Израелскиот премиер, Бенјамин Нетанјаху, изјави дека Израел ќе продолжи со воените операции во Сирија.

„Ќе продолжиме да дејствуваме за да го спречиме военото воспоставување на иранската армија во Сирија и ние ќе продолжиме со воената координација меѓу израелските одбранбени сили и руската армија“, изјави Нетанјаху, а неговата изјава ја пренесува агенцијата „Ројтерс“.

Русија во следните две недели, пак, соопшти дека ќе ѝ го предаде на Сирија модерниот систем за воздушна одбрана „С-300“.

Израелскиот премиер Бенјамин Нетанјаху во понеделникот на рускиот претседател Владимир Путин му рече дека снабдувањето на неодговорни играчи со напредни системи за оружје може да го зголеми ризикот во регионот, соопштија тамошните медиуми.

Во соопштението се вели дека во телефонски разговор спроведен кратко време откако Русија најави дека во рок од две недели ќе почне да ја снабдува Сирија со модерен систем за воздушна одбрана – „С-300“, Нетанјаху исто така рече дека Израел ќе продолжи да ги заштитува својата безбедност и интересите.

Кога Москва ја објави веста, реагираа и САД. САД ја предупредија Русија дека распоредувањето на модерниот антиракетен систем „С-300“ во Сирија е голема грешка и дека одлуката треба да се преиспита.