Претседателот на Русија, Володимир Зеленски денеска изјави дека по референдумот во областите на источна Украина веќе нема да бидат можни преговори со рускиот претседател Владимир Путин.

„Референдумот може да доведе до многу трагични ситуации. Луѓето кои нема да се појават на референдумот можат да останат без струја, бидејќи Русите може да им ја прекинат струјата и да им оневозможат нормален живот. Тие ги принудуваат луѓето да гласаат, ги фрлаат во затвори. Ги тераат да одат на псевдореферендум“ – изјави Зеленски за американската мрежа „CBS“.

Германија не сака да испраќа тенкови во Украина бидејќи тоа може да биде опасен чекор во ескалацијата на конфликтот, изјави германскиот канцелар Олаф Шолц во интервју за „Њујорк Тајмс“.

„Ова е многу опасна војна“, рече тој, на прашањето зошто Германија не испраќа тенкови во Украина, на што инсистира Киев.

„Ја поддржуваме Украина. Тоа го правиме на начин што не води до ескалација, до војна меѓу НАТО и Русија, бидејќи тоа би било катастрофа“ – објасни Шолц.

Од друга страна, американскиот помошник на претседателот за национална безбедност Џејк Саливан изјави дека американските власти ќе продолжат да ја олеснуваат испораката на тенкови од советската ера во Украина од земјите членки на Северноатлантската алијанса, како и друго оружје.

Шпанскиот премиер Педро Санчез изјави дека е заразен со коронавирус и додаде дека ќе продолжи да работи со сите мерки на претпазливост.

„Утрово ги добив резултатите од тестот за коронавирус. Јас сум позитивен. Ќе продолжам да работам со сите мерки на претпазливост“, напиша Санчез на Твитер.

Шпанскиот премиер беше заразен два дена по враќањето од Њујорк, каде учествуваше на седницата на Генералното собрание на ОН и се сретна со бројни светски претставници.

Санчез не кажа дали ги откажал активностите до крајот на неделата, бидејќи во петокот во Аликанте ќе има состанок на шефовите на држави и влади на осум земји од Европската унија.