Шведска воведе забрана за патници од Србија, која ќе важи од 20 септември, без оглед на потврда за вакцинација или прележан коронавирус.

Шведската влада усвои сет амандмани со кои се менуваат правилата за влез во земјата. Забраната за влез ќе биде воведена за земјите кои се изложени на висок ризик поради големиот број на луѓе заразени со коронавирусот.

Освен Србија, беше одлучено граѓаните на Албанија, Ерменија, Азербејџан и Јапонија да не можат да влезат во Шведска од 20 септември.

Граѓаните на Северна Македонија, Сан Марино, Швајцарија, Турција, Ватикан и Украина во моментов се ослободени од оваа забрана, но ќе мора да направат тест за коронавирус на самиот аеродром.

Според препораките на Европската комисија, сертификатите за вакцинација издадени во овие земји се еквивалентни на дигиталниот сертификат за коронавирус на ЕУ.

Обединетото Кралство е на листата на чекање, но најавено е дека прашањето за патниците од Велика Британија ќе се реши наскоро.

Шведската влада ќе продолжи внимателно да ја следи ситуацијата со коронавирусот во целиот свет, а правилата постојано подлежат на промени, беше денеска објавено.

Возило удри во тераса пред ресторан во градот Фонтејнбл, во близина на Париз, при што беа повредени неколку лица. На лице место се екипи на полицијата и брзата помош, пренесуваат медиумите во регионот.

Снимките на социјалните мрежи покажуваат како полицијата ја оградува областа недалеку од Палатата Фонтенбло, познатиот француски средновековен замок, додека една фотографија покажува црн автомобил среде терасата на ресторанот, со столици расфрлани околу него, пренесуваат агенциите.

💥🇨🇵 [ALERTE INFO] Un véhicule roule sur la #terrasse d'un #restaurant du centre de #Fontainebleau, dans l'agglomération de #Paris.

👉 Il y a au moins 3 blessés et un gros dispositif d'urgence a été déployé. pic.twitter.com/n91hbvPRzJ

— MediaFrance24 🌐 (@MediaFrance24) September 18, 2021

Според извештаите на новинарите, итните служби ги евакуирале повредените со помош на хеликоптер.

Првичните извештаи сугерираат дека во инцидентот се повредени три лица, додека според други објави од тамошните медиуми повредени се најмалку шест лица.

На грчкиот остров Самос е отворен нов бегалски камп, во кој можат да се сместат 3.000 луѓе.

Објектот е оддалечен околу пет километри од поранешниот привремен камп во близина на селото Вати и другите островски села. Опкружен е со високи огради со бодликава жица. Бегалските организации изнесоа бројни критики на адреса на кампот финансиран од ЕУ.

„Можеме само да им помогнеме на нашите пациенти да преживеат“, објави организацијата „Лекари без граници“. Самос е првиот остров што има таканаречен затворен центар со контролиран пристап. Останатите ќе бидат лоцирани на Лезбос и Хиос.

„Владата го решава прашањето за мигрантите како што им вети на граѓаните “, рече министерот за миграција Нотис Митаракис на отворањето на кампот.

Пред само две години, 10.500 мигранти пристигнаа во Самос. Минатата година во стариот камп имаше 7.500 луѓе, а сега има уште 400 кои ќе се преселат во новиот камп .

„Грција го постигна ова главно со заострување на контролите на поморската граница и преместување на луѓето на копно. Во новиот камп, мигрантите ќе имаат добри услови за живот и ќе се гарантира сигурност“, рече Митаракис. Тој повтори дека Грција повеќе не е порта за илегална имиграција во ЕУ.