Европа
Екстремно високи температури во Америка: Во Аризона измерени 46 степени

Во неколку градови во американскиот југозапад, Феникс, Лас Вегас, Денвер, како и во долината на смртта во Калифорнија, вчера биле забележани рекордно високи јунски температури.
Во топлотниот бран што го зафати тој дел на САД, Националната метеоролошка служба во Феникс, Аризона, објави температура од 46 степени, што го израмни рекордот за тој датум забележан во 1918 година.
Лас Вегас достигна рекордна температура од 43 степени за тој ден, забележана во 1956 година, а метеоролошката служба навела дека високите температури во двата града сепак може да се зголемат.
Температурите во внатрешноста на Калифорнија достигнаа 50 степени Целзиусови во долината на смртта.
Издадени се предупредувања за делови од Северна Калифорнија преку централната долина до југоисточните пустини.
Националната метеоролошка служба исто така прогнозираше околу 46 степени Целзиусови во Палм Спрингс и температури од околу 38 степени долж долината Сан Хоакин и областа Сакраменто.
Се очекува високите температури да се прошират во внатрешноста на заливот Сан Франциско, но повеќето крајбрежни области во Калифорнија немаа предупредувања за топлотни бранови.
Метеоролозите очекуваа до синоќа горештините да стивнат во Северна Калифорнија, но за денеска се издадени предупредувања во делови од Јужна Калифорнија.
Метеоролозите предупредија на многу висок „ризик од топлина“ во јужна и централна Аризона во текот на викендот. Се очекува високите температури да достигнат блиску до рекордот меѓу 43 и 46 Целзиусови степени, а јавноста се повикува да ги ограничи активностите на отворено.
Се очекува и делови од Ново Мексико и Тексас да имаат температури над 38 степени.
Научниците велат дека во иднина поверојатно е да има почести и поинтензивни топлотни бранови поради климатските промени и поголема суша.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Бербок: Потребни се нови одржливи рути за извоз од Украина

Шефицата на германската дипломатија, Аналена Бeрбок, наведува дека веќе во јули можно е да има извоз на жито од Украина.
„Воспоставувањето одржлива рута за транспорт на жито од Украина е еден од главните приоритети во спречувањето на глобалната криза поради недостиг на производи“, вели Бeрбок.
„Рускиот претседател Владимир Путин ја уценува Украина и затоа е важно да се развиваат новите транспортни рути“, оценува министерот за земјоделство на Германија, Џем Ездемир.
Европа
Рама со одговор до бугарското МНР: Пријатели, смирете се, тргнете го ветото или бидете трпеливи со мене

Албанскиот премиер Еди Рама реагира кога бугарското Министерство за надворешни работи побара од него да зборува на соодветен јазик за политичар на земја кандидат за членство во ЕУ.
„Ох! Бугарското Министерство за надворешни работи има проблем со мојот говор! Многу точно! И јас имам едно прашање, а тоа е како Бугарија ќе ги решава билатералните прашања користејќи го процесот на проширување како средство за киднапирање две земји членки на НАТО! Пријатели, смирете се: тргнете го ветото или бидете трпеливи со мене“, напииша Рама на „Твитер“.
Oh! Bulgaria’s Foreign Ministry has an issue with my way of speaking!Fair enough.I have an issue too with the way Bulgaria wants to solve biletaral issues by using the enlargement process as e vehicle of kidnapping two NATO countries! Easy friends:Lift the VETO or bear with me!
— Edi Rama (@ediramaal) June 24, 2022
„Имаме заедничка иднина со Албанија. Политичарите си заминуваат. Нациите остануваат. Нашите народи имаат заеднички интерес, кој не треба да се нарушува со погрешна процена на политичарите. Неприфатливо е односите меѓу државите да станат заложници на ексцентричноста на актуелниот албански премиер“, се посочува во реакцијата на Министерството за надворешни работи на Бугарија.
Европа
(Видео) Пожарникарите се обидуваат да го локализираат пожарот во близина на Мармарис

Пожарникарите сè уште се обидуваат од копно и од воздух да го локализираат шумскиот пожар на југозападниот дел на Турција, во близина на познатото летувалиште Мармарис.
Сцените од запалената шума во близина на егејското поморско одморалиште Мармарис, во турската провинција Мугла, ги обновиле стравувањата дека минатогодишните пожари би можеле да се повторат кога беа уништени речиси 140.000 хектари шума во регионот, објави „Ројтерс“.
Полицијата со водни топови им помага на пожарникарите да го изгаснат пожарот што избувна во вторникот околу 20 часот и зафати повеќе од 3.400 хектари земјиште, пренесува медиумот.
Властите соопштија дека едно лице е уапсено под сомнение дека е вмешано во пожарот. Турскиот министер за внатрешни работи, Сулејман Сојлу, изјави дека лицето признало оти го предизвикало пожарот од фрустрација поради семејни проблеми.
„Имаме осомничен од моментот кога почна овој инцидент“, изјави Сојлу пред новинарите и додаде дека на самото место се пронајдени два барела нафта.
Министерот за здравство, Фахретин Коча, соопшти дека се повредени 29 лица, а две сè уште се сместени во болница. Претходно, министерот за шумарство, Вахит Киришчи, изјави дека 274 лица се евакуирани како мерка на претпазливост, а околу 2.600 луѓе работат на локализирање на пожарот.