За време на протестот на екстремната десница во Рим, против мерките воведени за спречување на ширењето на епидемијата од новиот вид коронавирус, дојде до судир меѓу демонстрантите и припадниците на безбедносните сили, пренесува РТ.

Десничарските екстремисти повторно се собраа во знак на протест против рестриктивните мерки за сузбивање на епидемијата на плоштадот „Попол“, негодувајќи поради полицискиот час што беше воведен од саботата кон неделата.

Преземајќи опсежни безбедносни мерки на и околу плоштадот, безбедносните сили ги контролираа патиштата што водат до Кабинетот на премиерот.

Безбедносните сили интервенираа со водени топови и солзавец врз групата која извикуваше „Слобода, слобода“ и ја скандираше италијанската химна палејќи факли.

#Police use water cannons and tear gas to disperse #Rome rally against #COVID19 restrictions pic.twitter.com/c85b1htfu1

— Ruptly (@Ruptly) October 28, 2020

Меѓу демонстрантите и безбедносните сили дојде до судири. Демонстрантите фрлаа со камења и шишиња кон безбедносните сили, а палеа и контејнери за отпадоци. Италијанските медиуми наведуваат дека се приведени 16 лица.

Во меѓувреме, за време на протестот на плоштадот „Пополо“, премиерот Џузепе Конте, кој најави нов пакет помош за сопствениците на ресторани кои ќе бидат погодени од најновите мерки, исто така, рече дека се свесни за болката, но дека не го одобрува насилството за време на демонстрациите.

In a 5th day of protests against Conte's socialist government forcing draconian Coronavirus lockdown rules which have devastated lives and businesses, Rome seen the most fierce clashes so far tonight 🇮🇹

Jack Dawkins pic.twitter.com/WEBhrI4wvv

— TommyGirl (@IAmTommy1990) October 28, 2020

Протестите што започнаа во Италија минатиот викенд како одговор на полицискиот час воведен најпрво во Неапол, а потоа и во Рим, се проширија низ целата земја поради најавата за нови рестриктивни мерки од страна на премиерот Конте во неделата. Насилни инциденти имаше и во Милано, Торино и Трст.

Lockdown Italia 🇮🇹. Violenti scontri a Roma anche nella serata di martedì. La Polizia disperde i manifestanti che si erano radunati in Piazza del Popolo. Guerriglia urbana a più riprese. (Video 2 di 3) #Lockdown #RadioSavana pic.twitter.com/nulSINBtJU

— RadioSavana (@RadioSavana) October 27, 2020

Според истражувањето на јавното мислење на компанијата за истражувања СВГ (SWG), 28 отсто од испитаниците сметаат дека преземените мерки се соодветни на сегашната состојба, 36 отсто ги сметаат за недоволни, додека 25 отсто за прекумерни.

Најмалку две лица загинаа, а два рибарски брода со 26-член екипаж се потопени во налет на тајфунот Молава во Виетнам, кој се смета за еден од најсилните во последните 20 години.

Ветрот со брзина до 150 километри на час усмрти еден човек, соборувајќи го од покривот додека се обидувал да го засили во провинцијата Куанг Нгаи во јужниот дел на земјата, објави АП.

Typhoon in Vietnam, heading towards Thailand just some hours back pic.twitter.com/wCSfT788RV

— Dr Sudhir Das (@DrSudhirkDas) October 27, 2020

Друг човек почина кога дрво падна врз него во крајбрежната провинција, објави официјалната виетнамска новинска агенција.

Oh no!!! A bridge in Kon Tum province got washed away in the flood! No one was on it thanks to people stopping villagers from crossing the bridge, but their shocked cries are heart breaking. 😰
It’s going to be okay just take cover smwhere safe!#Vietnam #Molave #VietnamFlood pic.twitter.com/lI6v5vnG4U

— Kururo Kuga (@Kuga_22) October 28, 2020

Морнарицата распореди два чамци за спасување во потрага по 26 рибари во близина на провинцијата Бин Дин, јави ВТВ.

Најмалку 40.000 луѓе од крајбрежните села се евакуирани во засолништа. Провинциските власти затворија канцеларии, фабрики и училишта и побараа од жителите да останат во затворени простори.

Најмалку пет аеродроми беа затворени кога тајфунот се приближуваше, а повеќе од 200 летови беа откажани.

Запрен е и железничкиот сообраќај, кој ќе биде обновен кога временските услови ќе го дозволат тоа, објави ВТВ.

Иран започна со изградба на својот нуклеарен објект Натанц, покажуваат сателитските снимки објавени во средата во момент кога нуклеарната агенција на ОН призна дека Техеран гради напредна подземна фабрика за склопување центрифуги откако последната експлодираше како резултат на саботажа минатото лето, пренесува „Њујок пост“.

Изградбата се случува во период кога САД се приближуваат до денот на изборите на која силите ќе си ги одмерат актуелниот претседател Доналд Трамп, чија максимална кампања на притисок против Иран го натера Техеран да ги напушти сите ограничувања на својата атомска програма, и Џо Бајден, кој изрази подготвеност да се врати на нуклеарниот договор. Исходот од гласањето најверојатно ќе одлучи кој пристап ќе го прифатат САД.

Зголемените тензии меѓу Иран и САД за малку ќе испровоцираа војна на почетокот на годината.

Од август, Иран гради нов или пренаменува постар пат јужно од Натанц кон, според аналитичарите, поранешен полигон на безбедносните сили во објектот за збогатување ураниум, покажуваат снимките од „Планет лабс“ со седиште во Сан Франциско. Сателитската снимка од понеделникот покажува дека локацијата е расчистена и таму има градежна опрема.

Аналитичарите од Центарот за проучување на нуклеарното оружје „ Џејмс Мартин“ при Институтот за меѓународни студии во Мидлбери веруваат дека на ова место се вршат ископувања.

„Тој пат оди и во планините, па може да значи дека тие копаат некаква конструкција што ќе биде во предниот дел и дека ќе има тунел на планините“, вели Џефри Луис, експерт во институтот што ја проучува иранската нуклеарна програма.

Мисијата на Иран во ОН не одговори на барањето за коментар. Али Акбар Салехи, шеф на Организацијата за атомска енергија на Иран, минатиот месец за државната телевизија изјави дека уништениот надземен објект се заменува со објект во срцето на планините околу Натанц.

Рафаел Гроси, генерален директор на Меѓународната агенција за атомска енергија, во вторникот изјави дека неговите инспектори се запознаени со градбата. Тој рече дека Иран претходно ги информирал инспекторите на МААЕ, кои продолжуваат да имаат пристап до локациите во Иран и покрај распадот на нуклеарниот договор.

„Тоа значи дека тие започнале, но не е завршено. Тоа е долг процес“, рече Гроси.