Свет
Мистериозно почина уште еден близок соработник на Путин: Уредникот се задушил во автомобил за време на службено патување
![](https://makfax.com.mk/wp-content/uploads/2022/09/putinov-saveznik-mrtav-830x0.jpg)
Уште еден близок соработник на рускиот претседател Владимир Путин почина оваа недела, овој пат од наводен мозочен удар, додека беше на службено патување во селото Рошчино на далечниот исток на Русија.
Владимир Николаевич Сунгоркин (68) беше главен уредник на рускиот државен весник „Комсомолскаја правда“.
Според весникот, Сунгоркин починал „ненадејно“ откако покажал знаци на „асфиксија“ за време на вчерашното патување.
„Тоа се случи ненадејно, немаше индикации дека ќе доведе до фатален исход. Бевме во селото Рочино. Возевме, веќе бевме на пат за Хабаровск, планиравме да пристигнеме вечерва, а оттаму да се вратиме во Москва. Сè беше добро“ изјавил неговиот колега кој бил со него на службен пат.
Според зборовите на колегата, Владимир паднал во несвест неколку минути откако ѝ предложил на нивната група да најдат убаво место каде што ќе можат да се одморат и да ручаат, пишува МСН.
„Три минути подоцна Владимир почна да се гуши. Го изнесовме на чист воздух, веќе беше без свест. Ништо не помогна. Лекарот кој го направил првиот преглед рекол дека очигледно се работи за мозочен удар“, напишал неговиот колега.
Смртта на Владимир е последната во низата мистериозни смртни случаи на луѓе блиски до Путин кои загинаа од почетокот на конфликтот во Украина.
Иван Пекорин, директор на корпорацијата за развој на Далечниот Исток и Арктикот, неодамна беше објавено дека починал откако наводно „паднал од брод“ во Владивосток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Украински дронови запалија складиште за нафта во Русија, а нападнаа град 1.500 километри оддалечен од украинската граница
![](https://makfax.com.mk/wp-content/uploads/2024/08/6-12.jpg)
Украински беспилотни летала напаѓаат подлабоко во Русија. Тие го нападнаа градот Котелнич во руската Кировска област, а погодено е и складиште за нафта во Ростов.
Според гувернерот Киров, руската противвоздушна одбрана соборила два беспилотни летала додека три „паднале“ и предизвикале пожар во близина на нафтениот погон Зенит.
Беспилотните летала биле цели на резервоар со нафтени деривати, тврди гувернерот.
Ukrainian drones attacked #Kirov oblast, more than 1400 km from the border with Ukraine, for the first time. The drone attack set on fire at least two oil reservoirs at Zenit plant located in #Kotelnich that belongs to Rosrezerv (russian strategic reserves).
Local residents… pic.twitter.com/DF1n3HTJBq— Olga Klymenko (@OlgaK2013) August 28, 2024
Нема информации за жртви или материјална штета. Соколов рече дека ситуацијата е „под контрола“.
Котелнич се наоѓа на околу 1.500 километри од украинската граница. Ова е прв извештај за напад со беспилотно летало врз руската област Киров од почетокот на руската инвазија на Украина.
Според податоците на руското Министерство за одбрана, противвоздушната одбрана во текот на ноќта соборила осум беспилотни летала над регионот Воронеж и четири над Ростовската област.
Украинската војска официјално не ги коментираше извештаите, кои не можат да бидат независно проверени.
Претходно, каналот „База телеграм“, кој е близок до руските безбедносни служби, објави дека три цистерни горат во складиштето за нафта Каменски, откако два дрона паднале во областа.
„Нема жртви“, рече гувернерот на Ростов Василиј Голубев на апликацијата за пораки Телеграм за нападот во областа Каменски.
„Пожарникарите го гаснат пожарот“.
Ukrainian forces struck the Atlas oil plant in the Kamensky district, Rostov region, in Russia. At least two oil tanks are burning and more are about to be affected.
The local Russian regime authorities fear a similar scenario as in Proletarsk, where the fire is still raging. pic.twitter.com/62E7zOmN1a
— (((Tendar))) (@Tendar) August 28, 2024
Ројтерс успеа да идентификува едно од видеата, снимено во областа Каменски во Ростов.
Регион
„Бора херојски се бори“: Лекарите даваат се од себе да ја подобрат состојбата на бубрезите и црниот дроб
![](https://makfax.com.mk/wp-content/uploads/2024/08/4-23.jpg)
Бора Ѓорѓевиќ со денови е во болница во Љубљана каде лекарите се обидуваат да му ја подобрат нарушената здравствена состојба, а се огласи и менаџерот на „Рибља Чорба“ кој ги откри деталите за состојбата на рокерот.
Фронтменот на „Рибља чорба“ е хоспитализиран во Словенија поради тешко воспаление на белите дробови, по што бил приклучен на кислород.
Во оваа прилика се огласи и неговиот менаџер Бане Обрадовиќ кој откри дека сите се надеваат на најдоброто.
„Бора Ѓорѓевиќ се наоѓа во Клиничкиот болнички центар во Љубљана. Тој беше интубиран поради компликации предизвикани од хронична опструктивна белодробна болест. Лекарите се трудат да ја подобрат здравствената состојба, особено бубрезите и црниот дроб. Добива соодветна терапија, Бора херојски се бори. Сите чекаме добри вести“, изјави менаџерот на Бора, Бане Обрадовиќ, пренесува Блиц.
Регион
Се урна хеликоптер на вооружените сили на Босна и Херцеговина, членовите на екипажот се спасени
![](https://makfax.com.mk/wp-content/uploads/2024/08/2-32.jpg)
Хеликоптер на вооружените сили на Босна и Херцеговина (БиХ) се урна во областа на езерото Јабланица, на југот , потврди Министерството за внатрешни работи на Херцеговско-неретванскиот кантон (ХНК) за радио Слободна Европа (РСЕ).
„Во хеликоптерот имало четворица членови на екипажот. Според првичните информации, тројца од нив не се повредени, а еден побарал медицинска помош“, изјави Људевит Мариќ, портпарол на МВР .
Причината се уште не е позната, изјави истиот извор.
Се додава дека повеќе информации ќе се знаат кога ќе заврши истрагата.
Соединетите Американски Држави и донираа четири нови хеликоптери Bell на Босна и Херцеговина во 2021 година во вредност од околу 35 милиони евра.
Едниот се превртел и бил оштетен во април 2022 година за време на обуката за летање.
Вооружените сили на Босна и Херцеговина „на хартија“ располагаат со повеќе од 40 хеликоптери.
Меѓу нив се и 35 хеликоптери Ми-8 кои се произведени пред повеќе од 40 години во поранешниот Советски Сојуз и сите, како што е најавено, ќе бидат отпишани поради неможност за сервисирање, застареност, исцрпување на ресурсите и неколку утврдени дефекти на основни склопови кои ги прават неисплатливи за ремонт .