Свет
Лидерите на Г7 објавија глобален план против ширењето на кинескта моќ

Најбогатите светски демократии објавија глобална инфраструктурна иницијатива од 600 милијарди долари за да се спротивстават на напорите на Кина да изврши политичко и комерцијално влијание преку масивни инвестиции низ економиите во развој.
Американскиот претседател Џо Бајден и другите лидери на групата 7 открија на самитот во германските Алпи дека имаат намера да се спротивстават на Кина.
„ Нашата нација и светот се во вистинска пресвртница во нашата историја. Изборите што ги носат денес земјите во развој ќе ги заштитат од идните шокови од климатските промени и пандемии и ќе ги подготват за дигиталната ера“ изјави Бајден.
Според Политико, САД ќе имаат за цел да искористат вкупно 200 милијарди долари за програмата во следните пет години, преку комбинација на федерално финансирање и инвестиции од приватниот сектор. Ова се надоврзува на 300-те милијарди евра што веќе ги објави Европската унија. Заедно со придонесите од другите членови, општата цел е да се изгради шема од 600 милијарди долари.
„Политико“ истакнува дека Бајден никогаш не ја спомнал Кина, но јасно е кој е ривал на трката за глобално влијание, а претседателот на САД рече дека демократиите „кога ќе направат се што можат да понудат“ ќе триумфираат над автократијата.
„Ние нудиме подобри опции за луѓето ширум светот“, рече Бајден.
Претседателката на Европската комисија Урсула фон дер Лајен рече дека целта е да му се претстави на светот „позитивен моќен инвестициски импулс и да им се покаже на партнерите во земјите во развој дека имаат избор“.
Многу земји ги менуваат плановите да престанат да согоруваат јаглен додека бараат нафта и на задоволство на компаниите за фосилни горива сакаат да потрошат милијарди за изградба на терминали за течен гас. Пред самитот и Италија и Германија се залагаа за поддршка на краткорочни инвестиции во гасот, посочува „Политико“.
„ На нашата работа за унапредување на инфраструктурата на глобално ниво влијае и актуелната геополитичка ситуација. Затоа, разговаравме за тоа како нашата глобална инвестиција во климатски неутрална и енергија со ниска содржина на јаглерод, вклучително и гас, може да помогне како привремен одговор на руската употреба на енергијата како оружје“, рече Шолц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Бајден потпиша документи за поддршка на приемот на Шведска и Финска во НАТО

Американскиот претседател Џо Бајден потпиша документи кои го поддржуваат пристапувањето на Финска и Шведска во НАТО.
Бајден ги потпиша Инструментите за ратификација на Протоколот за пристапување кон Северноатлантскиот договор за Република Финска и Кралството Шведска.
Апликациите на Шведска и Финска за влез во НАТО беа претходно ратификувани од американскиот Сенат.
Претходно американскиот Сенат со гласање 95-1-1 ја одобри резолуцијата со која се ратификуваа барањата на Финска и Шведска за влез во НАТО, дозволувајќи ѝ на администрацијата на Бајден да достави документи за ратификација на алијансата.
На 5 јули 30-те членки на НАТО потпишаа протоколи за пристап за Финска и Шведска, кои ги поднесоа своите апликации за членство во мај, напуштајќи ја децениската неутралност и наведувајќи ја промената на безбедносната ситуација во Европа. Сите членки на блокот допрва треба да ги ратификуваат протоколите во согласност со националното законодавство.
Регион
Затворени три популарни плажи на грчкиот остров Тасос

Поради високите температури во Грција и ризикот од пожари, затворени се трите најпопуларни плажи на Тасос. Грчките власти воведоа посебни мерки за заштита на локалното население и туристите.
Пристапот е забранет на најпопуларните плажи – Порто Вати, Мермерна и Парадајс, а ограничен е и сообраќајот на одредени патишта. На туристите им се советува и да не одат во селата во внатрешноста на островот, како што се Теологос, Касавити, Кастро, Мариес. Исто така, се советува во наредните денови населението и туристите да изберат некои полесно достапни плажи.
„Поради сушата и силните ветрови, ризикот од пожар е многу висок, особено во јужна Грција. Оваа состојба ќе трае неколку дена“, предупреди грчкото биро за метеорологија.
Српски туристи кои моментално се на Тасос на социјалните мрежи велат дека на плажите има пожарникари и дека никој не може да помине.
„Денеска отидовме на Мермер Бич и нè вратија назад, пожарникарите го затворија патот и нема излез“, напишаа Србите на социјалните мрежи.
Свет
Лидерот на Крим: Едно лице загина во експлозиите во близина на руската воена база

Прорускиот лидер на анектираниот украински полуостров Крим Сергеј Аксјонов изјави дека едно лице загинало како последица на експлозиите во близина на руската воена воздухопловна база.
Локалните власти соопштија и дека во експлозиите се повредени пет лица.
Очевидци изјавија за „Ројтерс“ дека околу 15:20 часот по локално време одекнале најмалку 12 експлозии од правец на воздушната база Саки на руската армија во близина на Новофјодорвка, на западниот брег на Крим. Последната експлозија била најгласна.
Руското Министерство за одбрана тврди дека биле активирани неколку магацини со воздухопловна муниција, но не кажа што ги предизвикало експлозиите. Москва, за разлика од проруските власти на Крим, тврди дека во експлозиите нема повредени.