Свет
Локалните власти во Британија добија овластување да ги урнат „контаминираните“ згради
![](https://makfax.com.mk/wp-content/uploads/2020/08/06-brits.jpg)
Во стаписувачко преземање на власта од страна на британската влада локалните совети се подготвени да добијат овластување за уривање згради за кои се смета дека се епицентри на коронавирусот во целата земја, пренесува „Телеграф“.
Објавена минатиот месец – без многу врева – рамката за контролирање на Ковид-19 на Министерството за здравство и социјална заштита утврди серија закони вклучувајќи го и Coronavirus Act 2020, што локалните власти ќе може да ги користат за да спречат разгорување на пандемијата на Ковид-19.
Документот ги информира советите дека според Законот за јавното здравје (контрола на болести) од 1984 година, тие може да побараат од судот да наметне ограничувања или барања за затворање контаминирани простории; затворање јавни места во областа на локалната власт; заплена на средство за транспорт или подвижна структура; дезинфицирање или деконтаминирање на простории; или да нареди да се уништи зграда, транспортер или градба.
Советодавниот документ беше откриен од „Телеграф“, во кој се посочува дека овластувањата може да резултираат со уништување домови за нега, канцеларии, фабрики, па дури и приватни домови, ако сметаат дека е потребно. Возилата за јавен превоз, како што се автобуси и возови, приватни автомобили, па дури и авиони може да бидат предмет на уништување од страна на владата.
Документот исто така им дава овластување на советите да затворат одредени бизниси и места (продавници, кафулиња, спортски сали, центри за рекреација, канцеларии, лаборатории, магацини); да затвора јавни места на отворено (паркови, игралишта, плажи, шеталишта, базени на отворено) и да наложи длабинско чистење на згради или возила поврзани со појавата на коронавирусот.
Локалните овластувања за ограничено движење ќе вклучуваат можност за затворање или ограничување на активностите на училиштата и определување на возраста за учениците кои ќе добијат дозвола да одат на часови. Советите исто така ќе може да ги затворат или ограничуваат јавните настани и собири, како и да затворат бизниси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
![](https://makfax.com.mk/wp-content/uploads/2024/09/devojce.jpg)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024
Свет
Од строго чуван затвор во Португалија побегнаа петмина затвореници
![](https://makfax.com.mk/wp-content/uploads/2023/07/R.jpg)
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.