични ефекти, објавува агенцијата ДПА.
Свет
НАСА откри нова планета со можни услови за живеење

Со помош на телескопот „Џејмс Веб“, НАСА ја откри планетата TWA 7b, оддалечена 34 светлосни години, која има речиси 100 пати поголема маса од Земјата и се наоѓа во потенцијално погодна зона за живеење.
Прелиминарните анализи сугерираат дека станува збор за млада и ладна планета, со температура од приближно 49 Целзиусови степени, што се вклопува во температурниот опсег во кој може да преживеат живите организми.
Планетата орбитира околу младата црвена џуџеста ѕвезда TWA 7, опкружена со диск од прашина, објавува „Еј-би-си њуз“.
Ова е прво директно снимање на планетата од телескопот „Веб“ користејќи техника со висок контраст, што овозможува набљудување на бледи објекти покрај светли ѕвезди.
Откритието потврдува дека телескопот може да пронајде и планети со мала маса во близина на ѕвездите и дава нови сознанија за потеклото и структурата на планетарните системи, објавува „Танјуг“.