Кинескиот претседател Kси Џинпинг на церемонијата во Пекинг објави целосна победа во борбата против руралната сиромаштија со цел да ја одбележи 8-годишнината од својот мандат.

Државните медиуми јавуваат дека Кси е заслужен што близу 100 милиони луѓе веќе не припаѓаат на сиромашните, што е цел што беше постигната во декември, а беше објавена оваа година, кога владејачката Комунистичка партија слави 100 години постоење.

„Владејачката комунистичка партија на Кина и кинескиот социјалистички систем се основни гаранти против ризиците, предизвиците и тешкотиите“, рече кинескиот претседател во говорот во Големата народна сала.

Тој ги одликуваше клучните луѓе во борбата против сиромаштијата.

Некои експерти за глобална политика сметаат дека Кина ја постави линијата на сиромаштија прениско во нејзината дефиниција и дека се потребни одржливи инвестиции за да се продолжи развојот во најсиромашните области.

Кина ја дефинира екстремната сиромаштија како годишен приход по глава на жител кој е под 4.000 јуани (620 американски долари) или околу 1,69 американски долари на ден. Границата утврдена од Светска банка е 1,90 долари на ден.

Бројот на заболени од коронавирус во светот од почетокот на пандемијата на коронавирус надмина 113 милиони, објави вечерва сајтот worldometers.info.

Според податоците на оваа американска страница, од 113 милиони заболени, повеќе од 2,5 милиони починале, а скоро 89 милиони луѓе закрепнале од коронавирусот.

Во моментов има околу 22 милиони активни случаи во светот, од кои 21,87 милиони луѓе или 99,6 проценти имаат лесна или умерена форма, додека околу 92 000 (0,4 проценти) заболени се во сериозна состојба.

Според бројот на починати, први се САД, кои имаат над 515.000 мртви, а потоа следат Индија со над 156.000 и Бразил со близу 250.000 смртни случаи.

Повеќе од 326.000 нови случаи на Ковид-19 се потврдени ширум светот во последните 24 часа, заразени се вкупно 111,76 милиони луѓе ширум светот, соопшти Светската здравствена организација (СЗО).

Во последните 24 часа уште 8.384 лица починаа како резултат на зараза со коронавирусот, покажуваат најновите податоци објавени од СЗО, пренесува агенцијата ТАСС.

Досега 2,48 милиони луѓе во светот ја загубија битката со коронавирусот.

Роверот на НАСА „Упорност“ ја испрати на Земјата првата панорамска слика на површината на Марс, објави американската агенција за истражување на вселената.

Фотографијата што го опфаќа целиот круг е составена од 142 слики направени на 21 февруари од камерата „масткем-з“.

Сликата покажува пуста област со геолошки формации, вклучувајќи карпа со бразди од ветер и работ на кратерот Језеро, каде што роверот слета минатата недела.

The first 360º view of Mars from Perseverance Rover.

Credit: NASA​/​JPL-Caltech​/​ASU​/​MSSS pic.twitter.com/T8BB7s6Bpr

— Wonder of Science (@wonderofscience) February 25, 2021

НАСА објави дека модерната камера ќе им помогне на научниците да ги испитаат атмосферските услови во кратерот и оддалеку да ги идентификуваат видовите карпи и седименти кои треба да се испитаат со помош на инструменти на роверот.

Џим Бел, истражувач од Државниот универзитет во Аризона, кој ја води операцијата со камерата „масткем-з“, рече дека фотографијата потврдува дека роверот паднал на идеално место, пренесе агенцијата ДПА.

„Упорност“ патуваше низ вселената речиси седум месеци по лансирањето од Кејп Канаверал на Флорида.

I’m taking it all in. This is the first 360º view of my home using Mastcam-Z. This dual, high-definition camera system sits atop my mast and has zoom capability. Inspect tiny details of Jezero Crater with the special interactive viewer at https://t.co/roDhWK56gj #CountdownToMars pic.twitter.com/TAy28PpG73

— NASA’s Perseverance Mars Rover (@NASAPersevere) February 24, 2021

Научниците се надеваат дека ќе пронајдат докази во езерскиот кратер дека микробите постоеле на Марс во минатото. Марс имаше вода на својата површина пред милијарди години, а на тоа се заснова и претпоставката дека можеби постоел некој облик на живот на планетата.

„Упорност“ ќе ја истражува површината на Марс, неговата геологија и клима најмалку две години, а исто така ќе собира примероци од карпите и почвата.