Европа
Зеленски: Руската агресија е насочена кон цела Европа

Украинскиот претседател Володимир Зеленски изјави дека руската агресија никогаш не била ограничена само на Украина и дека таа е насочена кон цела Европа и уште еднаш го повика Западот да воведе целосно ембарго на руските енергетски извори и да и достави на Украина повеќе оружје.
Во говорот доцна навечер во саботата, Зеленски рече дека употребата на сила од Русија е катастрофа што неизбежно ќе ги погоди сите.
„Руските намери за агресија не се ограничени само на Украина. Целиот европски проект е цел на Русија“, рече украинскиот претседател, кого во саботата во Киев го посети британскиот премиер Борис Џонсон.
Зеленски рече дека Русија сè уште може да си дозволи да живее во илузии и да донесе нови воени сили и нова опрема во Украина. „Тоа значи дека ни требаат уште повеќе санкции и уште повеќе оружје за нашата земја“, апелираше тој.
По повлекувањето од Киев, руските сили се акумулираат на истокот од земјата, а Зеленски изјави дека Украина е подготвена за тешка битка со агресорот.
„Ова ќе биде тешка битка, но ние веруваме во оваа борба и во нашата победа. Подготвени сме да се бориме во исто време и да бараме дипломатски начини кои ќе овозможат крај на оваа војна“, рече Зеленски.
Во саботата, британскиот премиер Џонсон вети дека ќе испрати дополнителна воена опрема и финансиска поддршка за Украина.
Џонсон рече дека целта на поддршката на Украина е да се осигура дека земјата никогаш повеќе нема да може да биде вознемирувана, уценувана и загрозена на овој начин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Гуруљов: Веднаш да ја уништиме Британија, па потоа ќе разговараат со нас

Рускиот парламентарен претставник Андреј Гуруљов во програма на државната телевизија изјави дека би било добро „веднаш да се уништи Британија“.
„Нема режим во Киев, режимот е во Вашингтон. Во Киев има лакеи што го прават токму она што им е кажано“, рече Гуруљов.
This is vintage Andrei Gurulyov
Sounding genuinely drunk, the Russian MP screams that Russia is the “only country in the world” able to threaten the entirety of the US, and then proceeds to call for the “demolition” of Britain pic.twitter.com/6tY791ZKkB
— Francis Scarr (@francis_scarr) June 1, 2023
„Русија е единствената земја што може да претставува закана за целата територија на САД. Таа закана ќе ѝ го дотера паметот на целата нечистотија во Вашингтон“, рече тој.
„Сега е крајно јасно дека кога ќе кажеме – ајде да кренеме нешто во воздух, ќе го направиме тоа. Да ја уништиме Британија веднаш, без да го искористиме нашиот стратешки нуклеарен потенцијал. И веднаш потоа сите ќе седнат и ќе почнат да разговараат со нас како што треба“, додава тој, пренесуваат медиумите во светот.
Гуруљов, пишува „скај њуз“, често имал вакви испади во јавноста. Тој претходно се закани дека ќе ја нападне Алјаска со проектили и рече дека Советскиот Сојуз не отишол доволно далеку за време на Втората светска војна.
Европа
Напад со нож во близина на училиште во Шведска, повредени неколку ученици

Во близина на училиште во шведскиот град Ескилстуна денеска се случил напад со нож, при што се повредени неколку ученици, јавуваат шведските медиуми.
На терен има голем број полициски и возила на брзата помош, јавува „ТВ4“.
Локалната полиција соопшти дека се работи за тешко кривично дело, но не соопштија никакви детали.
„Во секој случај, не се работи за пукање“, изјави портпаролот на полицијата, Денис Струмберг.
Директорот на училиштето потврди дека имало инцидент, но рече дека има малку информации за тоа што се случило. Тој смета дека нападот не се случил во училиштето, туку дека се работи за ученици од тоа училиште, кои биле на друго место.
Според првичните информации, најмалку три лица се хоспитализирани по нападот со нож во училиште во шведскиот град Ескилстуна, соопшти полицијата.
Портпаролот на полицијата за истата телевизија потврдил дека во градот се случило тешко злосторство.
Европа
Месото, кафето и сирењето под клуч во супермаркетите: Велика Британија воведе итни мерки поради големи кражби

Супермаркетите во Велика Британија ставаат безбедносни ознаки на стекови и сирења и чуваат лажни тегли наместо кафе поради огромниот пораст на кражби во продавниците.
Некои маркети го ограничуваат бројот на предмети што може да се стават на полиците, пишува Би-би-си.
Според истражувањето на британскиот јавен сервис, кражбите се вратија на нивото пред пандемијата.
Во март полициските сили во Англија, Велс и во Северна Ирска забележаа речиси 33.000 случаи на кражби во продавници, што претставува зголемување од речиси 31 отсто во март минатата година.
Корисник на „Твитер“ објави фотографии од лажни тегли за кафе во маркет, а на клиентите им беше кажано дека може да побараат да купат вистинско кафе на каса, рече тој.
Компанијата изјави за Би-би-си дека не се работи за национална политика.
„Заштитата на безбедноста на нашите колеги е приоритет и знаеме дека кражбата може да доведе до насилство врз работниците во продавниците, па иако ова не е политика на национално ниво, може да се донесе одлука за спроведување безбедносни мерки на локално ниво доколку продавницата има одредени проблем“, велат од „Co-op“.
Жена реагирала дека била шокирана кога видела речиси празни полици во продавница, но дека работникот ѝ рекол дека тоа е направено намерно поради зголемениот број на кражби.