Свет
Лара Трамп: Претседателот сака да се сретне со семејството на Џејкоб Блејк во Кеноша
![](https://makfax.com.mk/wp-content/uploads/2020/08/31-lara.jpg)
Американскиот претседател Доналд Трамп му се обратил на семејството на Џејкоб Блејк и сака да разговара со нив кога ќе отпатува за Кеноша, Вискосин, во вторник изјави во недела неговата снаа, пренесува „Њујорк пост“.
„Тој се обиде да стапи во контакт семејството Блејк. Не знам дали успеа во тоа. И не знам со сигурност дали е тоа на агендата, но сигурна сум, со оглед на дадената можност, дека тој ќе биде повеќе од среќен да го стори тоа. Но, сè уште немам информации за тоа“, рече Лара Трамп во интервју за „Фокс њуз сандеј“.
Лара Трамп, која е во брак со синот на Трамп, Ерик, рече дека намерата на нејзиниот свекор е да покаже дека се грижи за секој Американец.
Но, адвокатот на семејството, Бенјамин Крамп, рече дека семејството Блејк не било контактирано од тимот на Трамп. Сепак, тој посочи дека тие би биле подготвени да се сретнат со претседателот.
„Семејството Блејк во овој момент не е контактирано. Тие имаат почит кон сите наши избрани службеници и, како што рече неговата мајка, таа се моли за сите наши избрани службеници. Па ќе видиме “, рече Крамп за „Си-би-ес њуз“, истакнувајќи дека кандидатот за претседател на Демократската партија, Џо Бајден, и сенаторката Камала Харис, неговиот кандидат за потпретседател, веќе разговарале со семејството минатата недела.
Блејк (29) беше застрелан седум пати во грбот од полицијата во Кеноша на 23 август и останува парализиран од половината надолу и покрај повеќе операции.
Во меѓувреме, заменик-директорот на кампањата на Бајден го обвини Трамп дека цело лето се обидува да поттикне насилство .
„Тој во секоја можност се обидуваше да го разгори огнот тука и тоа е причината зошто живееме во Америка на Доналд Трамп. Тој се обидува да поттикне расправија за Америка на Џо Бајден, укажувајќи на работите што се случуваат во Америка на Доналд Трамп “, рече Кејт Бедингфилд кусо време по Лара Трамп на „Фокс њуз сандеј“.
Таа ја нападна и Лара Трамп затоа што изјавила дека Бајден предоцна го критикувал насилството што се случува во некои американски градови за време на протестите по смртта на Џорџ Флојд во полициски притвор.
„Тоа апсолутно не е точно“, рече Бедингфилд, додавајќи дека поранешниот потпретседател го осуди насилството непосредно по смртта на Флојд во мај.
„Дел од причината зошто сме во состојба на хаос во оваа земја е што Доналд Трамп не успеа да води во ситуација на коронавирус, тој не го сфати сериозно проблемот од самиот почеток и не беше обединувач, не успеа да води. Трамп цело ова лето се обидуваше да поттикне насилство “, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Израелски пратеник: Почетокот на војната со Либан е прашање на денови, предградијата на Бејрут ќе бидат како Газа
![](https://makfax.com.mk/wp-content/uploads/2024/09/Screenshot-2024-09-09-083056.jpg)
Нисим Ватури, член на израелскиот Кнесет, тврди дека е „прашање на денови“ кога ќе избие вистинска војна меѓу Израел и Либан.
Член на Ликуд, владејачката партија на премиерот Бенјамин Нетанјаху, изјави за јавната телевизија „Кан“ дека по избувнувањето на војната, предградието на Бејрут Дахије – главното упориште на Хезболах – „ќе личи на Газа“.
„Нема друг начин. Ова е нешто што ќе се развива во наредните денови“, додаде Ватури, кој е и дел од парламентарната комисија за надворешни работи и одбрана. Тој тврди дека Нетанјаху вчера ги информирал воените претставници дека „мора да стават крај на оваа сага“, пишува „Тајмс оф Израел“.
Според него, војната треба да започне со превентивен напад како неодамнешниот за кој Израелците тврдат дека спречил планиран голем напад на Хезболах врз централен Израел. Сепак, Ватури нагласува дека овој пат превентивниот напад треба да трае најмалку 4-5 дена, по што би следела копнена инвазија.
Израел и Хезболах разменуваат оган речиси секојдневно откако Хамас го нападна Израел на 7 октомври. Тензиите дополнително се зголемија откако Фуад Шукр, врховен командант на исламистичката група, беше убиен во израелски воздушен напад врз упориште на Хезболах во јужните предградија на Бејрут на крајот на јули.
Свет
Повеќе од 20 приведени во истрагата за убиството на осумгодишно девојче во Турција: меѓу нив членови на потесното семејство
![](https://makfax.com.mk/wp-content/uploads/2024/09/677z381_123456.jpg)
Турските власти досега приведоа 23 лица во рамки на истрагата за смртта на осумгодишното девојче Нарин Гуран во Дијарбекир, чие безживотно тело беше пронајдено.
Меѓу приведените се мајката, таткото, двајцата постари браќа, тројца чичковци и уште еден роднина на жртвата, пренесува „Хабертурк“.
Телото на девојчето Нарин Гуран, кое исчезна во провинцијата Дијарбакир на 21 август, беше пронајдено недалеку од селото во кое живееше, по 19 дена опсежна потрага.
Телото на девојчето е однесено на обдукција во Институтот за судска медицина, јавува „Anadoli Agency“.
Според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот. Во рамките на истрагата, површина од 11.000 квадратни метри беше претресена од 2.000 луѓе, како и два хеликоптери и 48 дронови од воздух.
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
![](https://makfax.com.mk/wp-content/uploads/2024/09/devojce.jpg)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024