Свет
Данецот што запали Куран најави нови протести во Шведска
Лидерот на данската партија „Тврда линија“, Расмус Палудан, ги критикуваше напорите на шведските власти за забрана на горење на Куранот како напади врз слободата на изразување, како и пасивноста на шведската полиција што дозволува насилството да ескалира и вети дополнителни демонстрации, пренесува „Спутник“.
По немирите што го зафатија шведскиот град Малме откако група Данци поврзани со антиисламската партија „Тврда линија“ запалија копија од Куранот, нејзиниот лидер Расмус Палудан вети дека палењето на Куранот ќе продолжи сè додека бунтовниците не научат како да се однесуваат во цивилизирано општество.
Незасегнат од нападите и пожарите во кои беа вклучени стотици муслимани во Малме, навредени од провокативниот потег на „Тврда линија“, партијата вети дека ќе запали друг Куран во истата област во Шведска, Розенгард, етничка енклава каде што мнозинството од населението има мигрантско потекло.
„До сите демонстранти и силувачи во Розенгард: наскоро ќе запалиме уште еден Куран“, напиша партијата на својата фејсбук-страница.
Палудан, кој првично имал намера самиот да го запали примерокот од Куранот, но влезот му е забранет во Шведска две години како сериозен ризик за националната безбедност, ја прекори шведската полиција за необјективност, дека е премногу мека и дека дозволува насилство.
„Данската полиција никогаш не би го прифатила тоа. Шведската полиција е кукавичка. Тоа е причината зошто тие во Розенгард прават работи што никогаш не би се осмелиле во Мароко, Сирија, Ирак итн. затоа што или би биле застрелани или тепани толку многу што ќе мора да лежат во кревет неколку недели. Тие никогаш не би се осмелиле да го сторат тоа во своите матични земји “, изјави Палудан за шведски „Самналаснит“.
Палудан отиде дотаму што ги обвини шведските полицајци дека им се потрчковци на исламистите и дека функционираат како шеријатска полиција. Понатаму, тој ги критикуваше обидите на шведските власти да го запрат палењето на Куранот, нарекувајќи ги попречување на слободата на изразување и собирање.
„Тие го прават тоа затоа што немаат воопшто никаква контрола. Физичката моќ во Шведска веќе му е предадена на исламот. Тие 20.000 слаби, феминизирани и кукавици од шведски полицајци навистина не можат да сторат ништо. Моќта во Шведска, физичката моќ, лежи во исламот “, рече Палудан, наведувајќи го конформизмот на шведскиот народ како една од причините.
Палудан ѝ предвиде мрачна иднина на Скандинавија со оглед на постојаниот судир меѓу, како што смета, слободата на изразување и исламизмот.
„Ќе оди по ѓаволите и јасно е дека прво ќе оди по ѓаволите во Шведска. Веќе се случува тоа“, рече тој.
Палудан вети дека ќе продолжи со палење на Куранот во Шведска.
„Бидејќи многу жители на Розенгард не научија како да се однесуваат во цивилизирано западно општество, ние мора да ги палиме Кураните во Розенгард сè додека тие не го разберат тоа“, заклучи тој.
Во петокот Малме пламна поради насилствата, при што неколку стотици луѓе се собраа во знак на протест против антиисламските активности на „Тврда линија“, фрлајќи предмети кон полицијата и палејќи гуми од автомобили. За време на викендот, немирите продолжија во градот Ронаби во округот Блекинге.
Палудан е дански адвокат и политичар кој ја основаше етно-националистичката партија „Тврда линија“ во 2017 година и е познат по снимањето антимуслимански видеа на „Јутјуб“ на кои тој го пали Куранот, понекогаш завиткан во сланина, што тој ја слави како изразување почит на слободата на говорот.
Пропагираната политика на Палудан за забрана на незападната миграција и депортирање на муслиманите од Данска за малку ќе ѝ донесеше пратенички места на неговата партија на изборите во 2019 година; тој се најде во смртна опасност поради напади и обиди за атентат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.