Свет
Еден месец по експлозијата во Бејрут забележани знаци на живот под урнатините
![](https://makfax.com.mk/wp-content/uploads/2020/09/w_56277845.jpg)
Еден месец по страотната експлозија во Бејрут, либанските спасувачи, пребарувајќи ги урнатините во една станбена област, воочиле знаци на живот под еден ѕид. Ова го изјавил еден од спасувачите, Еди Битар.
„ Овие ( знаци на дишење и пулс) заедно со сензорот за температура укажуваат на тоа дека постои можност дека некој е жив“ рекол Битар.
Државните медиуми претходно пренесоа дека спасувачки тим, со куче за спасување, воочил движење под урнатините на една зграда во областа Гемајзе во Бејрут, една од најтешко погодените области.
Во експлозијата во главниот град на Либан, што се случи на 4 август, загинаа околу 180 луѓе, додека околу 6 илјади се повредени.
Засега се уште не се знае што го предизвика пожарот кој запали речиси 3 илјади тони амониум-нитрат во магацин во пристаништето во Бејрут.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Комбе полно со мигранти одбило да застане и удрило во столб: најмалку 10 повредени во Хрватска
![](https://makfax.com.mk/wp-content/uploads/2024/08/hrvatska-policija.jpg)
Десет лица се повредени во тешка сообраќајна несреќа што се случи рано утринава во Хрватска, кога комбе излетало од патот и удрило во столб.
Се испоставило дека комбето излетало од патот додека бегало од полицијата.
Според медиумите, полициските службеници, кои работеле на спречување илегален влез во Република Хрватска, околу три часот по полноќ ноќта од недела кон понеделник забележале видно натоварено комбе со швајцарски регистарски таблички.
Тие со светлосни и звучни сигнали се обиделе да го спречат за контрола, но возачот ги игнорирал полициските наредби и продолжил да вози зголемувајќи ја брзината.
За кратко време излетал од патот и удрил во столб. Повредените се пренесени во Општата болница во Славонски Брод и Нова Градишка.
Според написите, во сообраќајната несреќа се повредени 10 лица.
Полициски службеници продолжуваат со работа и вршат увиди, соопштија од полицијата.
Свет
Израелски пратеник: Почетокот на војната со Либан е прашање на денови, предградијата на Бејрут ќе бидат како Газа
![](https://makfax.com.mk/wp-content/uploads/2024/09/Screenshot-2024-09-09-083056.jpg)
Нисим Ватури, член на израелскиот Кнесет, тврди дека е „прашање на денови“ кога ќе избие вистинска војна меѓу Израел и Либан.
Член на Ликуд, владејачката партија на премиерот Бенјамин Нетанјаху, изјави за јавната телевизија „Кан“ дека по избувнувањето на војната, предградието на Бејрут Дахије – главното упориште на Хезболах – „ќе личи на Газа“.
„Нема друг начин. Ова е нешто што ќе се развива во наредните денови“, додаде Ватури, кој е и дел од парламентарната комисија за надворешни работи и одбрана. Тој тврди дека Нетанјаху вчера ги информирал воените претставници дека „мора да стават крај на оваа сага“, пишува „Тајмс оф Израел“.
Според него, војната треба да започне со превентивен напад како неодамнешниот за кој Израелците тврдат дека спречил планиран голем напад на Хезболах врз централен Израел. Сепак, Ватури нагласува дека овој пат превентивниот напад треба да трае најмалку 4-5 дена, по што би следела копнена инвазија.
Израел и Хезболах разменуваат оган речиси секојдневно откако Хамас го нападна Израел на 7 октомври. Тензиите дополнително се зголемија откако Фуад Шукр, врховен командант на исламистичката група, беше убиен во израелски воздушен напад врз упориште на Хезболах во јужните предградија на Бејрут на крајот на јули.
Свет
Повеќе од 20 приведени во истрагата за убиството на осумгодишно девојче во Турција: меѓу нив членови на потесното семејство
![](https://makfax.com.mk/wp-content/uploads/2024/09/677z381_123456.jpg)
Турските власти досега приведоа 23 лица во рамки на истрагата за смртта на осумгодишното девојче Нарин Гуран во Дијарбекир, чие безживотно тело беше пронајдено.
Меѓу приведените се мајката, таткото, двајцата постари браќа, тројца чичковци и уште еден роднина на жртвата, пренесува „Хабертурк“.
Телото на девојчето Нарин Гуран, кое исчезна во провинцијата Дијарбакир на 21 август, беше пронајдено недалеку од селото во кое живееше, по 19 дена опсежна потрага.
Телото на девојчето е однесено на обдукција во Институтот за судска медицина, јавува „Anadoli Agency“.
Според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот. Во рамките на истрагата, површина од 11.000 квадратни метри беше претресена од 2.000 луѓе, како и два хеликоптери и 48 дронови од воздух.