Контакт

Свет

Првпат во историјата ќе биде формирана израелска влада со поддршка од арапска партија

Објавено пред

На заедничката цел за отстранување на Бенјамин Нетанјаху од позицијата најдолговечен израелски премиер, во средата се приклучи и Мансур Абас. Неговата мала исламска партија им дозволи на еврејските партии минимално мнозинство во Кнесетот.

Така, Раам стана првата партија на арапското малцинство во Израел, кое сочинува 21 процент од населението, која ќе ја поддржува израелската влада. Владата допрва треба да биде потврдена во парламентот, пренесува „Ројтерс“.

Абас на тој начин ги остави настрана несогласувањата со потенцијалниот иден премиер Нафтали Бенет, поранешен шеф на Организацијата за еврејско населување и поддржувач на анексијата на поголем дел од окупираниот Западен Брег, територии што Палестинците ги сакаат за својата идна држава.

Стоматолог по професија, 47-годишниот Абас рече дека се надева оти ќе ги подобри условите за живеење на арапските жители на Израел, кои се жалат на дискриминација и занемарување од страна на властите.

„Одлучивме да ѝ се приклучиме на владата за да ја промениме рамнотежата на политичките сили во земјата“, им рече тој на своите приврзаници по потпишувањето на договорот за коалиција со Бенет и опозицискиот лидер Јаир Лапид.

Партијата на Абас соопшти дека договорот вклучува повеќе од 16 милијарди американски долари за подобрување на инфраструктурата и борбата против криминалот во градовите со мнозинско арапско население.

Договорот вклучува и запирање на уништувањето на домовите изградени без дозволи во арапските села и доделување официјален статус на бедуинските градови во пустината Негев, упориште на исламистите.

„Зборувам јасно и искрено: бидејќи формирањето на оваа влада се заснова на нашата поддршка, ќе можеме да влијаеме на неа и да постигнеме големи работи за нашето арапско општество“, рече Абас кого дел од арапското население го обвинува за предавство поради поддршката на антипалестински политичари.

Израелскиот премиер Бенјамин Нетанјаху, пак, ги повика сите членови на парламентот избрани со десничарски гласови да се спротивстават на новата коалиција, чие формирање беше објавено доцна синоќа од мандатарот Јаир Лапид, лидерот на партијата на центарот, Јеш атид (Има иднина). Тој ја нарече новата влада опасна и левичарска.

Европа

Ердоган и Мицотакис се согласија да продолжат со дијалогот

Објавено пред

Турскиот претседател Реџеп Таип Ердоган денеска изјави дека се согласил со грчкиот премиер за продолжување на дијалогот меѓу двете земји околу спорните прашања.

Ердоган, кој се состана со Киријакос Мицотакис на маргините на самитот на НАТО во Брисел, смета дека не се потребни никакви посредници за време на разговорите меѓу нив двајца, објави „Катимерини“.

Анкара и Атина долго време спореа околу некои прашања, почнувајќи од конфликтот околу територијата на Медитеранот, преку воздушниот простор, до миграцијата.

Сојузниците на НАТО беа блиску до конфронтација минатата година, нарушувајќи ги односите меѓу Европската Унија и Анкара, додава Ројтерс.

Прикажи повеќе...

Европа

Зеленски до Бајден: Кажете ни јасно дали одиме во НАТО или не?

Објавено пред

Претседателот на Украина Володимир Зеленски рече дека сака јасен одговор „да“ или „не“ од американскиот претседател Џо Бајден за планот на Украина за влез во НАТО.

„Ако зборуваме за НАТО и Акциониот план за членство, јас навистина би сакал да добијам од Бајден детали „ да “ или „ не “, рече Зеленски, осврнувајќи се на статусот што Украина долго го бараше.

„Треба да добиеме јасни датуми и веројатност за тоа“, рече Зеленски на денот на самитот на лидерите на НАТО во Брисел. Киев изрази незадоволство затоа што не беше поканет на тој состанок.

Во заедничкото интервју за повеќе познати агенции, Зеленски рече дека добил ветување дека Бајден нема да ја користи Украина како договор за средба со рускиот претседател Владимир Путин оваа недела. Тој ги повика Соединетите Американски Држави да и дадат економска поддршка на Украина и апелираше до Бајден и Меѓународниот монетарен фонд (ММФ) да ги разберат проблемите на Украина пред да постават „нефер барања за реформи“.

Зеленски побара од членките на НАТО да го забрзаат пристапувањето на Украина во НАТО, по дополнителните тензии со Москва оваа година околу акумулацијата на дополнителни руски трупи и воена опрема во близина на украинските граници. Според него, повеќето руски трупи допрва треба да се повлекуваат. Украинскиот претседател проценува дека околу 11.000 војници се повлечени а остануваат уште 95.000.

Бајден и Зеленски разговараа телефонски минатата недела, а Бајден го покани украинскиот колега на состанок во Белата куќа следниот месец. Зеленски рече дека жали што не се сретнал со Бајден во живо пред средбата меѓу американскиот и рускиот претседател.

„Тој (Бајден) рече:„ Никогаш нема да тргувам со украински интереси “, вели Зеленски, пренесуваат медиумите.

Прикажи повеќе...

Свет

Автомобил влета во демонстранти во Минеаполис, има загинати и повредени

Објавено пред

Една жена загина, а три лица беа полесно повредени во неделата вечерта во Минеаполис кога неименуван маж влета со својот автомобил во група антирасистички демонстранти, соопшти локалната полиција.

