Палестинската организација Хамас најави примирје со Израел, во траење од 2 часа, кое ќе започне во 22 часот по локално време, објавуваат светските агенции.

Според најавите, примирјето ќе се однесува само на Тел Авив.

Претходно, американскиот претседател Џозеф Бајден денеска телефонски разговараше со палестинскиот претседател Махмуд Абас за последните конфликти меѓу Израел и Палестинците, како и со израелскиот премиер Бенјамин Нетанјаху.

„Претседателот Абас доби важен телефонски повик од американскиот претседател Џо Бајден“, рече портпаролот на Абас.

Тоа беше првиот разговор меѓу двајцата лидери откако Бајден ја презеде функцијата во јануари.

Според светските гласила, претходно денеска, палестинската група Хамас, со седиште во Газа, изјави дека нејзините ракетни напади се засноваат на принципот на одмазда за секој израелски напад врз опколениот појас Газа.

Претставник на военото крило на Хамас, бригадата Ал-Касам, Абу Убаида, рече дека движењето ќе престане да пука кон Тел Авив на два часа – во сабота од 22 часот до полноќ по локално време.

Според изјавата, примирјето ќе важи само за Тел Авив, вториот по големина град во Израел.

Американскиот претседател Џо Бајден денеска разговараше со палестинскиот претседател Махмуд Абас и израелскиот премиер Бенјамин Нетанјаху за тековниот израелско-палестински конфликт.

Портпаролот на Махмуд Абас објави дека Абас разговарал со Бајден на телефон, првпат од избувнувањето на последната криза.

Тоа е воедно и првиот разговор меѓу американскиот и палестинскиот претседател откако Бајден влезе во Белата куќа во јануари годинава.

Деталите за разговорите со Абас не се познати, а Бајден претходно разговараше и со израелскиот премиер Бенјамин Нетанјаху, по бомбардирањето на Газа, во кое беше урната зградата што ја користеа одредени медиуми.

Џо Бајден рече дека е загрижен за цивилните жртви.

Израелскиот премиер му порача на Бајден дека Израел „прави сè за да избегне повреда на луѓе кои не се вклучени во борбата со Хамас и другите групи во појасот Газа“, соопшти неговиот кабинет.

Во соопштението се вели дека доказ за тоа е фактот дека „луѓето кои не биле вклучени во конфликтот“ биле евакуирани од зградата во Газа, во која се наоѓале канцелариите на повеќе светски медиуми, пред израелските сили да ја демолираат, пренесува Ројтерс.

По демонстрациите во поголем број европски градови за поддршка на Палестинците, денеска демонстрации се одржаа и во Атина.

Агенциите во регионот пишуваат дека во Атина се одржаа протести за поддршка на Палестинците со извици „Слобода за Палестина“, а грчката полиција употребила солзавец и водени топови за да ги растера демонстрантите.

palestine solidarity protest in athens

with tear gas and water auras the police try to scatter the crowd#FreePalestine #SavePalestine pic.twitter.com/Wyl8JJRjgP

— έζι ☻ fansites lists (@swithlua) May 15, 2021

Демонстрантите во Атина, носејќи палестински знамиња, се упатија кон израелската амбасада, која беше опколена од полициските сили, пренесува Ројтерс.

Протестите во Атина се одржаа по слични такви демонстрации во бројни градови низ светот, предизвикани од интензивните вооружени конфликти меѓу Израел и палестинскиот Хамас.