Европа
Мајка во Италија напуштила бебе кое имало коронавирус
Мајка која ја однела својата ќерка во болница откако бебето се заразило со Ковид-19 го напуштила детето, соопштија италијанските лекари.
Кога минатата недела жената и бебето пристигнале во болница во Палермо биле тестирани за коронавирус и биле позитивни. Но, додека бебето се лекувало во градската болница „Ди Кристина“, мајката побегнала и го напуштила детето.
Полицијата почнала потрага по неа, бидејќи таа не реагирала на повиците од медицинскиот персонал.
„Медицинскиот персонал се обидуваше да ја контактира мајката со денови, но не можевме да ја добиеме. Потоа повикавме полиција и рековме дека можеби имаме случај на напуштено дете”, изјави докторката Марилу Фурнари, а пренесува „Сан”.
Според весникот „Ла Република“, жената прво се преправала дека е тетка на четиримесечното бебе, пред да исчезне на 12 октомври. Весникот пишува дека два дена подоцна во болницата се појавило уште едно женско лице, со истото тврдење дека е тетка на детето. Сепак, вработените започнале да се сомневаат и контактирале со полицијата, по што другата жена побегнала.
За среќа, детето оттогаш закрепнало од Ковид-19, болест од која досега починаа 36.000 луѓе во Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.