Демонстрантите протестираа против смртта на еден Афроамериканец, кој беше убиен на почетокот на јуни од полицијата во градот а неговата смрт предизвика масовни антирасистички протести во САД и ширум светот.

Демонстрантите го извлекле возачот, белец, од автомобилот и го задржле се додека не пристигне полицијата, се вели во полициското соопштение.

Една демонстрантка била пренесена во критична состојба во локалната болница каде починала. Уште три лица се здобиле со полесни повреди, пишуваат американските медиуми.

Возачот можеби бил под дејство на дрога или алкохол за време на злосторството, сметаат истражителите.

Прикажи повеќе...

Најново

Македонија5 часа

Заев од НАТО Самитот 2021: Трансатлантското семејство е силно како никогаш порано

Премиерот Зоран Заев, заедно со лидерите на земјите членки на НАТО, учествуваше во централниот работен дел на годинешниот Самит на...

Свет6 часа

Бајден: Напад врз една членка на НАТО е напад врз секого

Американскиот претседател Џо Бајден денеска во Брисел рече дека колективната одбрана на НАТО, принципот дека нападот врз една членка се...

Свет8 часа

Земјите од НАТО заеднички ќе се бранат и од напади во вселената

Проширувањето на членот 5 од договорот за основање на НАТО, кој денеска ќе биде продолжен, им овозможува на членките на...

Македонија8 часа

Четири нови случаи на Ковид-19, починал 66-годишен скопјанец

Министерството за здравство информира дека во последните 24 часа направени се 1.337 тестирања, а регистрирани се четири нови случаи на...

Европа9 часа

Во Германија најнизок број на новозаразени во последните 9 месеци

Во Германија е регистриран најмал број на новозаразени од коронавирус на дневно ниво во последните девет месеци, па официјалните лица...

Економија10 часа

Од полноќ се зголемуваат цените на горивата

Регулаторната комисија за енергетика донесе одлука од полноќ да се зголемат малопродажните цени на нафтените деривати во просек за 1,15%...

Македонија11 час

Груби и Мерко за рушењето на платформите во Струга: Зелената агенда е веќе во акција

Првиот вицепремиер и министер за политички систем, Артан Груби, заедно со министерот за информатичко општество и администрација, Јетон Шаќири, и...

Регион11 час

Хрватска ги промовира ковид-автобусите

Министерот за здравство на Хрватска, Вили Берош, и директорот на Хрватскиот институт за јавно здравје, Крунослав Цапак, промовираа вакцинација со...

Македонија12 часа

Бројот на ковид-пациенти во македонските болници падна под 100

Вкупната бројка на пациенти позитивни и суспектни на коронавирусот што се лекуваат на инфективните оддели во главниот град и во...

Македонија13 часа

Кризниот штаб предлага да се укине полицискиот час, на свадба да може да има повеќе од 100 гости

Кризниот штаб ги прифати препораките на Комисијата за заразни болести, меѓу кои е и укинување на полицискиот час од среда,...

Свет14 часа

Кавалери од ЕМА реагира дека погрешно е цитиран: „Вакцината на ‘Астра зенека’ е добра за сите возрасти“

Марко Кавалери, шеф на работната група за коронавирус во Европската агенција за лекови, рече дека вакцината на „Астра зенека“ има...

Македонија14 часа

Македонија првпат на самит на НАТО како полноправна членка

Во Брисел денеска се одржува самит на НАТО на кој Македонија ќе го има своето прво учество како полноправна членка...

Спорт1 ден

Ангеловски: Нема разочарување, имаме уште два натпревари!

Селекторот на фудбалската репрезентација на Македонија, Игор Ангеловски по натпреварот со Австрија изјави дека репрезентацијата не успеала да се соземе...

Спорт1 ден

Пандев: За нас ова е големо искуство, жал ми е за навивачите

Фудбалската репрезентација на Македонија безмалку 80 минути имаше нерешен резултат во дуелот со Австрија, но во последните минути Австријците со...

Спорт1 ден

Македонија со пораз од Австрија на стартот на ЕП

Замените на австрискиот селектор Фода – Грегорич и Арнаутовиќ беа кобни за македонскиот национален тим во првиот меч на едно...

Македонија1 ден

За првпат по 9 месеци, во Македонија нема починат од коронавирус

За прв пат по 2 септември 2020, во Македонија не е забележан ниту еден смртен случај од Ковид-19, во изминатото...

Европа1 ден

ЕМА: „Астразенека“ да не се дава на постари од 60 години

Европската агенција за лекови (ЕМА) објави дека треба да се избегнува вакцината „Астразенека“  за лица над 60 години, поради стравувања...

Топ1 ден

Полицаецот по кој се трагаше е пронајден починат во водите на Брегалница

Во возило во водите на Брегалница е пронајдено е телото на 51 годишниот полицаец Т.С. од Делчево, кој беше пријавен за...

Македонија1 ден

Османи: Ќе вложам напори во среда да бидам во Скопје за да се обратам пред Комисијата

Ќе ги вложам сите напори да ја прекинам тековната дипломатска офанзива за во среда на неколку часа да бидам во...

Спорт1 ден

Селекторот Ангеловски емотивен: Вие сте моите херои!

Пред денешното деби на Македонија на Европското првенство, на натпреварот во Букурешт против Австрија, селекторот Игор Ангеловски на Инстаграм сподели...

Досие