Сите педесет и седум полицајци во Бафало дадоа отказ откако двајца полицајци беа суспендирани бидејќи турнаа на земја 75-годишен маж кој протестираше, објави Си-ен-ен.

Во тек е истрага за инцидентот, кој гувернерот на државата Њујорк, Ендру Куомо, го нарече целосно неоправдан и срамотен.
Си-ен-ен додава дека турнатиот човек е тешко повреден.

Видеото кое кружи на американските медиуми, покажува како неколку полицајци се движат кон 75-годишникот, а двајца од нив го туркаат на земја. Тој паѓа на земјата додека полицајците поминуваат покрај него, а по неколку секунди се гледа како од главата му истекува крв.

Инцидентот се случил за време на протестите на плоштадот Нијагара, што се одржа во чест на Џорџ Флојд. Се работи за МАртин

Гугин, кој е хоспотализиран и е во тешка, но стабилна состојба.
Во единицата за итни случаи отказ дале 57 полицајци, а градоначалникот изјавил дека сега градот е без оваа единица.

Претседателот на здружението на полицајци во Бафало, Џон Еванс, рекол дека полицајците само ја почитувале наредбата да го расчистат плоштадот.

Илјадници демонстранти излегоа на улиците во Европа и Австралија, како и стотина во Токио и Сеул, за да ги поддржат американските протести против полициската бруталност.

Протестите кои се шират во светот покажуваат се поголем бес и гнев поради полициските постапки кон етничките малцинства, а избија откако американски полицаец на 25 мај во Минеаполис, со колено на вратот го задуши Афроамериканецот Џорџ Флојд, за време на апсење.

Протести против расизмот какви што не се видени досега на Стариот континент, сега се шират во делови на Европа, со десетици илјади демонстранти на улиците.

Во Лондон и покрај дождот на улица излегоа илјада демонстранти, собирајќи се пред зградата на парламентот. Демонстрантите носеа заштитни маски поради коронавирусот и извикуваа слогани како „Без правда нема мир, не за расистичката полиција“, исто како и демонстрантите во САД.

Министерката за внатрешни работи, Прити Пател ги повика луѓето да не излегуваат на протестите поради опасност од пандемијата. Коронавирусот во Британија одзеде најмногу животи после САД.

На протест излегоа и граѓаните на Берлин, Хамбург и на Варшава.

Париските власти ги забранија протестите пред американската амбасада и на ливадите околу Ајфеловата кула, но демонстрантите сепак се собраа покрај амбасадата на САД, носејќи натписи како „Црните животи се важни“. Силите за безбедност поставија заштитна ограда преку плоштадот за да ги спречат демонстрантите дополнително да се доближат до амбасадата, а во близина е и Ајфеловата кула, седиштето на францускиот претседател.

Протестите се одржаа и во Азија и во Австралија, но со помал одѕив поради мерките за физичка дистанца кои се на сила.

Полицијата во Бризбејн, еден од австралиските градови во кои се одржаа протести, проценува дека на улиците излегле 10 илјади луѓе, кои носеле заштитни маски и натписи „Црните животи се битни“. Многумина се завиткале во абориџински знамиња, повикувајќи на престанок на лошиот полициски третман врз автохтоното австралиско население.

Судот во Сиднеј ја отфрли забраната за собир поради коронавирусот, па на протестот излегоа неколку илјади луѓе.

Во Токио демонстрантите се собраа и против наводната полициска бруталност кон Курдите.

Неколку десетици илјади јужнокорејски активисти од странство се собраа во Сеул, додека во Банкок активистите својот протест го изразија на интернет.

Тајланѓаните пак се снимаат во црна облека, со рацете во воздух и со натписи за поддршка на американските демонстранти.

Демократот Џо Бајден официјално е противкандидат на републиканецот Доналд Тремп на претседателските избори во ноември во САД. Веста ја објави тој на Твитер, каде напиша дека обезбедил 1.991 делегати и дека „ќе се бори за победа во битката за душата на нацијата“.

Folks, tonight we secured the 1,991 delegates needed to win the Democratic nomination. I'm going to spend every day fighting to earn your vote so that, together, we can win the battle for the soul of this nation. https://t.co/sl3wFGabpg

— Joe Biden (@JoeBiden) June 6, 2020

Се очекуваше да ја добие номинацијата на партијата уште од април кога Берни Сандерс се повлече од трката.

Коронавирусот ја погоди економијата, но и граѓанските протести кои се одвиваат сега во земјата поради смртта на Афроамериканецот Џорџ Флојд, се очекува да доминираат на изборите.

Бајден, кој беше потпретседател за време на претседателската функција на Барак Обама, ја започна кампањата во колеблив стил во Ајова и Њу Хемпшир, но потоа изгради импулс со убедлива победа во Јужна Каролина, анализира Би-би-си. Потоа доминираше на таканаречените натпревари во Супер вторник, победувајќи до 10 од 14 држави.

77-годишниот Бајден ја обезбеди номинацијата на партијата, откако седум држави и округот Колумбија во вторникот одржаа претседателски избори.

Ова е негов трет обид да стане претседател.