Шефицата на Агенцијата за лекови на Данска, Тања Ерихсен, се онесвести на прес-конференција на која ја соопшти одлуката дека нејзината земја веќе нема да ја користи вакцината на „Астразенека“.

Ерихсен се струполи на земја одеднаш. Таа била пренесена во болница, а данските медиуми информираа дека сега се чувствува добро.

Данска вчера стана првата европска земја која објави дека веќе нема да ја дава вакцината на „Астразенека“.

Четири лица во Италија починаа од ретки тромби, откако беа вакцинирани со вакцината на „Астразенека“, се вели во извештајот на националната фармацевтска агенција АИФА објавен денес.

Според извештајот на АИФА, различни несакани ефекти биле потврдени кај 0,5 проценти од 9 милиони дози инјектирани помеѓу 24 декември и 26 март со употреба на вакцини од три производители – „Фајзер“, „Астразенека“ и „Модерна“.

Тешки несакани ефекти биле потврдени во 0,04 проценти од случаите. Лесните несакани ефекти најчесто биле симптоми на грип, болка на местото на убодот и замор.

Како и многу европски земји и Италија накратко ја прекина вакцинацијата со вакцината на „Астразенека“ во март кога се појави загриженост за појава на тромби. Оттогаш, со оваа вакцина во Италија се вакцинираат само луѓето постари од 60 години, бидејќи европските регулатори заклучија дека придобивките од вакцинацијата се многу поголеми од ризиците.

Во Италија 11 лица развија тромби, откако примија вакцина на „Асразенека“, а четири починаа.

Русија ги осудува плановите за санкции на Вашингтон и ќе одговори на нив по принципот на реципроцитет со цел најдобро да ги осигура своите интереси, објави портпаролот на Кремљ, Дмитриј Песков, пренесува ТАСС.

„Ние осудуваме какво било наметнување санкции, ги сметаме за незаконски. Во секој случај, принципот на реципроцитет во ова прашање е валиден; реципроцитет на начин што најдобро им служи на нашите интереси“, прецизира тој.

„Засега нема да ги коментираме извештаите во медиумите. Ќе почекаме официјално да бидат објавени какви било специфични одлуки од Вашингтон. Сигурно не би сакале да дејствуваме врз основа на формулата на Ленин ‘Еден чекор напред, два чекора назад’ во нашите билатерални односи“, објасни Песков.

САД во меѓувреме воведоа нови санкции кон Русија, кои опфатија повеќе од 30 лица и компании и одлучија да протераат 10 руски дипломати. Причината за воведување нови санкции, како што тврди Вашингтон, е мешањето на Москва во американските избори во 2020 година и кибернападот за кој американската влада ја обвинува Русија, пренесуваат агенциите.

Нападот врз софтверот на компанијата „Солар Виндоус“ им овозможи на хакерите пристап до илјадници компании и владини агенции кои го користат тој софтвер.

Претходно,„ Блумберг“ објави дека новите американски антируски санкции можат да влијаат на неколку десетици физички и правни лица, а исто така ќе вклучат и ограничувања поврзани со државниот долг на Русија.

Особено, може да се воведе забрана за забрана за набавки на должнички хартии од вредност од американски финансиски институции директно од Банката на Русија, Министерството за финансии и нејзиниот суверен фонд.