Свет
Москва се закани: Киев ќе се соочи со последици по инцидентот кај Керч

Официјална Москва упати предупредување до Киев за можни последици со кои ќе се соочи по обидот за провоцирање конфликт, откако украински бродови нелегално влегоа во руските територијални води, пренесе „Раша тудеј“.
Русија се закани дека силно ќе одговори со слични провокации.
Акциите на украинската морнарица ги прекршиja правилата за премин преку руските територијални води, се вели во реакцијата на руското МНР, во кое се додава дека Москва повика на итен состанок на Советот за безбедност на ОН за да се разговара за инцидентот.
“Русија во неколку наврати го предупреди киевскиот режим и неговите западни поддржувачи кои ја разгоруваат хистеријата над Азовското Море и теснецот Керч. Очигледно е дека имаше провокација, внимателно планирана во однос на локацијата и формата, која има за цел да запали уште една точка на конфликт во регионот и да создаде нов изговор за да се наметнат повеќе санкции против Русија” се наведува во соопштението на руското МНР.
Москва го обвини Киев дека го искористил инцидентот за да го оправда објавувањето на воениот закон, од кој, според Москва, придобивки има само украинскиот претседател Петро Порошенко пред изборите во март, на кои Порошенко се обидува повторно да се кандидира за реизбор
Претходно шефот на руската дипломатија, Сергеј Лавров, рече дека провокацијата во теснецот Керч очигледно е дека е изведена под директна наредба на украинските власти.
Тој истакнал дека украинската страна, кога ја планирала оваа провокаиција, сигурно пресметала дополнителна корист, која сакала да ја извлече од оваа ситуација, очекувајќи САД и Европа слепо да ја поддржат, како и секогаш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Не мачеа на сите начини, вклучително и со струја“, вели ослободен палестински затвореник

По денешното ослободување на 183 палестински затвореници од затворите во Израел во размена за тројца израелски заробеници, многумина прозборуваа за голготата низ која минале.
Ослободениот Палестинец Ибрахим Мухамед Калил Ал-Шавиш ја опиша тортурата во израелските затвори. Разговараше со новинарите в болница, веднаш по ослободувањето, додека лекарите констатираа видливи знаци на тортура по неговото тело.
„Се користеа сите форми на тортура против нас, вклучително и струја. Струјата се применуваше на чувствителните области. Тие користеа ментална и физичка тортура – сè. Повторно се родив, фала му на Бога. Денес е ново раѓање, нов почеток”, изјави Ал-Шавиш на новинарите.
Два автобуса со ослободени затвореници пристигнаа во Европската болница во градот Кан Јунис во јужниот дел на Појасот Газа преку преминот Карам Абу Салем по нивното ослободување од израелските затвори, објави Канцеларијата за информации за затворениците на Хамас.
Свет
По 491 ден заробеништво, Хамас ослободи тројца Израелци во замена за 183 палестински затвореници

Хамас ослободи тројца израелски заложници во Газа во замена за 183 палестински затвореници ослободени од Израел утрово.
Тројцата заложници – Ели Шараби, Охад Бен Ами и Ор Леви – беа предадени на Црвениот крст.
Охад Бен Ами и Ели Шараби беа земени како заложници од Кибуц Беери за време на прекуграничниот напад на 7 октомври 2023 година, предводен од Хамас, а Ор Леви беше киднапиран од музичкиот фестивал Нова истиот ден.
Израелските медиуми пренесуваат голема загриженост за здравјето на тројцата ослободен заложници оти се вратиле испиени и со видно намалена телесна тежина.
И на ослободените палестински затвореници, кое беа пречекани со прослава во Рамала, на окупираниот Западен Брег, нивни претставници соопштија дека им е потребна медицинска помош.
Од почетокот на прекинот на огнот на 19 јануари досега се ослободени 21 заложник и 566 затвореници.
До крајот на првата фаза од прекинот на огнот, кој ќе трае уште три недели, се очекува да бидат ослободени 33 заложници и 1.900 затвореници. Израел тврди дека осум од тие 33 лица се мртви.
Регион
Инцидент на српскиот претседател Вучиќ: се откачи тркало на автомобилот со кој патуваше, се проверува дали пукнала гумата

Патувајќи кон Мокрин, на север од Србија, на претседателот Александар Вучиќ му се случи инцидент, јавуваат српските медиуми. Се откачило едно од тркалата на автомобилот со кој патувал. Тој бил пренесен во друг автомобил, а посебна истрага која е во тек, треба да покаже што се случило.
„По посетата на Меленци отидов во Мокрин пред големиот собир во Кикинда и на пат бев со мојот автомобил, а ќе ви дадам неколку објаснувања. Значи, дали пукна гумата, тоа треба да утврдат надлежните и тие ќе го утврдат тоа. Пристигнав во Мокрин и се префрлив во друг автомобил“, рече претседателот Вичиќ по инцидентот со тркалото.