Свет
ОН оценија дека 2023 година е најсмртоносната година во историјата на палестинско-израелскиот конфликт
Специјалниот пратеник на Обединетите нации за блискоисточниот мировен процес, Тор Венесланд, пред Советот за безбедност изјави дека 2023 година завршува како една од најсмртоносните во историјата на палестинско-израелскиот конфликт и дека ситуацијата се влошува на речиси сите фронтови.
Како што јави агенцијата „Вафа“, му го привлече вниманието на тешката хуманитарна ситуација во Појасот Газа.
„Испораката на хуманитарна помош во Појасот Газа се соочува со неверојатни предизвици“, рече Венесланд додавајќи дека поради непријателствата, системот за хуманитарна реакција е на работ на колапс.
Тој исто така го осуди убиството на цивилите во Газа, вклучувајќи жени и деца, и изрази жалење за загубата на секој цивилен живот, вклучително и 131 член на организациите на ОН, кои беа убиени во израелските напади врз Газа.
Венесланд исто така изрази длабока загриженост поради растечките тензии на окупираниот Западен Брег вклучувајќи го и Источен Ерусалим. Тој укажа и на смртоносните напади на израелските доселеници врз Палестинците на Западниот Брег и Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Голема акција во Италија: 142 лица се приведени за шверц на дрога, меѓу кои и цариници и полицајци
Италијанските власти соопштија дека денеска во операција против калабриската мафија Ндрангета („Свети луѓе“) привеле 142 лица активни во трговијата со дрога од клановите на градот Козенца, на југот.
Полицијата вели дека овие луѓе се осомничени за врски со „Ндрангета, трговија со дрога, мафијашко здружение и други злосторства.
Приведен е и службеник на италијанската царина и финансиска полиција.
Обвинителот на блискиот град Катанзаро, Винченцо Капомола, изјави за новинарите дека мафијашките групи ги „гушат“ трговците и претприемачите изнудувајќи од нив пари, а дека користат дури и малолетници за нивната главна дејност – трговија со дрога.
Свет
Џозеф Бајден ја честиташе 76-годишнината од независноста на Израел и посака мирна година
Американскиот претседател Џозеф Бајден преку денешно писмо му ја честиташе 76-годишнината од независноста на таа земја на израелскиот претседател Исак Херцог и посака „годината што доаѓа да биде помирна“.
Во писмото, Бајден истакна дека САД се „горди на трајните односи со Израел“, во услови на затегнати врски во последните недели по заканата на американскиот претседател дека ќе ја запре испораката на оружје доколку израелската војска продолжи со копнената офанзива во Рафах.
„Минатата година беше длабоко болна, бидејќи Израел го претрпе најлошиот напад во својата историја на 7 октомври 2023 година. Но, народот на Израел покажа огромна сила и издржливост“, нагласи Бајден.
Европа
Новиот руски министер за одбрана го претстави својот план за војната во Украина
Новиот руски министер за одбрана Андреј Белоусов, економист без воено искуство, денеска изјави дека сака да ги модернизира вооружените сили и да постигне победа во Украина со минимални жртви. „Целта на специјалната воена операција е секако да се постигне победа… и со минимални човечки загуби“, рече тој, но не појасни кое ниво на загуби би било прифатливо.
Русија не го соопштува бројот на загинати и ранети во редовите на својата армија во Украина. Од почетокот на нападот врз таа земја во февруари 2022 година, многу воени експерти проценуваат дека Русија претрпе големи загуби и зборуваат за десетици илјади мртви.
Новиот руски министер, исто така, рече дека сака да ги „оптимизира“ воените трошоци. „Првата (цел) е да се обезбеди интеграција на воената економија во целата економија на земјата. Ова не е лесно и бара оптимизација на расходите, што не значи нивно опаѓање“, рече тој.
Говорејќи пред Горниот дом на парламентот, тој додаде дека неговата втора цел е максимално да ја отвори воената економија за иновации, особено за „дигиталната технологија“. Рускиот претседател Владимир Путин во неделата навечер направи промена во доменот на одбраната, повеќе од две години од почетокот на војната во Украина.
Тој го смени Сергеј Шојгу, кој беше негов лојален министер за одбрана од 2012 година, и го назначи за секретар на Советот за безбедност, тело кое ги собира највисоките руски функционери, но без никакви реални овластувања.
Во исто време, во тоа министерство започна чистка поради обвинувањата за корупција, со апсење на заменик-министер во април и апсење на генералот Јуриј Кузњецов, службеник за човечки ресурси, објавено денеска.
Назначувањето на Белоусов дојде во време кога воената индустрија е двигател на целата руска индустрија. Покрај тоа, Кремљ во вторникот објави дека поранешниот секретар на рускиот Совет за безбедност и поранешен шеф на ФСБ, Николај Патрушев, е назначен за советник на Владимир Путин и ќе биде задолжен за бродоградба.
Портпаролот на Кремљ, Дмитриј Песков, не ги објасни причините за трансферот на Патрушев, само рече дека неговото „огромно искуство“ ќе игра голема улога кога се занимава со бродоградилиштето. Што се однесува до Шојгу, тој рече дека разговорот за „деградација не е соодветен“ бидејќи генералниот секретар на Советот за безбедност е во „директен контакт со шефот на државата и има голема одговорност“.