Контакт

Европа

Паника поради новиот вид на коронавирус, според британскиот министер ситуацијата е надвор од контрола

Објавено пред

Британскиот министер за здравство, Мет Ханкок, денес изјави дека новиот вид на коронавирус е надвор од контрола, на тој начин оправдувајќи го затворањето на Лондон и на дел од Англија, што може да трае сè додека не се вакцинира популацијата.

„За жал, новиот вид е надвор од контрола. Треба повторно да воспоставиме контрола, а тоа е можно само со ограничување на социјалните контакти”, изјави Ханкок за „Скај њуз“.

„Ќе биде многу тешко да се задржи контролата сè додека не се вакцинира населението“, додаде тој.

Конзервативната влада на Борис Џонсон вчера прогласи карантин за Лондон и за југоистокот и дел од источна Англија, принудувајќи повеќе од 16 милиони жители да останат дома и да се откажат од божиќните собири.

Сите продавници кои не продаваат храна и основни продукти се затворени и забрането е патување надвор од зоните со највисоко ниво на тревога.

Врз основа на податоците достапни од британските експерти, се смета дека новиот вид на вирусот побрзо се шири, а поради стравот дека ќе биде пренесен во други земји, некои држави ги откажаа летовите кон Велика Британија.

Сепак, паниката во светот расте откако беше објавено дека новиот вид на вирусот е регистриран уште три земји – Данска, Холандија и Австралија.

Коментирајќи го новиот вид на вирусот, привично откриен во Велика Британија, микробиологот Бранко Рихтман за ТВ Прва изјави:

„Од она што е познато во моментов, нема никаква разлика во клиничката слика, ниту има разлика во тоа колку вирусот е чувствителен на вакцините, тој не влијае на ефикасноста на вакцините. Но, повторно, од она што е познато, се чини дека новиот вид се шири доста брзо, односно се чини дека се врзува за човечките клетки побрзо од претходниот вид“.

Европа

Норвешка ги олеснува ограничувачките мерки против коронавирусот

Објавено пред

Норвешката влада ќе олесни некои ограничувачки мерки бидејќи силните мерки против коронавирусот, кои беа воведени пред две недели, се покажаа ефикасни, изјави норвешката премиерка Ерна Солберг.

„Иако се чини дека мерките се ефикасни и дека заразата е помала, ситуацијата е сè уште неизвесна“, додаде Солберг во парламентот, пренесува „Ројтерс“.

Со олеснување на мерките на домаќинствата ќе им биде дозволено да примаат гости, но ќе има најмногу пет посетители.

Децата и тинејџерите може да ги продолжат своите спортски активности, но кафулињата и рестораните сè уште имаат забрана да служат алкохол.

Прикажи повеќе...

Европа

Фон дер Лаен: Навални итно да биде ослободен и да се дадат гаранции за неговата безбедност

Објавено пред

Претседателката на Европската комисија, Урсула фон дер Лаен, го осуди апсењето на рускиот опозиционер Алексеј Навални и повика на итно ослободување и негова загарантирана безбедност.

„Го осудувам вчерашното апсење на Алексеј Навални по неговото враќање во Русија. Притворањето на политичките противници е спротивно на меѓународните обврски на Русија“, рече Фон дер Лаен.

Таа истакна дека очекува темелна и независна истрага за нападот врз Навални, кој тој едвај го преживеа.

„Руските власти мора веднаш да го ослободат и да ја гарантираат неговата безбедност. Ние ќе продолжиме внимателно да ја следиме ситуацијата“, додаде претседателката на ЕК.

Претседателот на Европскиот совет исто така во неделата вечерта оцени дека апсењето на Алексеј Навални по неговото пристигнување во Москва е неприфатливо и повика на негово итно ослободување.

Руската полиција во неделата го уапси главниот критичар на политиките на Кремљ, Алексеј Навални, по неговото пристигнување на Германија на аеродромот „Шереметјево“ додека се подготвувал да ја мине пасошката контрола, потврди руската Федерална служба за затвори (ФСИН).

Прикажи повеќе...

Европа

Шпан нареди целно пребарување на новиот вид коронавирус во Германија

Објавено пред

Министерот за здравство на Германија, Јенс Шпан, нареди лабораториите да извршат целно пребарување на новиот вид коронавирус.

Целта на новата уредба е најмалку пет проценти од позитивните примероци да се анализираат за новиот вид коронавирус во иднина.

„Ние сакаме да добиеме подобар преглед на видовите на вирусот присутни во Германија“, рече Шпан.

Со зголемувањето на секвенционирањето тој сака да добие поголема јасност за тоа како се шират новите британски и јужноафрикански соеви во Германија.

Тој така реагира на сè погласните критики дека Германија, за разлика од другите земји, речиси не испитува кој вид е причина за тековните болести.

Лабораториите ќе добијат 220 евра од примерок поради зголемениот обем на работа.

Се предвидува дека со просечен дневен број од 10.000 пациенти, десет проценти од позитивните примероци ќе бидат испратени на секвенционирање.

