Контакт

Свет

Нема трага од исчезнатата подморница со 53 лица, во потрагата се вклучија повеќе земји

Објавено пред

Шeст индиски воени бродови ја бараат индонезиската подморница со 53 члена на екипажот, која исчезна вчера во водите недалеку од Бали, пренесува Би-би-си. Покрај бродовите, во потрагата е вклучен и хеликоптер. Вкупно, околу 400 лица се вклучени во потрагата.

Сингапур и Малезија досега биле вклучени во потрагата, а Америка, Австралија, Германија и Франција понудиле помош, известува Би-би-си.

Вчера, индонезиското Министерство за одбрана објави дека е пронајдена нафтена дамка во областа каде што подморницата изгубила контакт, пишува АФП. Би-би-си пишува дека сè уште не е познато дали оваа трага е поврзана со оштетување на резервоарот за гориво или е сигнал од екипажот. Според некои информации, исчезнувањето на подморницата се случило откако тие побарале дозвола да се нурнат во подлабоки води.

„Знаеме дека оваа област е доста длабока“, изјави за „Франс прес“ адмиралот на морнарицата Џулиус Виџојоно.

Подморницата КРИ „Нангака-402“ од германско производство со 53 члена на екипажот спроведувала вежба за торпедо во водите северно од Бали.

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Откриена причината за смртта на принцот Филип

Објавено пред

Според официјалниот извештај, принцот Филип, сопругот на кралицата Елизабета Втора, починал од старост. Бакингамската палата претходно објави дека војводата од Единбург „замина мирно“ на 9 април, во замокот Виндзор, без да открие детали за неговата смрт.

Британските медиуми сега имаа пристап до официјалните извештаи во кои се наведува дека принцот Филип починал од старост и дека нема други болести или повреди што влијаеле на трагичниот исход.

Во извештајот не се споменува дури ни проблемот со срцето, поради кој принцот Филип беше опериран на почетокот на годината, кога мина речиси еден месец во болница. Медиумите наведуваат дека лекарот може да ја наведе возраста како причина за смрт во случај пациентот да има повеќе од 80 години и да се влоши општата состојба на пациентот.

Војводата беше пуштен од болница во март, а последните денови ги помина со кралицата во замокот.

Тој беше погребан на 17 април, а неговите најблиски го испратија на вечно почивање.

Погребот на војводата од Единбург, меѓу другото, ќе остане запаметен по тоа што се одржа под негова лична режија. Починатиот принц не сакал „помпа“ и државен погреб. Затоа, тој имал церемонијален погреб, исто како што сакал.

Кралицата се врати на своите должности по погребот.

Прикажи повеќе...

Свет

Мексико прогласи тридневна жалост поради несреќата во метрото

Објавено пред

Во Мексико е прогласена тридневна жалост поради смртта на 24 лица кога се сруши дел од надвозникот на метрото на патот.

Во несреќата што се случи во вторникот на линијата 13 од метрото, ​​79 лица беа повредени, пренесуваат агенциите.

Мексиканските власти ветија целосна истрага, бидејќи се поставуваат прашања во врска со безбедноста на градбата.

Претседателот Андрес Мануел Лопез Обрадор рече дека ништо нема да се сокрие, додека градоначалникот најави дека во истрагата ќе биде вклучена странска компанија.

 

Прикажи повеќе...

Свет

Вакцините на „Фајзер“ и „Модерна“ ја намалуваат хоспитализацијата на стари лица за 94 проценти

Објавено пред

Вакцинацијата со вакцините на „Модерна“ или на „Фајзер“ значително го намалува ризикот од хоспитализација на стари лица, покажуваат податоците на американскиот Центар за контрола и превенција на болести (ЦДЦ).

Две недели по втората доза од вакцината против коронавирус ризикот од хоспитализација на лица над 65-годишна возраст е 94 проценти помал во споредба со нивните невакцинирани врсници, соопшти ЦДЦ.

Веќе две недели по првата доза, тој ризик беше 64 проценти помал, покажаа податоците од 24 болници во 14 американски држави.

Како што се очекуваше, вакцината не обезбеди заштита во текот на првите две недели по првата доза.

Во САД повеќе од 80 проценти од населението примило барем една доза, претежно со mRNA вакцини од „Модерна“ и „Фајзер“, два американски производители, а „Фајзер“ соработува со германската компанија „Бионтек“.

Во исто време, во Лондон е објавено дека дури и по првата доза на вакцината на „Фајзер“ и на „Астра зенека“, ризикот од пренесување на инфекцијата во истото домаќинство значително се намалува.

Според анализата на агенцијата за јавно здравје на Англија (PHE), тој ризик е помал од 38 до 49 проценти. Во исто време, вакцината на „Фајзер“ е малку подобра од вакцината на „Астразенека“.

Студијата, спроведена на 24.000 англиски домаќинства, е уште еден доказ дека вакцинацијата не само што штити од потешки форми на Ковид-19, туку исто така ја намалува можноста за пренесување на вирусот на други лица, соопшти РХЕ.

