Свет
ЕУ даде зелено светло за третман на Ковид-19 со ремдесивир
Европската комисија денеска ја одобри употребата на ремдесивир за лекување на коронавирусот, пренесува „Спутник“.
„Денешното одобрување за прв лек за лекување на Ковид-19 е важен чекор напред во борбата со овој вирус“, се вели во изјавата за комесарот за здравство на ЕУ, Стела Киријакидес.
Ремдесивир, антивирусен лек произведен од биофармацевтската компанија „Гилеад сајансес“ со седиште во Калифорнија, стана првиот третман на Ковид-19 кој доби поддршка од Европската агенција за лекови и во исто време е причина за расправии меѓу ЕУ и САД откако Американците, наводно, ја откупиле глобалната залиха од лекот.
Европската агенција за лекови (ЕМА) претходно ја поддржа употребата на ремдесивир. Агенцијата ги наведе позитивните резултати на „ремдесивир“ во клиничките испитувања кои покажаа дека третманот е безбеден и ефикасен.
ЕМА наведе клиничко испитување на повеќе од 1.000 пациенти хоспитализирани со Ковид-19. Оние што го примиле третманот закрепнале, во просек, четири дена порано од оние кои примале плацебо. Според ЕМА, пациентите со Ковид-19 на кои им е потребен дополнителен кислород треба да примаат ремдесивир не повеќе од девет дена.
Стефан де Керсмекер, портпарол на Европската комисија, изјави во четвртокот дека ЕУ преговара со „Гилеад сајансес“ за можноста за обезбедување доволен број дози на лекот за ЕУ во време на извештаи дека САД имаат намера да прават залихи од него.
Изјавата следува неколку дена откако медиумите објавија дека САД ги купиле речиси сите резерви на ремдесивир во наредните три месеци од биофармацевтската фирма, со што значително го ограничуваат пристапот на европските земји до лекот.
Додека првите 140.000 дози од лекот беа продадени низ цел свет, Вашингтон кон крајот на јуни купи околу 500.000 дози, што е околу 90 отсто од тримесечната понуда на лекот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.