Свет
Папата Франциско: Солидарноста сега ни е најпотребна
Во божикното обраќање папата Франциско му порача на човештвото дека сега му е најпотребна солидарност и ги повика државите да ја споделат вакцината против коронавирусот нагласувајќи дека не може да се градат sидови на национализам за да се запре пандемијата што не познава граници.
Како знак на новото време, папата својата традиционална порака до градот и светот, „Урби ет Орби“, не ја изговори од балконот на базиликата „Св. Петар“ пред десетици илјади верници, туку виртуелно од палатата, јавуваат светските агенции.
Пандемијата и нејзините социјални и економски последици доминираа во неговото обраќање во кое тој повика на глобално единство и помош на нациите што страдаат од конфликти и хуманитарни кризи.
„Божјиот син нека го обнови духот на меѓународната соработка меѓу политичките и владините лидери почнувајќи од здравствената заштита, така што на сите ќе им се овозможи пристап до вакцини и третман. Соочени со предизвици што не познаваат граници не можеме да градиме sидови. Сите сме во ист брод“, рече папата.
Во своето традиционално божикно обраќање папата Франциско рече дека на светот му треба братство во време на пандемија.
„Во овој историски момент, обележан со еколошка криза и сериозна економска и социјална нерамнотежа, влошена од пандемијата на коронавирусот, најважно е да се признаеме едни со други како браќа и сестри“, рече аргентинскиот поглавар на Католичката црква.
Тој повика на конкретна братска солидарност што ги надминува семејството, етничката припадност, религијата, јазикот и културата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Прослава на улиците на Техеран поради нападот врз Израел
Стотици Иранци излегоа на улиците на Техеран за да го прослават нападот во кој беа истрелани речиси 200 проектили кон Израел.
Свет
Советникoт за национална безбедност на САД: Нападот беше поразен и неефикасен
Американскиот советник за национална безбедност, Џејк Саливан, одржа прес-конференција во Белата куќа.
Тој потврди дека Соединетите Држави соработуваат со Израел за да го проценат влијанието на нападот и повтори дека во овој момент се знае дека никој не е убиен.
„Накратко, овој напад се чини дека е поразен и неефикасен“, нагласи тој.
Како што нагласи, нападот претставува значајна ескалација од страна на Иран.
„Подеднакво е значајно што успеавме да зачекориме напред со Израел и да создадеме ситуација во која никој не е убиен во Израел колку што знаеме во моментов“, додаде тој.
Потврди дека Белата куќа јасно ставила до знаење дека ќе има последици за овој напад.
Претставник на американското Министерство за одбрана изјави дека разурнувачите на американската морнарица во Средоземното Море пресретнале ирански балистички ракети за време на нападот врз Израел.
Американски разурнувачи учествуваа и во пресретнувањето на ирански балистички ракети и беспилотни летала на 13 април, соборувајќи неколку проектили лансирани кон Израел.
Свет
Мексико официјално ја доби својата прва жена претседател во историјата
Поранешната градоначалничка на Мексико Сити, Клаудија Шејнбаум, денеска официјално стана првата жена претседател на Мексико од независноста на земјата во 1821 година, наследувајќи го популарниот Андрес Мануел Лопез Обрадор на таа позиција.
Шејнбаум, климатски научник со еврејско потекло, положи заклетва пред претставници и сенатори во Мексиканскиот конгрес.
Во јуни таа победи на изборите со речиси 60 отсто од гласовите, откако излезе пред владејачката левичарска партија Движење за национална обнова (Морена) и сојузниците.
Тие имаат и удобно мнозинство во парламентот, што им овозможува да го променат Уставот без поддршка од опозицијата. На инаугурацијата пристигнаа бразилскиот претседател Луис Инасио Лула да Силва и првата дама на САД Џил Бајден.
Поранешната градоначалника на Мексико Сити ја превзема функцијата од нејзиниот ментор, Андрес Мануел Лопез Обрадор, кој ја воведе во политиката во 2000 година како заменик за еколошки прашања во градското собрание на мексиканската престолнина.
Веднаш по победата таа најави дека нејзината влада ќе биде фискално одговорна и ќе ја почитува автономијата на централната банка. Најави и дека ќе ја зајакне безбедноста на земјата, но не кажа како ќе го направи тоа по најнасилните избори во модерната мексиканска историја, пред кои беа убиени 38 кандидати.
Аналитичарите тврдат дека организираните криминални групи го зајакнале и го прошириле своето влијание за време на мандатот на Лопез Обрадор.
Ја удвои минималната плата, ја намали сиромаштијата, за време на неговиот мандат зајакна пезото, а невработеноста се намали, што го направи исклучително популарен, напиша Ројтерс.
Тој беше многу присутен во кампањата за овие избори, обидувајќи се да ги прикаже како референдум за неговото политичко наследство. Шејнбаум ги отфрли тврдењата на критичарите дека таа ќе биде негова „марионета“, иако најави дека ќе продолжи со многу од неговите политики.