Европа
Европската агенција за лекови тврди дека вакцината на „Астразенека“ нема поврзаност со случаите на згрутчување на крвта
Европската агенција за лекови (ЕМА) објави дека засега нема што да укажува на тоа дека луѓето вакцинирани со вакцината на „Астразенека“ имаат поголем ризик од згрутчување на крвта, коментирајќи ја одлуката на три европски земји привремено да ја прекинат употребата на оваа вакцина како претпазливост.
„Досега достапните информации укажуваат на тоа дека бројот на тромбоемболизами кај вакцинираните лица не е поголем од оној забележан кај целото население“, се вели во изјавата на Европската агенција за лекови доставена до агенцијата „Франс прес“.
Европското регулаторно тело соопшти дека европските земји можат да продолжат да ја користат вакцината на „Астразенека“, иако е отворена истрага за случаи на згрутчување на крвта поради што Данска, Норвешка и Исланд ја прекинаа имунизацијата со таа вакцина.
Позицијата на безбедносниот комитет на Европската агенција за лекови е дека „предностите на вакцината сè уште ги надминуваат ризиците и дека вакцината може да се продолжи додека трае истрагата за случаите на тромбоемболизам“, се вели во соопштението на ЕМА.
Данска, Исланд и Норвешка вчера објавија дека привремено ја прекинуваат употребата на вакцината против Ковид-19 на „Астразенека“ „како мерка на претпазливост“ поради стравувања поврзани со коагулација. Тие нагласија дека тоа го прават претпазливо додека чекаат заклучоци од здравствената истрага и дека засега не може да се заклучи дека постои поврзаност помеѓу вакцината и тромбите.
Според Европската агенција за лекови, само 22 случаи на тромбоза се пријавени до вторникот за повеќе од три милиони луѓе вакцинирани во зоната што ги вклучува ЕУ, Норвешка и Исланд.
Фармацевтската компанија „Астразенека“, која ја разви вакцината во соработка со Универзитетот во Оксфорд, укажа на безбедноста на нејзиниот производ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) „Спиев, појасот ми беше врзан и наеднаш се превртевме“: вели патник што ја преживеа несреќата во Турција
Очевидци на страшната несреќа во Турција, во која според првичните информации, шест лица загинаа, а 25 се повредени, велат дека возачот на автобусот со туристи изгубил контрола над возилото пред да се преврти.
Еден од патниците во автобусот опишува што се случило:
„Спиев, појасот ми беше врзан и наеднаш се превртевме“, изјави Рамазан Дурмуш.
Aksaray’da feci otobüs kazası! Ölü ve yaralılar varhttps://t.co/ysCziSN3x7#Aksaray #SonDakika pic.twitter.com/5nxgAyXWC0
— Son Dakika 23 – Elazığ Haber (@sondakika23) October 18, 2024
Се огласи и возачот од автопатот кого автобусот го престигнал непосредно пред да се преврти.
„Штом ме престигна, автобусот почна да оди лево-десно. Мислам дека возачот заспа, ги вклучив долгите светла и почнав да му свирам“, изјавил еден од возачите за „Хариет“.
Турските медиуми јавуваат дека несреќата се случила утринава околу седум часот на 25. километар од автопатот од Аксарај кон Анкара, недалеку од селото Аџипинар.
По превртувањето, автобусот ја пробил заштитната ограда на автопатот и застанал по 90-ина метри.
📍Aksaray’da ilk belirlemelere göre 6 kişinin can verdiği, 20 kişinin yaralandığı otobüs kazasının ilk görüntüleri geldi.pic.twitter.com/ko9I4h1jWp
— 23 DERECE (@yirmiucderece) October 18, 2024
Во автобусот имало 41 патник, двајца возачи и еден туристички водич. Веднаш по несреќата, на местото на трагедијата излегле голем број полициски патроли и противпожарни возила, а итните служби ги префрлиле повредените во болницата во Аксарај.
Телата на загинатите се пренесени во истата болница во која ќе биде извршена обдукција.
Европа
(Видео) Лизгање на земјиштето и поплави, железничкиот сообраќај во прекин: невреме во Италија
Северниот дел на Италија го зафати невреме, кое предизвика лизгање на земјиштето и поплави, поради што железничкиот сообраќај беше запрен, а училиштата на некои места беа затворени.
🔵 #Meteo Ancora #maltempo al Centro-Nord. Particolarmente colpite Liguria e Toscana dove c’è l’allerta arancione, così come in Veneto, Lombardia e alcuni settori dell’Emilia Romagna. Nel video l’alluvione nel Tigullio pic.twitter.com/4I3gOUbL5h
— Rai Radio1 (@Radio1Rai) October 18, 2024
Обилните дождови што ги зафатија регионите Лигурија, Емилија Ромања и Тоскана во Италија предизвикаа поплави во некои населени места, јавува „Анадолија“.
Италијанската противпожарна бригада продолжува со акциите за пребарување и спасување, досега се спасени 30 лица, а домот за стари лица во Суверет е евакуиран.
#Maltempo #Toscana, da ieri sera 160 interventi dei #vigilidelfuoco tra #Livorno e #Siena: per l’esondazione del Cornia, maggiori criticità a Campiglia Marittima (LI), soccorse 30 persone in difficoltà, e a Suvereto (LI), evacuata una RSA. Operazioni in corso [#18ottobre 8:00] pic.twitter.com/pbNlAbAYNQ
— Vigili del Fuoco (@vigilidelfuoco) October 18, 2024
Активиран е портокалов аларм во Емилија Ромања и во пристанишниот град Ла Специја.
Европа
Унгарија не го поддржува планот за победа на Зеленски: „Тоа е најкраткиот пат до трета светска војна“
Унгарија не го поддржува „Планот за победа“ на украинскиот претседател Володимир Зеленски бидејќи тоа е најкраткиот пат до Третата светска војна, изјави денеска Балаж Орбан, политички директор на унгарскиот премиер Виктор Орбан.
Тој на Фејсбук напиша дека планот подразбира ескалација на конфликтот и вклучување на земјите од НАТО во него, што Унгарија не го прифаќа, бидејќи смета дека ЕУ треба да ја промени својата стратегија во мирна.
“Zelenskyy's 'Victory Plan' involves escalation of the war and involvement of NATO countries in the conflict” – advisor to Hungarian Prime Minister Balazs Orban
He noted that the Hungarian authorities do not support such a "plan". pic.twitter.com/wMRDK2AzK7
— NEXTA (@nexta_tv) October 18, 2024
Претходно, унгарскиот премиер Виктор Орбан изјави дека планот на Зеленски го „ежи“, дека ЕУ треба да ја промени својата стратегија и да започне мирно решавање на конфликтот во Украина.
Зеленски во средата го претстави „Планот за победа“ пред украинскиот парламент, а вчера и пред Европскиот совет.
Документот содржи пет точки и три тајни анекси.
Првата точка подразбира покана на Украина во НАТО со последователно членство, втората – укинување на ограничувањата за напади со оружје со долг дострел на руска територија, третата – распоредување во Украина „сеопфатен ненуклеарен пакет за одвраќање“ на Русија.
Зеленски нагласи дека спроведувањето на планот „зависи од партнерите“.