Ако бројот на нови пациенти дневно надминува 10.000, тогаш, според уредбата, бројот на примероци за секвенционирање треба да се намали на пет проценти.

Прикажи повеќе...

Најново

Македонија5 часа

МТСП: Жените може да се пензионираат и на 62 години, доколку тие така одлучат

Во однос на дилемите во јавноста за задолжителното пензионирање на 64 години возраст и 15 години стаж, Министерството за труд...

Свет9 часа

Објавено ново видео од упадот во Конгресот на САД

Објавено е ново видео од упадот на приврзаниците на американскиот претседател во заминување Доналд Трамп во зградата на американскиот Конгрес...

Спорт10 часа

Чиле „падна“, Македонија во главната рунда на Светското првенство

Македонската ракометна репрезентација по двата високи порази во пресметките со Шведска и домаќинот Египет, ја забележа првата победа на Светското...

Македонија10 часа

Во Македонија 63 нови случаи на коронавирус, 13 лица починаа

Во последните 24 часа во Македонија се потврдени 63 нови случаи на коронавирус, 13 лица починаа, а 176 оздравеа, соопшти...

Свет11 час

Судот во Москва му одреди притвор на Навални

Рускиот суд му одреди притвор од 30 дена на опозиционерот Алексеј Навални. Притворот ќе трае до 15 февруари, соопшти неговиот...

Македонија13 часа

Мицкоски побара поддршка од Орбан и Сијарто за деблокирање на Македонија на патот кон ЕУ

Претседателот на ВМРО-ДПМНЕ, Христијан Мицкоски, и потпретседателот Александар Николоски, денеска во Будимпешта имаа работна средба со премиерот на Унгарија, Виктор...

Свет14 часа

Пристапот „прво јас“ нè турка кон катастрофален пад во дистрибуцијата на вакцините, вели директорот на СЗО

Светот е на работ на катастрофален морален пад во дистрибуцијата на вакцини против Ковид-19, изјави денеска генералниот директор на Светската...

Македонија14 часа

Бектеши смета дека кафулињата треба да работат до 23 часот

Министерот за економија, Крешник Бектеши, смета дека работното време на угостителските објекти ќе биде продолжено до 23 часот. „Продолжување на...

Топ15 часа

Детали за инцидентот во врска со прилепчанецот убиен на лов

Во полициската станица во Прилеп во претпладневните часови на 17 јануари било пријавено дека во атарот на прилепското село Витолиште...

Македонија16 часа

Заев: Од Србија ќе добиеме 8.000 вакцини на „Фајзер“

Србија ќе ни отстапи 8.000 вакцини од „Фајзер“, a потоа можеби и ковид-вакцини од другите производители. Премиерот Зоран Заев соопшти...

Македонија16 часа

Институтот за трансфузиологија апелира: Донирајте крвна плазма, помогнете им на оние што се борат со Ковид-19

Од Институтот за трансфузиона медицина информираат дека се обезбедени 802 единици конвалесцентна плазма за третман на пациенти заразени од Ковид-19...

Европа16 часа

Во Германија откриена досега непозната мутација на коронавирусот

Според германските медиуми, на клиниката „Гармиш-Партенкирхен“ е пронајден нов, досега непознат вид коронавирус. Во болницата во Гармиш-Партенкирхен 73 пациенти и...

Свет17 часа

Захарова им порача на критичарите на апсењето на Навални да се занимаваат со своите проблеми

Портпаролката на руското Министерство за надворешни работи, Марија Захарова, се јави по повод пораките од политичарите за итно ослободување на...

Регион17 часа

Во Хрватска вакцинирани речиси 46.000 лица, кај 80 забележани лесни несакани ефекти

До овој викенд вакцинирани се речиси 46.000 граѓани во Хрватска, а 80 од нив имаат претежно лесни несакани ефекти, изјави...

Свет18 часа

Портпаролката на Навални: Не знаеме што се случува со него и каде го одведоа

Заводот за извршување кривични санкции во Русија објави дека опозиционерот Алексеј Навални, кој беше уапсен синоќа на враќање од Германија...

Свет18 часа

Австралија годинава нема да ги отвори границите, дури и ако мнозинството граѓани се вакцинираат

Австралија можно е да не ги отвори целосно своите меѓународни граници годинава, дури и ако мнозинството од населението е вакцинирано...

Свет19 часа

Уапсен функционер од Ново Мексико за нападот врз Капитол

Министерството за правда на САД објави дека е уапсен функционер од Ново Мексико во врска со нападот на Капитол на...

Свет1 ден

Претседателот на Европскиот совет повика на итно ослободување на Навални

Претседателот на Европскиот совет, Шарл Мишел, повика на итно ослободување на рускиот опозициски лидер, Алексеј Навални, откако беше приведен по...

Топ1 ден

25-годишен прилепчанец загина за време на лов

Дваесет и петгодишен прилепчанец бил застрелан во атарот на мариовското селото Витолиште, додека со пријателите бил на лов на диви...

Свет1 ден

(Видео) Снег во Сахара

Додека јануари носи снег во многу краеви на светот, во Сахара или на Блискиот исток тоа не е толку вообичаено....

Досие