Свет
Лекарите до Трамп: Дајте ги клучните информации за Ковид-19
Членови на лекарски здруженија апелираат до администрацијата на Трамп да ги сподели клучните податоци за Ковид-19 со преодниот тим на новоизбраниот претседател.
Со ова, како што велат, би се избегнале непотребните одложувања во решавањето на проблемот со пандемијата, додека во меѓувреме расте бројот на заразени и хоспитализирани пациенти.
Членови на неколку медицински здруженија испратија писмо со предупредување дека за време на зимата може да се случи нов бран на смртни случаи од Ковид-19 и дека ширењето на инфекцијата и бројот на хоспитализирани пациенти може да достигнат на највисоко ниво досега.
Во писмото се наведува дека споделувањето информации поврзани со пандемијата е од клучно значење за спасување огромен број животи, пренесе Ројтерс.
Писмото е испратено еден ден откако Бајден предупреди дека повеќе луѓе можат да умрат доколку претседателот во заминување Доналд Трамп продолжи да ја блокира промената на владата.
Во Соединетите држави, бројот на заразени надмина 11 милиони во неделата. Локалните власти во неколку држави и градови воведоа нови ограничувања на затворени собири во обид да го спречат ширењето на болеста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.