Европа
Истраги во Франција: Коњи пронајдени со ископани очи и исечени уши
Истражителите отворија повеќе од 150 истраги за серија убиства и осакатувања на коњи низ Франција, изјави францускиот министер за земјоделство.
„Имаме неприфатлива ситуација на апсолутно суров чин“, рече министерот Жулијан Денорманди за радиото „Франс Инфо“, објави „Ројтерс“.
„Слушам страв, загриженост, немир кај сопствениците на коњи“, рече тој и додаде дека сопствениците на коњи имаат на располагање бесплатен број.
Полицијата соопшти дека немаат поим зошто се случуваат нападите врз коњите, кои се пронајдени со отсечени уши, ископани очи и осакатени гениталии.
This is awful … just … why?..
Grisly series of horse mutilations mystifies France https://t.co/hLhq9lCBmu via @YahooNews
— Mathieu (@MathieuKmusic) September 9, 2020
Се разгледува опцијата дека тоа може да бидат сатански ритуали, лов на трофеи или интернет-предизвик.
Педесетгодишен невработен човек беше уапсен на истокот на Франција во понеделникот во рамките на истрагата и беше ослободен без обвинение, изјави вчера неименуван полициски извор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.