Свет
Најлош ден во Италија – за еден ден од коронавирус починаа 969 луѓе
Во изминатите 24 часа во Италија починале 969 луѓе од коронавирус, а заразени се нови 5.909. Тоа е најголем број починати лица како последица на коронавирусот во еден ден во оваа земја.
Како што пренесуваат италијанските медиуми, бројот на починати сега достигна 9.134.
Вчера дојде до конфузија со бројот на починати на дневно ниво бидејќи, поради техничка грешка, беше објавен погрешен податок, така што првично беше објавено дека се починати 662, а подоцна тој број беше променет на вкупно 712.
Податоците во официјалната објава на италијанските власти, сепак, не се менуваа, туку во денешната објава на бројот на починати во последните 24 часа, кој изнесува 919, се додадени и тие 50, кои вчера не беа пресметани.
Во Италија дури 10.950 луѓе се хоспитализирани во болниците по заразата со коронавирус, а 3.732 се на интензивна нега.
Особено е тешка состојбата во Ломбардија, каде што со последните 24 часа починале 541 човек.
Во средата во Италија починаа 683 луѓе, во вторникот 743, а во понеделникот 602. Во неделата починаа 650, а во саботата рекордни 793.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Цел на напади била и иранската државна телевизија
Иранската државна телевизија соопшти дека била цел на напади откако серија моќни експлозии го потресоа Техеран, иако не била прекината.
„Техничкиот тим ја проценува штетата“, соопшти радиодифузерот, кој исто така беше цел на напади за време на 12-дневната војна меѓу САД и Израел против Иран во јуни.
Свет
Во напад врз женско училиште во Иран убиени се 165 ученички
Сто шеесет и пет ученички се убиени во женско училиште во Минаб, Иран, објавија иранските државни медиуми.
Иран вели дека училиштето било погодено во израелски напад. Израел негира дека извршил напади во областа.
Иранските медиуми велат дека 96 лица биле ранети во нападот.
Свет
Трамп се согласил да разговара со новите ирански лидери
Американскиот претседател вели дека новото раководство на земјата сака да разговара со неговата администрација и дека тој планира да го стори тоа.
„Тие сакаат да разговараат и јас се согласив да разговарам, па затоа ќе разговарам со нив“, беше цитиран од списанието „Атлантик“.
„Требаше да го направат тоа порано. Требаше да го дадат она што беше многу практично и лесно да се направи порано. Чекаа предолго“, додаде Трамп.
Тој не коментираше кога ќе се одржат разговорите.

