Европа
Повеќето Германци скептични околу вакцинацијата, Меркел реагираше со коментар
Во Германија, подготвеноста за вакцинација паднала на минимум од почетокот на епидемијата, пренесуваат тамошните медиуми.
Како главна причина се наведува стравот од несакани ефекти. Владата проценува дека треба да се вакцинираат две третини од луѓето за да се надмине пандемијата.
Првата вакцина против корона, која веќе масовно се дава во западните земји, направена е и од германски научници од „Бионтек“ во Мајнц. Утре (21 декември), Европската агенција за лекови треба да ја одобри вакцината за целата ЕУ, а Германија планира да започне со вакцинација на 27 декември.
Сепак, во моментот помалку од половина Германци се подготвени да се вакцинираат, пишува „Дојче веле“.
Во истражување спроведено во втората недела од декември, само 48 проценти од луѓето рекле дека ќе се вакцинираат, објави мониторингот основан од Универзитетот во Ерфурт и Институтот Роберт Кох. На таа анкета, 40 проценти од луѓето изјавиле дека сакаат малку да почекаат пред да донесат одлука, а 11 проценти одбиле да се вакцинират.
Станува збор за драстичен пад на подготвеноста за примање на вакцината во споредба со пролетта, кога 79% од Германците во принцип изразиле подготвеност да се вакцинираат кога вакцината ќе стане достапна.
Оние кои се скептични или целосно ја отфрлаат можноста за вакцинирање најчесто наведуваат причини како потреба од одмерување на придобивките и можните ризици, како и дека не веруваат во транспарентноста при објавувањето на можните нуспојави.
Истражување спроведено на 15 и 16 декември дало скоро ист процент како веќе споменатата анкета. Минатиот месец, Хамбуршкиот центар за здравствена економија направи споредба меѓу европските земји со заклучок дека Германија се движи во просекот – подготвеноста за вакцинација опаѓа насекаде.
Според проценките на германските научници, ефикасна вакцинација на 65-70 проценти од населението би била доволна за да се победи пандемијата. Се повеќе се слушаат гласови кои повикуваат на сеопфатна кампања за вакцинација за да им се објасни на граѓаните за придобивките од вакцината.
Пред неколку дена, канцеларката Меркел во Бундестагот повтори дека вакцинацијата ќе остане доброволна, но додаде: „Има и луѓе кои не сакаат да се вакцинираат. Доколку тоа се над 40, 50 или 60 проценти од популацијата, тогаш ќе мора да носиме маски многу подолго бидејќи нема да постигнеме имунитет на стадо“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.