Прикажи повеќе...

Најново

Свет28 минути

Вакцините на „Фајзер“ и „Модерна“ ја намалуваат хоспитализацијата на стари лица за 94 проценти

Вакцинацијата со вакцините на „Модерна“ или на „Фајзер“ значително го намалува ризикот од хоспитализација на стари лица, покажуваат податоците на...

Регион35 минути

Вучиќ: Вакцинираните ќе добијат парична помош како награда

Претседателот на Србија, Александар Вучиќ, рече дека е донесена одлука за обезбедување дополнителна парична помош за оние кои се вакцинирани...

Свет40 минути

(Видео) Израел ја рaкетираше Сирија, има и жртви

Израел рано утрово ja ракетираше северозападна Сирија при што загина најмалку еден човек, а повредени се шестмина. Авиони на израелското...

Свет41 минута

Бајден: Нашата цел е до 4 јули да бидат вакцинирани 70 отсто Американци

Американскиот претседател, Џо Бајден, изјави дека целта е до 4 јули барем со една доза вакцина против коронавирус да бидат...

Македонија2 часа

Полициски час од 23 часот, угостителските објекти ќе работат до 22 и 30 часот

Од денеска полицискиот час ќе почнува од 23 часот, а угостителските објекти ќе работат до 22 и 30 часот, одлучи...

Регион14 часа

Борисов: Жртвата на Гоце Делчев да биде пример за Бугарија и Република Северна Македонија

Бугарскиот премиер Бојко Борисов на денешното одбележување на 118-годишнината од смртта на Гоце Делчев рече дека тој е еден од...

Свет14 часа

Колкy заработи „Фајзер“ оваа година од вакцините против коронавирусот

Минатата година во трката за развој на вакцина против Ковид-19 компанијата „Фајзер“ донесе голема одлука. За разлика од конкурентите, кои...

Свет15 часа

(Видео) Масакр во Бразил: тинејџер со мачета влегол во градинка и убил три деца и учителка

Осумнаесетгодишно момче со мачета влегло во градинка и убило три деца и учителка во Саудадес во бразилската држава Санта Катарина....

Македонија16 часа

Од Австрија пристигна првата количина вакцини од „Фајзер“

Mинистерот за здравство, Венко Филипче, се сретна со Каролине Едштадлер, сојузна министерка за ЕУ и Устав на Австрија. „Денеска, од...

Македонија17 часа

Регистрирани 67 новозаболени и 31 починат од Ковид-19

Во последните 24 часа направени се 1.169 тестирања, а регистрирани се 67 нови случаи на Ковид-19, и тоа во: Скопе...

Европа19 часа

Шефот на СЗО за Европа: Гледаме светлина на крајот од тунелот

Шефот на канцеларијата на СЗО во Европа, Ханс Клуге, изјави во Сараево дека е претпазлив оптимист и верува дека светот...

Македонија20 часа

Поднесено обвинение против Оливер Дерковски за набавката на софтверот за изборите

Основното јавно обвинителство за гонење организиран криминал и корупција поднесе обвинение против поранешниот претседател на Државната изборна комисија, Оливер Дерковски, и...

Економија22 часа

Дизелот поскапува

Од ноќеска на полноќ дизелот поскапува за половина денар, а цената на бензините останува иста, соопшти Регулаторната комисија за енергетика....

Свет23 часа

Светски научници: Нема да се постигне имунитет на стадо, вирусот брзо мутира

Меѓу научниците постои растечко верување дека имунитетот на стадото кога станува збор за коронавирус нема да се постигне во блиска...

Македонија1 ден

ИЈЗ: Намален бројот на новозаболени и починати од коронавирус

Во периодот од 26 април до 2 мај е регистриран намален број на новозаболени и починати од коронавирус во Македонија...

Македонија1 ден

Во Македонија досега се вакцинирани повеќе од 76.000 луѓе

Во Македонија досега се вакцинирани 76.937 граѓани, а две дози примиле 15.334 луѓе, соопшти Институтот за јавно здравје. Вакцинацијата во...

Свет1 ден

(Видео)15 починати и 70 повредени откако се сруши надвозник на метро во Мексико Сити

Најмалку 15 лица загинаа, а 70 се повредени кога се сруши надвозник на метрото во Мексико Сити, соопштија локалните власти....

Свет1 ден

(Видео)Тепачка во џамија во Турција: Верниците ги прекршија корона-мерките, полицијата реагираше со солзавец

Во регионот Газиантеп во југоисточна Турција, во џамија настана тепачка во која учествуваа собраните верници и членови на Фондацијата „Фуркан“...

Македонија2 дена

(Видео) Се утврдуваат причините за пожарот над Галичник

Полициска екипа врши увид и ги утврдува причините за пожарот кој избувна вчера над Галичник. Директорот на Центарот за управување...

Македонија2 дена

Повторно гореше трска кај Калишта

Нов случај на запалена трска на брегот на Охридското езеро, во делото од Струга кон Калишта е забележан вчера. „На...

Досие