Европа
Одлука за лидер на ЦДУ во средината на јануари

Тројцата главни кандидати за нов претседател на Христијанско-демократската унија (ЦДУ) на Германија се согласија одлуката за лидерот на партијата да биде донесена во средината на јануари, објави владејачката партија.
Генералниот секретар на ЦДУ, Пол Цимијак, на „Твитер“ објави дека кандидатите за претседател на партијата се согласиле да се одржи состанок во средината на јануари за избор на нов лидер.
Доколку е можно, состанокот ќе се одржи во живо или ќе биде одржан онлајн и гласањето ќе биде поддржано со писмено гласање.
ЦДУ сè уште нема донесено одлука за избор на нов лидер, откако Анегрет Крамп-Каренбауер, која ја наследи Ангела Меркел во 2018 година, објави во февруари дека нема да се кандидира за канцелар следната година и дека ќе се откаже од својата позиција во партијата.
Состанокот што требаше да се одржи во април по тој повод беше откажан поради пандемијата на коронавирус, а одлуката беше одложена до најавениот редовен состанок на партијата за 4 декември.
Сепак, поради влошувањето на епидемиолошката состојба во Германија и воведувањето нови ограничувачки мерки, овој состанок исто така беше откажан. Откажувањето на состанокот доведе до отворени конфликти меѓу кандидатите за лидер на ЦДУ, што е невообичаено за оваа партија.
Главни кандидати се Фридрих Мерц (64), поранешен конзервативен лидер на парламентарната група на партијата, Армин Лашет (59), нешто полибералниот гувернер на Северна Рајна-Вестфалија и Норберт Ретген (55), кој е претседател на парламентарниот комитет за надворешна политика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Русија: Украина го нападна нашиот брег на Црното Море

Русија во петокот објави дека Украина го нападнала нивниот брег на Црното Море во близина на Сочи со ракети и беспилотни летала.
Градоначалникот на Сочи, туристичка дестинација на источниот брег на Црното Море, објави дека украинскиот напад е запрен.
Tourists in Sochi spent the night sheltering in basements and car parks as waves of unknown drones hit the area, reportedly targeting a nearby oil refinery near Adler, the southern district of Sochi close to the Abkhazian border.
The mayor claims a missile attack was repelled,… pic.twitter.com/yxdGxmAGLI
— Shaun Pinner (@olddog100ua) October 17, 2025
Жителите на градот, кој беше домаќин на Олимписките игри во 2014 година, објавуваа на социјалните мрежи за тревогите и експлозиите. Градоначалникот ги повика луѓето да ги избегнуваат плажите и крајбрежните области и да побараат засолниште.
Локалните медиуми објавија дека сообраќајот на меѓународниот аеродром во Сочи е привремено запрен. Нема непосредни извештаи за штети.
Руското Министерство за одбрана соопшти дека 32 украински дронови биле пресретнати над Кримскиот полуостров.
Burning oil depot in #Hvardiyske – view from the highway near #Simferopol 🔥🔥🔥 pic.twitter.com/X4z4t82WLK
— Aurora Borealis 🤫 (@aborealis940) October 17, 2025
Службениците изјавија дека немало штета на електраните или прекини во снабдувањето со електрична енергија.
Германската новинска агенција ДПА цитира непотврдени извештаи и видеа на социјалните мрежи дека голем објект за складирање нафта во Симферопол, Крим, бил погоден.
фото: принтскрин
Европа
(Видео) Експлозија во станбена зграда во Букурешт: две лица загинаа, 12 сповредени

Силна експлозија потресе осумкатна станбена зграда во Букурешт.
Bucharest, Romania, Now pic.twitter.com/1a4cNKXVlY
— Musat Sorin Mihai (@sorinmihaimusat) October 17, 2025
Според првичните извештаи од властите во романската престолнина, две лица загинаа, а 12 други се хоспитализирани, објави „Ројтерс“.
An explosion occurred in a residential building in Bucharest, destroying several apartments on the 5th and 6th floors.
Authorities in the Romanian capital confirmed that two people were killed, while another 12 were hospitalized, according to preliminary reports. pic.twitter.com/rxPsE1wIaM
— NEXTA (@nexta_tv) October 17, 2025
Експлозијата искрши прозорци во блиското средно училиште и уништи неколку станови на петтиот и на шестиот кат од зградата.
фото: принтскрин
Европа
Путин го свика Советот за безбедност на Русија по разговорите со Трамп

Рускиот претседател Владимир Путин свика состанок на моќниот Совет за безбедност на Русија по телефонскиот разговор со американскиот претседател Доналд Трамп, објавија денес руските новински агенции повикувајќи се на помошникот на Кремљ, Јуриј Ушаков.
Според Ушаков, Путин детаљно ги информирал членовите на Советот за безбедност за разговорот со Трамп.
Трамп и Путин се согласија в четврток да одржат уште еден самит за војната во Украина, изненадувачки потег што дојде откога најавата за нова американска воена поддршка за Киев предизвика загриженост во Москва.
Во Русија, Советот за безбедност е клучно тело за донесување одлуки за најважните прашања за националната безбедност на Русија.
фото: принтскрин